線上遊戲 | 唔知大家細個嘅時候有冇玩過各式各樣嘅線上小遊戲呢？以前嘅遊戲真係超好玩，小編當時最鍾意玩無個性戰隊、香港茶餐廳同埋電眼美少女，一講起就絕對係滿滿嘅童年回憶！而小編最近發現到馬仔Maggiemarket重新將自己之前所創作嘅經典遊戲放喺網站畀大家玩，想玩遊戲嘅大家就記得入內文睇詳情喇！
圖片來源：Facebook@Maggiemarket | 撰文：Hedy
相信大家有機會都認識漫畫家馬仔Maggiemarket，唔講唔知原來佢都係唔少經典Flash Game嘅創作者，包括港式茶餐廳、辦公室偷懶、大排檔、Mag‘s Nursery以及BE MY GUEST等等，大家又玩過幾多款遊戲呢？而最近馬仔Maggiemarket就將自己嘅遊戲整合，等大家都可以一齊玩到，由於依然係Flash Game，建議大家用電腦最有機會開到！依家可以玩住3款遊戲先，其他就會陸續更新～
線上遊戲 | 1. 辦公室偷懶
呢個絕對係小編細個最鍾意玩嘅遊戲之一！平時想偷懶又唔想畀老細發現，絕對需要大家幫手！大家要喺返工時間幫手搽腳甲、敷面膜、上髮卷、覆MSN、瞌眼瞓以及修眉等，記得一見到老細出現就要即刻用電腦扮工喇，睇你喺收工之前可唔可以完成晒～
線上遊戲 | 2. 港式茶餐廳
身為茶餐點嘅店員絕對要滿足顧客嘅需求，大家需要按照顧客落單去製造出相應嘅食物，記得要盡快煮畀客人食～如果煮燶嘢或者未煮熟食物就要重新再煮過喇～
線上遊戲 | 3. Facial House
幫顧客帶上頭帶之後就要開始清潔、挑黑頭以及敷面膜嘅步驟，途中更會有唔少電話打嚟需要你接聽，喺限時入面接越多顧客越好～
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
