每日都爆成五六百單，如果失驚無神畀人捉咗去隔離點算好？都係有備無患好啲！原來依家有好多網店同超市都會做埋竹篙灣送貨服務，唔需要擔心入到去會冇啖好食！加上原來送貨入竹篙灣係有注意事項㗎，想知有啲咩唔送得，有咩Package可以買入去就記得碌埋落去睇喇！

圖片來源：HKTVMALL、百佳、實惠、網上圖片｜撰文：Debbie


-竹篙灣隔離送貨注意事項-

無論係親朋戚友親自送物資亦或訂貨入竹篙灣，所有物品都有限制，而且送之前都要預先向職員申報！究竟有啲咩係唔畀入營呢？

1.）香煙、酒精類飲品、雪茄、煙草、噴灑式飲品、賭博用具、容易腐爛物品及未經醫生處方的藥物等。

圖片來源：網上圖片

2.）訂購的貨品由送貨職員派送到竹篙灣，之後再由隔離中心工作人員轉交予隔離人士

圖片來源：網上圖片

3.） 訂購貨品後需向隔離中心工作人員申報，貨品送達後會被民安隊檢查，未有申報的物品或會被拒絕轉交。

目前亦都有多間網店有做竹篙灣送貨服務，大家可以Save定呢篇文！有需要就可以拎嚟用啦！

竹篙灣隔離送貨網店（1）：百佳
送貨傳送門

只要在訂購指定防疫套裝時輸入優惠碼「PB3D」，即可免運費送貨到竹篙灣。

**若派送到竹篙灣的訂單包含禁止送到隔離營的商品，該商品將不會獲得派送。 *任何因客人未提前申報以引致訂單不獲派送或誤將禁制產品放進購物籃，有關款項將不會獲退款。

竹篙灣隔離送貨網店（2）：HKTVMALL
送貨傳送門

只要訂單買滿$100，並於結賬時輸入優惠碼「PBQCD100」，即可免運費派送至竹篙灣檢疫中心。

*容易腐爛物品及酒精類飲品將不會獲得派送。 *訂購禁止送到隔離營的商品，有機會取消訂單而不予退款。

圖片來源：HKTVMALL

竹篙灣隔離送貨網店（3）：實惠
送貨傳送門

*逢星期二、四、六下午3時截單，逢星期一、三、五送貨(公眾假期除外)
*送貨前一日將會收到物流部同事通知
*送貨資料請輸入收件人全名 (與證件相符)
*送貨地址請輸入竹篙灣檢疫中心座數及房號，並列明地區竹篙灣
*為遵守檢疫中心對送遞貨品之嚴格限制，以下貨品將不獲派送：急凍食品、奶類製品（芝士、牛奶、乳酪）等容易腐爛食品及酒精類飲品將不會獲得派送。如訂購上述商品至竹篙灣，有機會取消訂單而不予退款。
希望大家都可以喺疫情期間盡量少出門，減低患病嘅風險！又唔驚俾人捉去隔離啦～
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/