疫情關係而家日日都要戴口罩，但成日戴口罩長期焗住，一除口罩發現自己有口臭問題？日本綜藝節目邀請咗口腔醫生同大家分析口臭嘅主要成因，發現口臭唔關長期戴口罩事，如果想解決呢個問題，只要戒除一個生活習慣就可以，一齊入內文睇下啦！
圖片來源：網絡圖片、《この差って何ですか？》、百佳｜撰文：Sharon
而家日日出街就要戴口罩，戴住口罩長期都聞到自己嘅口氣，發現自己有口臭問題又唔知點解決好？日本綜藝節目《この差って何ですか？》 邀請咗研究口腔齒科嘅中城基雄院長，為觀眾分享口臭嘅主要成因同口水好大關係，如果想解決口臭問題，只要呢招就可以解決！
口腔齒科嘅中城基雄院長指口臭嘅原因，原來同口水有關係，因為口水負責抑制口腔內嘅細菌繁殖， 再而歸納出口腔乾涸係口臭嘅成因。於是佢邀請咗搞笑藝人YuiP進行實測，連續兩晚觀察佢嘅睡眠狀況，對比合埋口同張開口瞓覺嘅分別。
第一晚測試YuiP張開口瞓覺，喺佢瞓前院長先量度YuiP口腔內嘅細菌，發現每平方公分有5,000個細菌，屬於正常範圍。經過一晚再進行檢測，發現佢嘅口腔含菌量增加咗8倍，竟然達到每平方高分40,000個細菌！
第二晚YuiP戴上頭套輔助並合埋口瞓覺，結果發現細菌只有8,000個，同張開口瞓覺嘅分別居然相差咁大！如果被口臭問題困擾，又有以上嘅睡眠習慣，大家可以試下合埋口瞓覺就可以解決到呢個問題喇！
如果想解決口臭問題，大家都要從日常生活入手，以下呢啲方法就可以幫到大家！
1. 食用無糖薄荷糖
可以快速令口氣變得清新，雖然唔可以根本解決口臭問題，但可以暫時掩蓋異味，係一個唔錯嘅方法！
2. 多飲水
口乾會引起口臭問題，口水分泌唔足夠，所以多飲水能為身體補充水分，有助於口腔分泌乾淨嘅口水。
3. 使用漱口水
建議大家除咗早晚刷牙，仲要漱口水，因為漱口水可以消滅口腔中導致口臭嘅細菌。
4. 飲綠茶
綠茶中嘅兒茶素有抗菌、殺菌、消臭之效，都係解決口臭嘅方法之一！
相關文章：【一招教你狂搖汽水都唔會噴 超神奇！防打嗝只需一個動作！】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
