就快到聖誕節同除夕，大家都會約埋一大班親朋好友開Party，想玩得盡興又點可以缺少美食？今次小編就為大家推介8大聖誕到會外賣服務，中外美食包羅萬有。即睇以下聖誕到會介紹、價錢以及訂購方法啦！
圖片來源：Kama Delivery、 聰嗚茶座、Open Meal、Kitchen AO、There‘s Catering 有間到會、Ikea、日之苑、Day Night Catering | 撰文：Icy
聖誕節到會2023 | 1. Kama Delivery
Kama Delivery係到會嘅人氣之選，唔止食物款式多，而且味道都好不錯，更加接受即日訂單，萬一太遲先醒起未訂食物都唔怕！Kama Delivery最近推出聖誕到會粉紅套餐，多款美食包括巴馬火腿蜜瓜、黑松露雞蛋酥盒、沙嗲串燒、聖誕繽紛炸物拼盤、各式各樣嘅牛角包或漢堡等等，任你隨意配搭！鍾意珍珠奶茶嘅話，仲可以訂佢哋嘅特大珍珠奶茶，用咗成個水桶裝，夠晒過癮！基本4至5人套餐只需$1,280，如果舉辦大家族或公司party，更可供應達100人嘅份量！但要訂購咁大份量嘅食物，建議大家都係提早預訂，畀足夠時間店家準備食物。
【INFO】 Kama Delivery 套餐份量：4至100人份 價錢：$1,280～$23,680 訂購方法：Kama Delivery
聖誕節到會2023 | 2. Open Meal
Open Meal嚴選產地直送食材，搜羅多款時令日式食材，當中推出嘅聖誕到會服務，除咗可選壽司刺身拼盤，仲有海鮮鍋物、串燒燒肉等套餐，份量可供達20多個人享用。另外亦可加添各款小食，例如炸物、有機菜沙律、糯米糍或泡芙等甜品，一口一件，方便又惹味！
【INFO】 Open Meal 套餐份量：2至22人份 價錢：$1,080～$3,380 訂購方法：Open Meal
聖誕節到會2023 | 3. Kitchen AO
約埋一大班親朋好友開聖誕party，每個人總有唔同口味，而Kitchen AO推出嘅聖誕到會套餐，由廚師精心烹調，提供多國菜式，照顧唔同人嘅喜好～當中包括多款特別菜式，例如英式黑松露威靈頓牛柳、香月園焙茶烤鴨、鹽焗翡翠螺、香烤西班牙豬肩、辣肉腸燴牛尾蛋炒飯等等，可供5至40人享用，賣相精緻而且款式多元化！
【INFO】 Kitchen AO 套餐份量：5至40人份 價錢：$1,688～$8,999 訂購方法：Kitchen AO
聖誕派對到會推介 | 4. There‘s Catering 有間到會
There‘s Catering 有間到會同樣提供多國菜式聖誕到會服務，選用高質新鮮食材，並由店主親自下廚，即叫即煮，熱辣辣有火候。至於食物款式可隨意配搭，例如有沖繩雞中翼、泰式豬頸肉、三文魚蟹籽炒飯、千島海鮮Pizza、椒鹽魷魚酥等等。唔好以為到會食物就冇咁好味，「有間到會」嘅食物絕對有保證，小編特別推介香草燒紐西蘭羊架同泰式酸辣豬頸肉，充滿油香同肉汁好邪惡！食物價錢由$128起一盤，而且唔設最低消費！
【INFO】 There‘s Catering 有間到會 套餐份量：視乎訂購餐點數量 價錢：$128起（以每款餐點計算） 訂購方法：There‘s Catering 有間到會 / 致電或whatsapp 9134 5932
聖誕節到會2023 | 5. 聰嗚茶座
位於西貢嘅聰嗚茶座係一間社企餐廳，聘請聽障人士擔任服務員或者廚師，提供就業機會。除咗堂食，茶座亦有推出聖誕到會服務，多款美食包括烤雞雜菜沙律、香草鮮雜菌炒意大利粉、蜜糖雞中翼、鮮芒果布甸等，每份餐點可供達20多個人享用，賣相同味道水準都好高。趁住溫暖嘅聖誕佳節，不妨幫襯佢哋嘅到會服務，支持聽障人士融入社會啦！
【INFO】 聰嗚茶座 套餐份量：視乎訂購餐點數量 價錢：$288～$438（以每款餐點計算） 訂購方法：聰嗚茶座
聖誕節到會2023｜6. Ikea
想品嚐傳統北歐聖誕美食，就要試吓Ikea推出嘅2023聖誕派對外帶北歐餐！聖誕到會美食包括松露雞肉牛油果凱撒沙律、蒜香脆雞、牛油燒帶子雜菌扁意粉、炭烤雞肉串，當然唔少得最標誌性嘅瑞典肉丸等等，適合6至8人享用。若果於指定日子自行取貨，更可享低至$739嘅早鳥優惠價，即係平均$92一個人咋！
【INFO】 Ikea 套餐份量：6至8人份 價錢：$739～$839 訂購方法：即日起於各IKEA分店之瑞典餐廳或指定分店之瑞典美食站預訂
聖誕節到會2023｜7. 日之苑
一個Party總唔可以缺少壽司！主打日式美食嘅日之苑推出嘅日式聖誕到會服務，提供超過百種派對和食，例如刺身珍味拼盤、三文魚蟹籽炒飯、炭燒豬頸肉、精選雜錦壽司等等，另有仲有各式日式飯盒及便當可供選擇。如果要臨時訂購party食物，最快即日3至4小時前落單，即日就可以送貨！
【INFO】 日之苑 套餐份量：4至50人份 價錢：$798～$6,388 訂購方法：日之苑
聖誕節到會2023｜8. Day Night Catering
Day Night Catering推出嘅聖誕到會美食，由星級藍帶廚師及專業團隊主理，等大家以平民價錢就可以享受酒店級餐飲體驗。當中包括多款經典中外美食，例如意大利辣肉腸薄餅、秘製瑞士汁雞翼、香蒜羅勒醬大蝦珍珠貝青口炒意粉、泰式無骨鳳爪青瓜甘荀絲沙律等。另外仲會有海鮮BBQ或素食主題套餐，可供應達200人嘅份量！最好就係佢哋有即日訂購服務，4點前落單就可以即日送到。但聖誕、除夕等熱門日子，當然都係先查詢店家比較好！
【INFO】 Day Night Catering 套餐份量：4至200人份 價錢：$1,288～$49,500 訂購方法：Day Night Catering
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
