持續進修基金2024 | 想增值自己學習唔同嘅技能，年滿18歲嘅大家就可以善用持續進修基金（CEF），選取合適嘅課程增值自己，其資助上限更達2.5萬元。小編為大家整合7個熱門又實用嘅課程，即刻睇下有咩課程同點報名！
圖片來源：香港大學專業進修學院、Freepik | 撰文：Hedy
持續進修基金(CEF)為年滿18歲，並符合申請資格嘅成年人提供持續教育同培訓資助，鼓勵本地居民持續進修。當中申請人喺所選修嘅基本課程開課時需年滿18歲。同時亦需屬香港居民並擁有香港居留權、或香港入境權、或有權喺香港逗留而不受任何逗留條件限制。申請人同時必須從未就同一項課程、學習單元或學分獲其他公帑或在其他公帑資助計劃下獲得任何資助，例如︰報讀獲大學教育資助委員會資助嘅課程、喺「專上學生資助計劃」下獲提供助學金或貸款、喺「為修讀香港自資學士學位課程學生提供的免入息審查資助計劃」或「指定專業 / 界別課程資助計劃」下獲得資助等。
7大熱門課程
持續進修基金2024 | 1. 學車課程
學車一直都係持續進修基金熱門課程之一，相信一夠18歲都有唔少人會選擇考車牌，多個技能旁身。而喺進修基金入面，由李健駕駛學校有限公司、貨櫃運輸業職工總會（課程部）以及香港駕駛學院有限公司都為大家提供輕型貨車、私家車以及電單車課程，最平$2400就可以考到電單車！
【INFO】 李健駕駛學校有限公司 課程編號：私家車駕駛證書 (33C140918) / 輕型貨車駕駛證書 (33C140926) 費用：$18,960 課程詳情：https://bit.ly/3wSmex2 貨櫃運輸業職工總會（課程部） 課程編號：私家車駕駛證書 (33C135930）/ 輕型貨車駕駛證書 (33C135922) 費用：$20,160 課程詳情：https://bit.ly/49MfYW8 香港駕駛學院有限公司 課程編號：電單車駕駛證書（33C152487）/ 輕型貨車駕駛證書（33C121786）/ 私家車駕駛證書 (33C121778) 費用：$12,000 / $19,056 / $19,056 課程詳情：https://bit.ly/4cb52TE
持續進修基金2024 | 2. 咖啡課程
好多人每日都會嘆咖啡，如果想學習自己沖咖啡，就可以運用持續進修基金去上香港大學專業進修學院所推出嘅精品咖啡入門及沖煮技巧班。除咗可以品嚐到各種咖啡豆之外，更具備SCA咖啡入門、沖煮基礎以及沖煮中級嘅資格考試費用。當完成SCA考試後，就可以獲得電子版嘅SCA證書，令你識得品嚐咖啡之餘又識沖煮！
【INFO】 香港大學專業進修學院 課程編號：精品咖啡入門及沖煮技巧班（43C133921） 費用：$16,800 課程詳情：https://bit.ly/3vcDxIH
持續進修基金2024 | 3. 美甲課程
相信好多人每個月都會去GEL甲，如果有興趣喺美甲方面發展，不妨喺持續進修基金入面選擇，由蒙妮坦學院有限公司提供全面美甲技術課程，除咗令你掌握美甲嘅基本知識外，更會學習到最潮流嘅美甲技術以及款式等等，再加入唔同嘅實操，令你輕鬆上手，DIY美甲冇難度！
【INFO】
由蒙妮坦學院有限公司
課程編號：全面美甲技術證書 (資歷架構第3級) (74C083949)
費用：$14,800
課程詳情：https://bit.ly/3v8pkfQ
持續進修基金2024 | 4. 瑜伽導師課程
近年嚟都有唔少人選擇做瑜伽導師，香港大學專業進修學院推出瑜珈導師訓練課程。課程為瑜伽練習者、瑜伽愛好者或有志投身瑜伽教學人士而設。課程內容將會講述瑜伽嘅起源，歷史和哲學、瑜伽呼吸法、基礎瑜伽解剖學、瑜伽冥想和瑜伽素食等。學生將會學習理解基本姿勢、實習及瑜伽教學重點，從而掌握教授瑜伽課堂嘅步驟和技巧。完成課程後，符合資格嘅學生，可以申請註冊成為RYT200瑜伽導師。
【INFO】
香港大學專業進修學院
課程編號：瑜珈導師訓練課程（43C127573）
費用：$33,000
課程詳情：https://bit.ly/3IUyAaV
持續進修基金2024 | 5. 牙科手術助理員
由嶺南大學持續進修學院同香港醫藥援助會合辦，牙科手術助理員證書課程，為望投身牙科手術助理員行業嘅人度身設計。課程將會包含29小時臨床實驗以及10小時臨床培訓，並由專業牙醫以及資深牙科手術助理員等任教，教授大家基本牙科用具以及洗牙技巧等，有助將來投身於政府所招聘嘅牙齒衞生員！
【INFO】
嶺南大學持續進修學院
課程編號：牙科手術助理員（41C11798A）
費用：$14,600
課程詳情：https://bit.ly/3wMjiSu
持續進修基金2024 | 6. 長者基本物理治療技巧
如果屋企有長者，又想可以更加照顧到佢哋，就可以上長者基本物理治療技巧課程。課堂上會為學員提供基礎物理治療技巧同長者復康嘅理論與技巧，咁就可以隨時為屋企，甚或係院舍內嘅長者進行基礎運動治療，又可以學習到為帕金森氏症或中風患者嘅物理治療方法。當擁有到基本物理治療嘅知識後，便能有助長者減退各種痛症。
【INFO】
香港大學專業進修學院
課程編號：長者基本物理治療技巧 (41C114409)
費用：$8,800
課程詳情：https://bit.ly/49TdVjk
持續進修基金2024 | 7. 日語
啱晒想學習唔同語言嘅大家，成日都話香港人最鍾意去日本旅行，咁一定要學習好日語，溝通嘅時候就唔怕有問題喇！東大前語言研習社推出初級日語課程，即使從未學習過日語嘅大家都可以輕鬆上手，先從基礎日語字母及發音上手，再認識日常打招呼、問路以及購物等句子。
【INFO】
東大前語言研習社
課程編號：初級日語課程 (38C147851)
費用：$21,840
課程詳情：https://bit.ly/43hzWpx
申請方法
睇完以上咁多個課程，如果有興趣想申請嘅大家，就可以依照以下呢2大方法：
1. 電子申請
- 透過「香港政府一站通」平台填寫及遞交電子申請表格
- 列印申請表格並喺丁部聲明書簽署
- 交予就讀嘅院校／培訓機構蓋印證明申請人已成功修畢有關課程
- 須於遞交網上申請表格起計一個月，將已簽署及蓋印申請表格遞交至持續進修基金辦事處
2. 紙本申請
- 在持續進修基金辦事處、各區民政諮詢中心或網頁均可下載申請表格
- 填妥申請表格後，將已獲院校／培訓機構蓋印嘅申請表格
- 連同所需文件副本（香港智能身份證、繳付課程費用嘅證明文件、成功修畢基金課程嘅證明文件、語文基準試成績單（如適用）、繳付語文基準試考試費用證明文件
- 再加上有申請人姓名、帳戶號碼及銀行名稱／銀行編號嘅月結單或銀行存摺首頁
- 將以上文件郵寄或親身遞交至持續進修基金辦事處
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
