破地獄電影 | 人生在世必定會經歷生老病死嘅階段，然而學懂離別往往都係人生必學嘅課題之一。《破·地獄》以香港殯葬業為題，大膽談及生死，更搵嚟黃子華、許冠文、衛詩雅同朱栢康領銜主演，更先後入圍夏威夷國際電影節參展電影、第21屆香港亞洲電影節開幕電影以及東京國際電影節等，絕對係今年必睇嘅港產片之一！
圖片來源：Facebook@破 · 地獄 The Last Dance、Instagram@upperdeck_tainan | 撰文：Hedy
電影《破·地獄》由陳茂賢執導、編劇，黃子華及許冠文攜手主演，為2人相隔32年後再度合作嘅機會，再加上衛詩雅、朱栢康、周家怡、秦沛、金燕玲、韋羅莎、梁雍婷、白只、鍾雪瑩等演員。電影聚焦在香港獨有嘅「破地獄」，藉著殯葬業為題，講述不只先人需要超渡，生人同樣亦需要超渡。
破·地獄電影 |《破·地獄》電影大綱
婚禮策劃師道生（黃子華 飾）因婚禮市場蕭條而債台高築，被迫改行成為葬禮經紀人。紅白二事大相逕庭，令道生處處碰壁，但最難一關是要得到喃嘸師傅文哥（許冠文 飾）嘅認可。起初因理念不合，道生與文哥衝突不斷，兩人嘅關係岌岌可危。但數次危難時刻文哥出手相助，以及親歷文哥與女兒文玥（衛詩雅 飾）嘅相處點滴，道生與文哥之間嘅心結慢慢解開，也逐漸悟到「破地獄」嘅真正意義。
破·地獄電影 | 破地獄是甚麼？
相信大家或多或少都聽過破地獄，但背後嘅過程同意思其實又代表啲咩呢？破地獄其實係香港非物質文化遺址，傳統道教喪禮法事之一，帶領先人喺九層中脫離，超渡先人。喃嘸師傅會喺靈堂中央地面，以九塊瓦片圍繞沾滿生油嘅元寶同寫著先人名字嘅紙，然後點燃。九塊瓦片代表著九層地獄，當眾人吟誦經文時，喃嘸師傅就會喺儀式中揮動桃木劍，作穿步及破瓦等動作，引導先人走出地獄嘅束縛。其後喃嘸師傅更會擊碎瓦片，助先人解脫，同時給予生者心靈上嘅慰藉。然而破地獄嘅過程不斷轉圈就如同跳舞般，與先人跳完最後一次舞，好好告別。
破·地獄電影 | 衛詩雅苦練破地獄9個月
由衛詩雅所飾演嘅郭文玥，與哥哥郭志斌（朱栢康 飾）生在喃嘸世家，朱栢康更喺電影入面擔當喃嘸師傅，所以兩人都為此跟專業人士學習破地獄。二人不僅要學會手持白幡嘅技巧，仲要進行耍劍、拋劍以及經文背誦等練習。衛詩雅更喺開拍前九個月特訓傳統破地獄儀式，除咗上堂，亦經常會喺公園以及家中練習，務求喺銀幕面前呈現最好嘅效果！
破·地獄電影 | 電影為實地取景拍攝
由於電影場景涉及香港嘅殯儀業，今次更罕有地獲殯儀館答應借出場地取景，所以大家先可以睇到電影入面東華三院屬下東華義莊及萬國殯儀館實地取景拍攝嘅場景。除咗靈堂之外，電影更係首次公開殯儀業較不為人知嘅地帶，就連殯儀館後面工作人員出入嘅地方以及東華三院義莊過百年歷史嘅棺木都睇到，黃子華更係深夜勇闖殮房通道拍攝，絕對值得大家入場睇！
破·地獄電影 | 林家謙首次為電影主題曲
睇完咁感人嘅電影之後，再加上由林家謙首次為電影《破·地獄》度身訂造主題曲《普渡眾生》，一手包攬曲、詞、編、監同主唱，相信聽完呢首歌，大家都可以喺傷痛之中走出來，慢慢放下，學習釋懷。然而當時林家謙看完一次電影後，向導演提議搵其他人寫詞。而導演亦堅持建由林家謙填詞，最後作品獲導演大讚：「所有嘅詞同電影一樣，天才就係天才！」相信大家聽完之後，必定能體會。
破·地獄電影 | 電影呢一幕 竟然係真人真事？
唔知大家又睇完破·地獄電影未呢？如果仲未睇嘅大家就可能要避開以下含劇套嘅內容。電影入面有一幕，甄小姐（韋羅莎飾）希望保存兒子嘅屍體，將兒子做防腐後屍體保存喺東華義莊，但行遍整個紅磡，只有道生肯答應佢嘅要求。但原來呢件事竟然係改編至真人真事？現實雖然有些微不同，一位女兒想幫亡父做防腐，由於當時好想做到呢件事，卻不斷被同行呃錢，直到導演陳茂賢一位做殯儀嘅朋友幫佢圓咗心願，所以先將事件放入電影入面。
破·地獄電影 | 深水埗大南街《破．地獄》展覽
相信睇咗電影嘅大家都會想了解更多，而喺深水埗大南街就有一個同電影相關嘅展覽，「《破·地獄》海報創作展及道具劇照展」由即日至12月1 日於「大南天梯」舉行，19位創作人運用各自嘅藝術風格，創作出以《破·地獄》電影為概念嘅海報，而樓上則展出破地獄電影相關道具同戲服！
【INFO】
《破·地獄》海報創作展及道具劇照展
日期：即日起至2024年12月1日
時間：12:00至19:00
地址：九龍深水埗大南街173號「天南天梯」1、2樓
破·地獄電影 |《破·地獄》預告片
破·地獄電影 |《破·地獄》上映日期
《破·地獄》將於2024年11月9日正式上映，盼電影感染到每位輪迴塵間嘅觀眾。
【INFO】 電影場次：https://bit.ly/48qvc3c
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
