畢業禮物 | 相信近期都有唔少朋友陸陸續續畢業，仲未諗好買咩畢業禮物？小編已經幫大家精選咗6大畢業禮物，絕對可以為畢業生送上最美好嘅祝福，即刻睇睇有咩選擇啦！
圖片來源：Facebook@Hing Fat Flower Market、WeMickit、香港迪士尼樂園 | Hong Kong Disneyland、公仔花束 花師奶訂購網 Flower C9、Instagram@moonaflorist、goodtimeballoon.hk、balloonbyjo、thetiming.flower、pinkoi@LaChriselle Florist、蒔嚐花藝 shibashibaflorist、IGREAN艾綠繪）| 撰文：Hedy
畢業禮物 | 1. 鮮花
喺畢業嘅日子，絕對少不了鮮花，相信無論係男仔定係女仔都啱。除咗同屋企人或者朋友打卡影相吸睛之餘，鮮花嘅香味亦都會令人心情變好。常見嘅鮮花有向日葵、玫瑰、滿天星以及繡球花等等，配搭埋唔同鮮花嘅花語以及鮮豔嘅顏色，絕對可以令朋友留下一個難忘嘅畢業～如果想再獨特啲，就可以加上對方鍾意嘅公仔或者係心意卡上去，誠意滿滿！
【INFO】 《鮮花》 門市地址：旺角太子道西184號地下 / 樂富廣場街市地下102號舖 / 東涌富東商場M20號舖 / 元朗YOHO II 2樓 A228號舖 購買網站：https://bit.ly/3zasJfL
【INFO】 《向日葵鮮花》 購買網站：https://bit.ly/3z8meu6
畢業禮物 | 2. 永生花
鮮花雖然影相效果會更靚，但擺放嘅時間較短，未必適合大家擺喺屋企保存，所以小編就推薦大家可以選擇永生花。永生花係以鮮花基礎嚟製作，保留咗鮮花嘅形狀以及色澤，比起鮮花嘅擺放時間都會更長，保存得好更可以擺放2至3年，所以價錢相對上都會畀鮮花更加貴。
【INFO】 《哈哈笑永生花》 購買網站：https://bit.ly/4caaLZk
【INFO】 《永生花》 購買網站：https://bit.ly/3zasYrb
畢業禮物 | 3. 氣球花
如果唔想下下送花咁普通，就可以送氣球花，特別得嚟收到又會相當驚喜，就咁攞住都已經相當吸睛！如果朋友有鍾意嘅卡通更可以加埋落去，別具特色！氣球花束更可以自訂顏色、花種以及數量等，製成品更有半個人咁高，收到絕對開心！
【INFO】 《氣球花》 購買網站：https://bit.ly/4bg9nTT
【INFO】
《氣球花束》
購買網站：https://bit.ly/4c7SE6A
畢業禮物 | 4. 公仔花束
當收到一束全部都係自己鍾意公仔嘅花束，大家一定會相當開心，對方相當有誠意為你準備呢份畢業禮物～而且公仔花束永遠都唔會凋謝，咁就可以好好保留呢份珍貴回憶。如果對方有鍾意嘅迪士尼角色，更可以親自入迪士尼揀選6隻或12隻Tsum Tsum，之後再畀錢喺美國小鎮大街廣場時尚店幫你紮成公仔花束！
【INFO】
《迪士尼花束》
購買網站：https://bit.ly/3CNnPTX
【INFO】
《公仔花束》
購買網站：https://bit.ly/4eAizoU
畢業禮物 | 5. 針織花
想自製禮物畀朋友仔，最簡單就係可以試試針織花束，網上都有唔少教學，無論係自製單只向日葵、玫瑰花又或者鬱金香都相對較為簡單，而且永遠都唔會凋謝，適合收藏！就算唔識自己整，都可以直接喺網上買。
【INFO】
《針織花》
購買網站：https://bit.ly/3xzglFC
【INFO】
《向日葵針織花》
購買網站：https://bit.ly/3VvbGwB
畢業禮物 | 6. 客製化禮物
除咗送花之外，都有唔少禮物可以送！想記錄一段難能可貴嘅友情，就可以透過一首歌或者錄一段窩心嘅語言去表達，呢一個擺設絕對可以幫到手～仲可以自選照片，自訂標題同歌名，收到一定會覺得好幸福！
【INFO】
《客製化禮物》
購買網站：https://bit.ly/3VPeNRl
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
