綠在區區回收 | 農曆新年將至，除咗要預早準備定大掃除之外，亦都要及早養成回收嘅習慣，當8月1號正式實施垃圾徵費嘅時候，就可以減少住宅垃圾。回收所累積嘅積分更可以換食物或日常用品，即刻睇睇各區回收地點啦！
圖片來源：香港減廢網站| 撰文：Hedy
政府早前將本來由4月1日所實施嘅垃圾徵費，延後至8月1日，咁大家就可以趁依家培養回收嘅習慣！環保署「綠在區區」喺香港設有11個「回收環保站」、33個「回收便利點」同埋約120個「回收流動點」。接受常見嘅10種回收物，當中包括廢紙、金屬、塑膠、玻璃樽、充電池、慳電膽及光管、四電一腦、小型電器及紙包飲品盒。
回收類型：
1. 紙張
常見嘅紙張例如報紙、辦公室用紙、雜誌、紙皮(瓦通紙)、書籍以及紙包飲品盒都可以回收！只要除去膠紙、雜質同埋唔好濕水就可以回收！但如果喺有塑膠成分嘅宣傳單張/小冊子、便條紙、信用卡客戶存根、銀行存款收據(無碳複寫紙)，又或者係超巿/櫃員機收據、投注彩票、傳真用紙，等使用熱能感應紙嘅都無法回收！提提大家紙袋、紙杯、紙碟、廁紙、餐巾同抺手紙等等都係唔可以回收。
2. 塑膠
清洗乾淨嘅飲品膠樽同埋個人護理用品膠樽，只要保持清潔同乾爽就可以交到綠在區區，而乾淨嘅膠袋、膠餐具、膠容器、包裝膠物料、光碟以及發泡膠，同樣都可以回收！
3. 金屬
只要清空及清洗金屬容器並去除非金屬附件，就可以將鐵罐、煮食器具以及鋁罐回收。
4. 玻璃樽
廢玻璃(飲品、醬料及食品)樽清洗乾淨後，只需要移除樽蓋就可以放落去回收桶，不過如果玻璃容器入面裝有化妝品及化學品，就不宜回收！
5. 充電池
充電池回收計劃接受各式各樣由家居產生嘅便攜式充電池，包括手提電話、數碼 / 攝錄相機、手提電腦、電動工具、電子字典、手提吸塵機、電子遊戲機以及外置充電器。切勿將已損壞嘅充電池投入回收箱！
6. 小型電器
小型電器例如電飯煲、多士爐、焗爐、燙斗、風筒及電話則可以回收，而基於衛生考慮，一些醫療及健康儀器例如血壓計、洗腎機、血糖計以及個人衞生用品例如洗牙機、電動鬚刨、電動牙刷等，都未能安排回收。
7. 受管制電器 (四電一腦)
冷氣機、洗衣機 (洗衣量不超過10公斤)、雪櫃 、電視、顯示器、電腦、掃描器以及影印機，只要送去附近嘅「綠在區區」就可以免費回收。
8. 慳電膽及光管
慳電膽、螢光燈管、高強度氣體放電燈都可以交到回收點。如果係已破碎嘅燈管，就要將燈管放入膠袋內，並用膠紙將膠袋封好。
賺積分免費換取糧食
當大家使用智能回收設備提交回收物時，只需下載綠綠賞手機應用程式，並成為會員，就可以出示應用程式或綠綠賞積分卡，先可以賺取相應綠綠賞積分。當賺取150分後便可以換領唔同嘅食物或者係日用品，減少垃圾之餘又可以換成日用品，相當有意思！
當大家已經了解有啲咩回收同相應嘅獎賞後，就要睇下香港各區嘅回收點喺邊啦：
1. 回收環保站列表
- 港島
綠在東區 （筲箕灣愛信道30號）
綠在灣仔（灣仔運盛街6號）
- 九龍
綠在觀塘（九龍灣常怡道27號）
綠在深水埗（深水埗通州街339號）
- 新界
綠在離島（大嶼山東涌松滿路1號）
綠在葵青（青衣担杆山路12號）
綠在西貢（將軍澳寶琳里3號）
綠在沙田（石門安平街10號）
綠在大埔（大埔大華街25號）
綠在屯門（屯門屯義街9號）
綠在元朗（天水圍天華路65號）
2. 回收便利點列表
- 港島
綠在香港仔（香港仔香港仔大道203號香港仔街市1樓）
綠在鴨脷洲（鴨脷洲鴨脷洲大街 165-167號樂景大廈地下B&C舖）
綠在跑馬地（跑馬地黃泥涌道51號翠谷樓地下3號舖）
綠在堅城（堅尼地城卑路乍街44B號Lexington Hill地下2號舖）
綠在鰂魚涌（鰂魚涌英皇道1010-1056號東匯坊130號舖）
綠在西營盤（西營盤皇后大道西224號地舖）
綠在上環（上環修打蘭街16號榮興商業大廈地舖）
綠在天后（天后電氣道13-41號凱旋大廈地下M及M1地舖）
- 九龍
綠在長沙灣（長沙灣福華街188號地下G01及G02號舖）
綠在紅磡（紅磡蕪湖街103號地舖）
綠在佐敦（佐敦偉晴街14-18號偉晴閣地下1-3號舖）
綠在啟業（啟業邨啟裕樓地下）
綠在新蒲崗（新蒲崗彩虹道98-100號新蒲崗大廈地舖）
綠在大角咀（大角咀埃華街117-119號大益樓地下C及D號舖）
綠在土瓜灣（土瓜灣炮仗街93號喜築地下D號舖 (新山道入口)）
綠在寨城（九龍城獅子石道48號地舖及一樓）
綠在裕民坊（觀塘牛頭角道357-375號仁安大廈地下C號舖）
- 新界
綠在粉嶺（粉嶺百和路88號花都廣場1樓A111號舖）
綠在建生（屯門良德街3號豐連地下3號舖）
綠在葵芳（葵涌葵芳邨葵安樓地下13號）
綠在路德圍（荃灣青山公路—荃灣段423-427號地下2號舖）
綠在朗屏（元朗教育路87-99號鴻發大廈地下K及L舖）
綠在聯和墟（粉嶺聯和墟聯和道15-23號嘉宏中心A座地下1號舖）
綠在梅窩（梅窩梅窩碼頭路10號銀礦中心大廈地下D舖）
綠在寶琳（將軍澳欣景路8號新都城中心二期G19號舖）
綠在西貢墟（西貢萬年街98號地下）
綠在西貢墟 – 調景嶺店（將軍澳澳景路88號維景灣畔3期低層地下2樓A1舖）
綠在新墟（屯門新墟屯門鄉事會路4-26號明偉大樓地下12號舖）
綠在石湖墟（上水龍琛路80號地下）
綠在大埔墟（大埔廣福道51-59號中嘉閣地舖）
綠在大圍（大圍積信街 18-24 號喜悅樓地下 A3號舖）
綠在太和（大埔翠怡街3號翠怡花園C座地下13A號舖）
綠在大窩口（葵涌大窩口邨富華樓地下6號）
綠在二陂坊（荃灣河背街71號地舖）
綠在元朗墟（元朗青山公路—元朗段1號珍珠樓地下11號舖）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
