覺得自己戀愛運麻麻？想知自己屬於邊種類型嘅人不如就等小編同大家做個舉手心理測驗，順便睇吓你嘅戀愛運勢同測埋你嘅個性係點啦！今次嘅問題就係，當你需要舉手落單叫待應嘅時候，你會係圖中嘅邊個手勢呢？揀好就記得碌落下面睇答案喇～
圖片來源：網絡圖片｜撰文：Debbie
❓ 問題：需要舉手點餐叫待應嘅時候，你會係圖中的邊個手勢呢？(記得諗清楚先好揀！)
A.手微彎放鬆
B.握拳
C.手指分開
D.手指合併
👇 👇 👇 👇 結果向下碌👇 👇 👇 👇
A.手微彎放鬆
你係一個意志力薄弱嘅人，成日會覺得好攰不過你亦會為他人設想，性情又溫柔，通常人哋麻煩你做嘅事，一般都好少會拒絕人。
-戀愛運勢-
太過於依附別人嘅諗法，有時會令對方覺得太黐身，適當地畀空間對方，表達自己真正想法，感情先會持久㗎 !
B.握拳
你嘅個性外冷內熱，對於唔熟嘅人會好有距離感。外表會表現出強勢，但其實內心十分軟弱。討厭被束縛，乜都寫晒上塊面到，情緒會明確表現出來！
-戀愛運勢-
你唔在乎有冇人陪伴自己，因為你相信一個人都可以享受生活，活得好好。，對於戀愛唔強求，亦抱住唔拒絕嘅態度，令人同你相處當中冇任何顧忌。
C.手指分開
你係一個鍾意笑又容易開心，較重感情嘅人。人哋對你好，你都會記住仲會加倍返去，雖然外表睇唔出你自尊心強，但亦會為咗迎合別人而改變自己。性格健忘嘅你，如果冇觸碰到你底線，好快就會原諒得罪過你嘅人，好大可能係你已經唔記得咗了。
-戀愛運勢-
合則去不合則散嘅觀念，令你無論喺異性或同性圈子都幾受歡迎。你係一個專一嘅人，一旦鍾意人就會奮不顧身去愛。提提你要謹慎選擇伴侶！以免招來爛桃花！
D.手指合併
你係一個屬於做事細心、認真、慎重嘅人，好怕麻煩到人所以咩事都自己搞掂。因為唔鍾意畀人見到脆弱嘅嗰面所以經常抑壓自己情緒同感情～經常表現出唔在乎，無所謂嘅態度。其實心入面不知幾CARE。記得每件事都要諗清楚先再行動呀～
-戀愛運勢-
你唔太展露自己嘅感情，擔心表錯情，但亦都因為太謹慎，令好多機會悄悄溜走呀～
大家覺得以上結果你哋又覺得準唔準？
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
