香港遊樂場 | 放假想帶小朋友出去玩，小編就推薦呢個2萬平方呎嘅地方，可以任玩滑梯、兒童攀爬雕塑以及緩跑徑等等，無論係大人定小朋友都啱玩！即刻入內文睇地址啦！
圖片來源：官方圖片 | 撰文：Hedy
位於元朗朗壹廣場2樓竟然有一個佔地二萬平方呎嘅地方畀小朋友玩？一行入去舒泰花園就有二萬平方呎露天草坪公共空間，種植咗唔同嘅植物！而深受小朋友喜愛嘅絕對係呢2條奇趣滑梯，趣味十足嘅造型設計絕對可以發揮到小朋友嘅創意！
香港遊樂場 | 適合兒童攀爬！
而隔離更有由美國遊樂場公司Luckey Climbers特別設計嘅兒童攀爬雕塑「The Twist」，可以等小朋友喺度爬上爬落，盡情放電！除咗小朋友可以免費玩遊樂設施之外，One North朗壹廣場2樓嘅舒泰花園仲設有200米緩跑徑及戶外健身設備等，無論係大人定小朋友都可以一齊盡情玩樂～
【INFO】 《One North朗壹廣場 舒泰花園》 開放時間：上午8時至下午6時 地址：元朗康業街8號 朗壹廣場2樓舒泰花園
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
