單身即地獄5｜Netflix大熱戀愛真人騷《單身即地獄5》已經上映咗喇，目前有得睇頭4集！今季嘅男女嘉賓個性超鮮明，有被譽為「田徑界Karina」、地球小姐、專業舞者以及模特兒等等，仲有成15位嘉賓咁多，更被譽為喺最精彩嘅一季？即刻入內文睇嘉賓Instagram同詳情喇！
圖片來源：Netflix截圖 | 撰文：Hedy
《單身即地獄5》集結唔同嘅單身男女，並將佢哋送到去無人島尋覓真愛，想離開無人島嘅方法，就係要配對成功！今屆主持陣容更係原班人馬回歸，包括洪真慶、李多熙、圭賢、韓海以及DEX，今季有約15位男女嘉賓登場，絕對係史上最多嘉賓登場嘅一季～加上今季玩真心話冇得同以往一樣飲酒避答，大家都需要將自己嘅諗法真實表達出嚟！睇完頭4集就有唔少網民表示「女版李官熙」再現？！小編即刻帶大家認識今季嘅男女嘉賓喇！
單身即地獄5成員IG｜1. 崔美娜秀
著黃色連身裙出場嘅崔美娜秀絕一出場就已經成功吸引唔少男嘉賓嘅注意，再加上直率嘅個性散發個人魅力，令唔少男嘉賓都對佢有好感。不過就有唔少網民認為佢就係今季嘅「女版李官熙」，大家睇完頭4集又覺得點呢？崔美娜秀為美國伊利諾大學嘅學生，主修傳播，更精通韓、英、中三語，曾經奪得2022年地球小姐世界冠軍。
單身即地獄5成員IG｜2. 金珉志
1996年生被譽為係「田徑界Karina」嘅金珉志為田徑選手，擅長跑400米，身材修長超Sporty嘅外表再加坦率性格同樣都係超受歡迎！佢更曾經連續四年蟬聯全國運動會冠軍！
單身即地獄5成員IG｜3. 金高恩
形容自己擁有貓貓外形狗狗個性，2000年生嘅金高恩為前韓國國家足球代表金鉉洙嘅女兒，佢亦喺2022年獲得韓國小姐亞軍。身為模特兒嘅金高恩擅長擺Pose同面對鏡頭，擁有獨特魅力～
單身即地獄5成員IG｜4. 朴喜珗
細細個就超鍾意舞蹈嘅朴喜珗，自中學就加入啦啦隊～佢更笑言平時行喺路上，每行3步就有人搭訕，希望可以喺節目上遇見自己理想對象！
單身即地獄5成員IG｜5. 咸譽真
咸譽真為1996年出生，現時為自由主播，更坦然自己很會撒嬌，亦希望可以同另一半一週七天都能見面～
單身即地獄5成員IG｜6. 李株榮
李株榮外表清純而個性亦活潑開朗，而佢亦主修家具設計，現時為工藝師同時亦會舉辦展覽。
單身即地獄5成員IG｜7. 宋承一
2001生嘅宋承一為時尚行銷專員，外型乾淨，更表示自己追女仔從未失敗過：「她們最後都會為我著迷。」
單身即地獄5成員IG｜8. 林琇濱（Instagram尚未公開）
曾為前棒球投手嘅林琇濱，因為受傷後轉為模特兒，對體能方面相當有自信！佢更表示從來遇過一見鍾情嘅異性，希望可以喺節目上遇見。
單身即地獄5成員IG｜9. 金載真
一出場悠閒嘅態度已經令唔少女嘉賓留下深刻印象，更係首次票選嘅人氣王。1998年生嘅金載真更係專業舞者，身材超fit！
單身即地獄5成員IG｜10. 禹盛閔
禹盛閔屋企長期經營眼鏡舖，所以就自然成為配鏡師，外表亦相當可愛～希望拍拖嘅時候可以同朋友一齊輕鬆自在！
單身即地獄5成員IG｜11. 尹賢堤
尹賢提喺運動方面好勝心超強，理想型為開朗清純嘅女生，如果理想型一出現，直到最後都會熱烈追求對方～
單身即地獄5成員IG｜12. 申玹宇（Instagram尚未公開）
申玹宇對遊戲同運動方面亦有信心，更表示相信命運，期待在節目上遇見自己嘅真命天女。
單身即地獄5成員IG｜13. 李省勳（Instagram尚未公開）
講英文更流利嘅李省勳，被形容講韓文嘅時候好可愛～個性直率仲有幽默感！理想型係貓咪型，帶點真誠善良嘅感覺。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
