櫻桃小丸子陪伴住大家嘅成長，相信好多人都睇過，係大家嘅童年回憶！除咗卡通版之外，台灣同日本都拍過真人版，但最經典一定係日版第一代小丸子，由當時只得9歲嘅森迫永依飾演，憑豐富搞笑嘅表情同天真可愛嘅樣子，令唔少觀眾留下深刻印象！眨下眼呢位第一代小丸子已經24歲，仲要係一位精通四國語言嘅美少女，一齊入內文睇下呢位小丸子嘅近況啦！
圖片來源：網絡圖片｜撰文：Sharon
睇卡通版就睇得多，真人版櫻桃小丸子你哋又睇過未呢？童星出身嘅24歲日本女星森迫永依，細細個演出《櫻桃小丸子》真人版連續劇一炮而紅，精湛嘅演技同可愛嘅表情深得觀眾嘅喜歡～森迫永依係中日添血兒，爸爸係日本人、媽媽係上海人，唔單止外貌出眾，記憶力都超驚人，只要讀完劇本知道故事發展就能背好。
另外，佢亦都係一位資優生，高中三年級時英語就已經達到大學高年級嘅水平，仲通過英語一級檢定考試，係日本英語等級最高級別；喺國際交流英語考試中，滿分990分之中，森迫永依得分高達970分！大學就讀名校上智大學，大學三年級更去美國留學一年。
24歲嘅森迫永依由可愛嘅小女孩變成為一名美少女，唔單止成續好，更精通日文、中文、英文、韓文4國語言！森迫永依仲話當時因為鍾意K-POP，但因為冇日語字幕睇唔明，決定自己學韓文，依家用韓文日常對話對佢嚟講完全冇難度！即使長大成人，森迫永依仍然有戲劇作品演出，一齊期待佢更多嘅作品啦！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
