情人節就到，要迎接呢個浪漫嘅節日，大家已經搵咗屬於你哋嘅「Mr.Right」或者「Mrs.Right」未呢？今次小編同大家一齊做嘅心理測驗正正同愛情有關，憑第一直覺選出喜歡嘅花朵種類，話你知你適合同邊一類型對象發展，想知道呢個 情人節心理測驗 準唔準確？不如一齊嚟同小編玩啦！

圖片來源：網絡圖片｜撰文：Sharon

問題：從以下四種花朵種類中，以第一直覺選出最喜歡嘅花朵！

A. 向日葵
B. 白桔梗
C. 玫瑰花
D. 薰衣草

結果向下碌！

A. 向日葵：簡單的愛，卻充滿智慧

睇落好簡單嘅向日葵，如果仔細一睇你會發現向日葵會有奧妙嘅數學排列方式，當中深藏著好多智慧結晶喺入面。而適合你嘅愛情都同智慧有關係，你無法接受一個唔願意成長思考，淨係靠傻勁做事嘅人，你需要一位可以共同成長，可以互相討論嘅戀愛方式！

你要真正愛上一個人並唔容易，但如果有幸遇到你鍾意嘅對象，相處就會變得好簡單，因為搵到一個有共識、願意共同成長嘅人，係可遇不可求，亦都因為咁你會更珍惜。

B. 白桔梗：自由自在嘅愛

桔梗代表永恆不變嘅愛，無論需要等待多久同經歷幾多困難，依然唔會放棄！桔梗嘅愛情有雙重意思，包括「永恆不變嘅忠誠」同但「即使冇希望但依然執著」！如果揀咗桔梗嘅你，代表你係一個非常專一嘅人，而且渴望安定。

擁有自由自在嘅愛情並唔容易，因為你無辦法令對方成為你想要嘅樣子，唔好試圖抓住你非得要得到嘅愛情，否則你無法真正擁有屬於你嘅愛情。當你懂得自由，關係亦會更親密，你就會知道呢個先係適合你嘅戀愛方式。

C. 玫瑰花：真誠守護嘅愛

玫瑰帶刺，咁選擇玫瑰花嘅朋友又會唔會喺感情上容易受傷或者令人受傷？但其實玫瑰花代表真誠嘅守護者，好多多果園或葡萄園旁邊，都種滿玫瑰，因為玫瑰嘅特質可以令農夫更清楚觀察果園嘅狀況，亦都會吸引益蟲嚟幫助果實生長；喺帶刺嘅外表下，玫瑰花嘅愛情，都包含充滿真誠相待、給予和支持嘅意思。你需要嘅唔係沉浸喺戀愛之中，而係願意連對方身邊嘅人都一齊關心，都鍾意同分享自己嘅一切！

D. 薰衣草：放鬆、健康嘅愛

薰衣草可以幫助睡眠同放鬆，亦都有消炎鎮定作用～選擇咗薰衣草嘅你代表你喺戀愛中好容易處於緊繃狀態，所以你要調整自己嘅心態，學習喺有壓力時，要識得輕鬆看待。如果遇到唔適合嘅對象時，要先懂得愛自己，將焦點放喺自己身上，先唔會容易受傷。

薰衣草亦都有「治療」嘅含義，你需要去療癒過去關係裡嘅「傷痛」，因為喺你嘅心入面，曾經嘅記憶一直未消退，而影響到你之後嘅感情觀，無法活在當下。而帶著傷痛中經營愛情時，到處都會成為一個個創傷，但當你願意接受心中同忘記呢啲傷痛後，就算遇到相同狀況時，你都會懂得唔令自己受傷，因為你已經成長了。

大家又覺得呢個心理測驗準唔準呢？

相關文章：【心理測驗】6種最常出現嘅 拿杯手勢 從動作暴露你真實個性+生活現況

相關文章：【心理測驗】超準！測別人對你第一印象 選擇你鍾意嘅頭髮長度！

————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/