最近旺角一間茶記喺Threads引起網民關注，入面除咗有超過60款點心之外，當中最受矚目嘅就係佢哋爆汁流心多士系列，分別有奶黃流沙西多同芝麻流沙兩款口味，即睇內文詳細介紹啦！
圖片來源：SAUCE編輯部｜撰文：Adrian
呢間位於旺角花園街嘅茶記，唔單止有牛肉球、蝦餃同燒賣呢啲傳統點心，入面嘅奶黃流沙西多同芝麻流沙西多，更係網民至愛！等記者即刻落場試食下先！
邪惡奶黃流沙西多！切開即爆汁！
呢款奶黃流沙西多有超濃嘅奶黃味，蛋香撲鼻，甜度適中。切落去嗰下，更有流沙醬流出嚟，真係超juicy！西多士嘅脆口感，配上熱辣辣嘅流沙，層次非常豐富，而且都幾大份，誠意十足！
芝麻控必試！芝麻流沙西多
芝麻流沙西多甜度比奶黃流沙西少，輕柔嘅甜味混入埋西多士嘅焦香，令味道層次昇華，鍾意食芝麻嘅朋友一定要試下！
【INFO】 《銀津點心茶餐廳》 地址：旺角花園街108號地舖 電話：22670089 營業時間：星期一至五 11am-12am；星期六、日及公眾假期 10am-12am
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
