【雪糕心理測驗】超準！揀一款雪糕口味 即測你內心隱藏慾望同性格

夏天一出街就流晒大汗，熱辣辣嘅天氣有時都會令心情好煩悶，唔少人都會食雪糕呢啲涼快食物嚟消暑！但原來根據想食雪糕嘅口味，都會透露你嘅內心性格，今次小編同大家玩一個 雪糕心理測驗 ，透過想食嘅一款雪糕口味，睇下你內心隱藏慾望同性格，揀好就記得碌落下面睇答案喇～

A：朱古力 – 你想要更多嘅金錢

朱古力係偏向茶色，同時會令人聯想起「土」，人嘅生活唔可以缺少咗「金錢」！選擇咗朱古力口味嘅你好愛錢，對你嚟講金錢好重要，你認為幸福好多時候都可以用錢買到，所以你有「想被更多錢包圍」嘅隱藏慾望！你經常都會諗會唔會可以中六合彩、有冇方法可以賺更多嘅錢！

B：抹茶 – 你想要遠離煩囂

抹茶有一種平靜內心、遠離煩囂嘅感覺！選擇咗抹茶口味嘅你內心隱藏慾望係「想遠離煩囂、遠離塵世嘅紛擾」！你嘅內心係非常純潔，喺呢個社會中你會成日覺得好難生存，好難同人講真說話，所以你憧憬離開俗世，更嚮往一個寧靜嘅日子！

C：士多啤梨 – 你想要甜蜜嘅戀愛

粉紅色都係甜蜜嘅象徵啦！選擇咗士多啤梨口味嘅你好想得到「甜蜜嘅戀愛」！依家嘅你一定好想拍拖，但其實你內心更深嘅慾望，係希望自己可以更加有吸引力，利用魅力令其他人注意到你～同時，你都認為戀愛係人生嘅有價值嘅事！

D：薄荷朱古力 – 你想要追求刺激嘅生活

薄荷朱古力口味嘅雪糕帶點刺激而冰涼嘅味道，選擇咗薄荷朱古力口味嘅人你內心好想「追求一個更有刺激嘅生活」！依家嘅你可能會對每日做緊同樣嘅事而感到苦悶，你想離開舒適區，利用自己嘅創造力同能力，嘗試更多不一樣嘅事物！

---

唔知道你哋又覺得準唔準呢？

————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/