貓貓壁畫｜最近油麻地附近有個爆紅嘅貓貓壁畫，作品雖然未完成但已經吸引咗唔少嘅街坊朋友圍觀同打卡，仲要真係畫得超逼真超靚呀！即刻入內文睇地址！
圖片來源：Instagram@artdreamers.hk | 撰文：Hedy
最近油麻地地鐵站近D出口附近嘅一幅貓貓壁畫爆紅，就算作品尚未完成晒，但都已經吸引咗唔少朋友特登去打卡！而呢幅壁畫係由本地藝術團隊Art Dreamers所推出嘅街頭藝術計劃「Project C」，由李學鋒老師以及其團隊繪畫出。壁畫設計概念以美容、美甲以及貓咪作為主題元素，設計出一個充滿浪漫與療癒感嘅玫瑰花園場景。以柔和粉色調為主，再配合埋日落時分嘅金色陽光，營造出溫暖又夢幻嘅氛圍。相信大家去到都會見到超逼真嘅貓貓。由於最近天氣唔太穩定，壁畫將會於星期三（3月4號）後繼續完成，大家到時都可以去打卡。
【INFO】 《油麻地巨型貓咪壁畫》 地址：油麻地地鐵站近D出口直行再左轉
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
