平時揸杯飲水嘅方式都有好多種，大家鍾意拎住杯耳飲水定拎住杯身飲水呢？最近網上有一個爆紅嘅心理測驗，透過6種最常出現嘅 拿杯手勢 ，從動作搵出你嘅真實個性以及生活現況，想知道準唔準確？不如一齊嚟同小編玩啦！
圖片來源：網絡圖片｜撰文：Sharon
問題：從圖中選出你平日最常出現嘅揸杯手勢。
1. 將杯耳放喺手指之間
2. 輕輕拎住杯耳，尾指向下
3. 拇指放喺杯耳下面，手掌心拎住成個杯
4. 手掌拎住杯耳嘅另一邊
5. 只緊握杯耳
6. 輕輕拎住杯耳，尾指同拇指頂住上下兩邊
結果向下碌！
1. 將杯耳放喺手指之間
性格外向嘅你，可以包容好多事情，同時都可以接受唔同嘅意見。無論你去到邊一個環境工作，你都有良好嘅人際關係！但如果你只係間中以呢個形式揸杯，代表你最近嘅生活輕鬆自在，冇太大嘅壓力，認為生活十分美好！
2. 輕輕拎住杯耳，尾指向下
你係一個好理性嘅人，亦係完美主義者，同時非常注種細節，可以一心多用。
3. 拇指放喺杯耳下面，手掌心拎住成個杯
你係一個既樂觀又冷靜嘅人，你會質極面對任何問題，大家都好鍾意同你相處，只要有你喺度大家就會感到安心！
4. 手掌拎住杯耳嘅另一邊
你係一個不被傳統束縛嘅人，能夠跳出思維框架！對好多事情同睇法都有獨到嘅見解，而且十分堅持自己嘅信念！但如果你只係間中以呢個形式揸杯，代表你對未來有好多唔同嘅新想法，喺工作方面亦有好多創意嘅諗法！
5. 只緊握杯耳
喺別人嘅眼中，有時睇嚟都少少懶散，但其實你嘅意志力比任何人都要強大！只要你決定好嘅事，就唔會有人可以改變到你。但如果你只係間中以呢個形式揸杯，代表你目前面對緊嘅事感到非常緊張同沮喪。
6. 輕輕拎住杯耳，尾指同拇指頂住上下兩邊
你一個人追求穩定生活嘅人，唔鍾意喺工作同日常方面有突發事情出現。雖然面對困難你會堅強面對，但好多時候你都會想放棄。但如果你只係間中以呢個形式揸杯，代表你最近想搵一個安靜嘅空間享受一個人嘅時光～
大家又覺得呢個心理測驗準唔準呢？
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
