日本麥當勞玩具 | 相信大家嘅童年入面都試過為咗唔同可愛嘅公仔，而去麥當勞食開心樂園餐！而近期日本麥當勞就推出咗星之卡比以及布甸狗玩具，每款都超可愛，即刻睇睇發售詳情！
圖片來源：官方圖片 | 撰文：Hedy
日本麥當勞同任天堂人氣電玩系列《星之卡比》以及Sanrio角色布甸狗合作。星之卡比系列將會以毛絨公仔為主，布甸狗就以唔同造型嘅玩具，夠晒可愛之餘又有趣味性！
8款星之卡比公仔
日本開心樂園餐首次推出8款星之卡比系列毛絨公仔，並將會分開三次發售。第一彈嘅公仔包括漂浮卡比、眨眼卡比等等已經推出，開售第一日就已經售罄，就連日本麥當勞官方都表示銷售情況遠超預期。
3月1推出第二彈
第二彈將會喺3月1日至3月7日推出，當中更包括熟睡卡比、跳躍卡比等等。3月8日更會推出第三彈活動，可以隨機喺前兩彈活動當中隨機獲得一款，有興趣嘅朋友就要留意啦！
布甸狗玩具遊戲
除咗有星之卡比之外，今次更有Sanrio人氣角色布甸狗做主角，推出多款集益智以及趣味性遊戲，同樣分開3期發售。第一期開售日期為2月23至2月29日，可愛嘅布甸狗將會搖身一變成為迷宮，迷你海盜桶布丁狗以及配對遊戲等等，每款都相當適合小朋友玩！
第二期玩具發售日期
而第二期玩具就會由3月1號至3月7後開始發售，將會有印章、紙巾盒以及磁鐵配件等生活用品。由3月8日起，就可以隨機換6款玩具入面嘅其中一款，鍾意布甸狗嘅粉絲絕對唔可以錯過！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
