哈利波特 | 鍾意哈利波特嘅朋友，都可以喺國慶假期去深圳體驗哈利波特禁忌森林體驗，終於都有得近距離行入呢個夢幻嘅森林，邂逅神秘嘅生物！即刻入內文睇吓有咩值得玩啦。
圖片來源：官方圖片 | 撰文：Hedy
全球知名嘅哈利波特·禁忌森林體驗，終於都登陸深圳啦，大家唔使飛外國都可以睇到～活動靈感源於電影《哈利波特》及《怪獸與牠們的產地》中嘅禁忌森林為藍本，通過唔同嘅燈光裝置，將一整片嘅森林打造出奇幻燈光小徑，重現經典魔法場景！大家仲可以邂逅飛天掃帚以及木精等神奇生物，親身體驗施展魔咒嘅樂趣。想成為巫師嘅大家仲可以喺入面攞起魔杖施展魔法，點亮禁忌森林中嘅經典場景，體驗60分鐘至75分鐘嘅體驗。而園區更設主題村莊，為大家提供特色餐飲包括係黃油啤酒以及魔法主題甜品等等同官方限定周邊，各位麻瓜們絕對要嚟體驗吓～
+2
哈利波特 | 哈利波特·禁忌森林體驗深圳站價錢
哈利波特·禁忌森林體驗將會喺10月1日登陸深圳市龍華區，門票將會喺9月9日00:00開賣，有興趣嘅朋友就記得去微信搜索「哈里波特禁忌森林體驗－深圳站」，只要選擇日期同埋門票就可以成功完成預訂！而喺早鳥優惠下（9月9日至9月11日），門票只需要￥218（約港幣$238）。而成人門票價錢則為￥238起（約港幣$260）
【INFO】 《哈利波特·禁忌森林體驗》 日期：2025年10月1日至2026年3月 營業時間：19:00至24:00 地址：深圳市龍華區觀瀾街道牛湖水碧道 門票價錢：早鳥優惠￥218；成人門票￥238起
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
