玩轉腦朋友2配音 | 迪士尼與彼思動畫電影《玩轉腦朋友2》全球熱映中，大家又睇咗未呢？除咗香港有粵語配音之外，大家如果喺其他國家或城市睇，都會欣賞到唔同嘅配音。而意大利就有一位為阿厭配音嘅演員亦引嚟熱烈討論，除咗夠靚女之餘，原來身分都大有來頭，即刻認識呢位絕美嘅配音員啦！
圖片來源：Instagram@devacassel、disneyit | 撰文：Hedy
《玩轉腦朋友2》除咗繼續有阿樂、阿愁、阿驚、阿燥同阿憎5位腦朋友之外，今次續集亦都新增咗阿焦、阿羨、阿厭以及阿尷。而意大利就有一位為阿厭配音嘅絕美配音員引嚟熱烈討論！Deva Cassel本身就自帶一種慵懶嘅感覺，再加上用神秘性感嘅聲音喺梳化上面錄音，呢一幕簡直就係超符合阿厭。
延伸閱讀：【《玩轉腦朋友》9大看點！戲院主題打卡位+結尾有彩蛋】
玩轉腦朋友2配音 | 深得父母優良血統
不過現實中嘅Deva Cassel就同阿厭相反，年僅19歲已經成為DIOR美容大使，仲係模特兒。媽媽係意大利著名女演員同模特兒Monica Bellucc，曾經出演《22世紀殺人網絡》系列以及《真愛伴我行》等，爸爸為法國演員Vincent Cassel，其作品包括《黑天鵝》以及《盜海豪情十二瞞徒》等。Deva Cassel深得父母優良傳統，當時15歲就可以高180cm，高挑嘅身材再加上精緻嘅五官，簡直就係遺傳咗爸爸媽媽嘅盛世美顏，難怪會被譽為最靚嘅星二代。
玩轉腦朋友2配音 | 2020年正式入行
Deva Cassel喺2020年接受Dolce&Gabbana邀請拍攝香水廣告後，同媽媽Monica Bellucc一齊登上時尚雜誌封面後，先算係正式入行。如今大家都會喺各個時裝周以及品牌代言等見到佢，除咗成為模特兒，佢更有份出演電影《The beautiful summer》以及Netflix劇集《The Leopard》。今次成為《玩轉腦朋友2》阿厭嘅意大利文版配音員後，更令唔少人開始認識呢位擁有慵懶氣質嘅靚女！
延伸閱讀：【《玩轉腦朋友2》9位腦朋友齊集銅鑼灣、23個1:1人偶造型+即睇有咩必買！】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
