麥當勞咖啡既平價又方便，CP值極高，對於唔少上班一族嚟講係返工恩物。然而，香港麥當勞今早（9月4號）突然喺Facebook宣布停售咖啡，引起好多網民哀鴻遍野，留言話「每天早餐只為杯咖啡」、「冇再幫襯的理由」。到底發生咩事呢？
圖片來源：麥當勞、Facebook@McDonald’s｜撰文：Angela
| （廣告時間） |
麥當勞Mcdonald’s今早喺Facebook發帖，宣布18:00開始「優質濃香咖啡」同「優質即磨咖啡」就會停售。帖文寫道：「【重大消息
麥當勞咖啡退休喇
】麥當勞咖啡喺今晚6點正式道別並暫停供應，感謝大家多年支持
！」。由於事出突然，網民都一頭霧水，問點解要停售。有人估計麥當勞係想將咖啡業務全部歸給McCafé、又有人估計麥當勞想出新產品取代咖啡。好多一向支持開麥當勞咖啡嘅市民，失去朝早返工就精神支柱已經哀鴻遍野，留言話：「可以唔洗再食lu」、「已無幫襯嘅理由」、「後會無期」。
事隔半日，麥當勞又再宣布，咖啡只係停售12小時！原來麥當勞為咗全面升級餐廳嘅咖啡機、咖啡豆配方及同員工訓練。之後，全線逾250間麥當勞由9月5日早上起會免費升級套餐飲品做「McCafé即磨黑咖啡」，更由同日起至9月8日一連四日推出早餐優惠「$10試飲熱McCafé Latte即磨鮮奶咖啡」。各位上班一族被嚇餐懵，聽日又可以照飲麥當勞咖啡了。
