Netflix實境戀愛真人秀《單身即地獄》絕對係韓國人氣節目，自播出以來都大受歡迎！Netflix日前宣佈即將於2025年1月14日推出第4季，最近更公開全新預告，大玩男女水上摔角，大尺度嘅畫面非常火辣！即睇內文等小編話你知新一季有咩吸引啦！
圖片來源：Netflix｜撰文：Sharon
《單身即地獄4》即將於2025年1月14日上線！第4季一大亮點係新增「街頭徵選」嘅招募方式，以往幾季都係通過社群媒體招募，但今次製作團隊決定親自尋找符合節目風格嘅參賽者，帶不一樣嘅新鮮感畀觀眾！而最近公開首支預告，雖然避開咗成員嘅正面樣貌，但可以睇到新一季成員嘅身材相當吸睛！當中更大玩水上摔角，仲有一對男女喺直昇機上牽手嘅畫面，最令人震撼嘅其中一幕，疑似一男一女喺床上互動，尺度非常大！
導演透露今季非常火辣，仲話自己嘅目標係可以拍到第十季，爭取成為韓國國內最長壽嘅戀愛真人騷！至於主持方面，除咗原有陣容，最令大家期待嘅喺第2季被譽為「男版宋智雅」嘅人氣成員金珍映Dex，曾經於第3季加入主持陣容，並經常以一針見血嘅言論引發大家關注，令節目充滿睇頭！至於第4季會唔會加入主持群陣容，令人相當期待啊！
即睇《單身即地獄4》首支預告啦！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
