鬼滅之刃電影 | 風靡全球嘅人氣動漫《鬼滅之刃》，其第四季《鬼滅之刃柱訓練篇》已經播出最後一集，而故事亦都會進入最終篇章「無限城篇」，官方更透露將會推出電影三部曲，相信一眾粉絲都相當期待，即刻帶大家率先睇前導預告！
圖片來源：X@kimetsu_off | 撰文：Hedy
唔知大家睇完最後一集《鬼滅之刃柱訓練篇》之後有冇覺得感動呢？日本官方宣布將會推出《鬼滅之刃無限城篇》電影三部曲，更一次過釋出視覺圖同預告畀大家率先睇。當中視覺圖更展現出竈門炭治郎、鬼殺隊最強劍士《柱》同珠世激昂嘅鬥志，將會喺無限城入面同鬼舞辻無慘以及十二鬼月們展開最終決戰！喺大銀幕上面睇咁精彩嘅打鬥畫面，絕對會令大家滿意同期待！
預告率先睇！
《鬼滅之刃》喺2020年推出首部劇場版動畫《鬼滅之刃劇場版：無限列車篇》後，成為日本首部票房突破400億日圓嘅電影，亦都係日本史上票房最高嘅電影。相信今次推出「無限城篇」三部曲，有望再次打破票房紀錄，不過要等晒三部曲上映，相信最少都需要五至六年時間，各位粉絲們都可以率先睇住預告先！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
