哈利波特影集 | 由英國作家JK Rowling所寫嘅《哈利波特》小說，被拍成8套經典電影，近日更正式宣布將會打造成劇集，相信大家都相當期待，即刻睇睇幾時開播！
圖片來源：X@harrypotter、YouTube@Max、網上圖片 | 撰文：Hedy
陪伴大家成長嘅經典作品《哈利波特》深受大家熱愛，隨著電影《死神的聖物Ⅱ》結束13年後，華納兄弟CEO終於喺最近正式宣布會將哈利波特打造成劇集版！JK Rowling所創作嘅7集《哈利波特》小說，雖然曾被拍成電影，但由於電影長度有限，好難將小說嘅細節同內容呈獻出嚟，相信今次推出劇集版將會令各位粉絲十分期待！
哈利波特影集 | 小說原著擔任監製
根據華納兄弟目前嘅計劃，劇集將會對照《哈利波特》系列嘅7套故事，並交由原作者JK Rowling擔任監製。JK Rowling表示劇集除咗會忠於原著嘅完整性之餘，更會喺書入面尋找新靈感，唔會畀原本嘅小說所侷限。
哈利波特影集 | 選角有難度
由於拍攝《哈利波特》嘅演員都已經長大成人，當年嘅童星難以再次扮演相關角色，所以一眾觀眾都對選角相當擔心！而華納兄弟電視部門首席執行長 Channing Dungey，喺Variety採訪嘅時候透露，目前仍然未開始著手選角方面。首先會先搵節目統籌，先會再開始討論選角。佢坦然表示前兩季嘅選角有難度，因為故事入面嘅小朋友較細，只有11或12歲，需要搵適合嘅童星有一定嘅難度。
哈利波特影集 | 開播時間
華納兄弟目前已確認第一季將會係2026年播出，並會喺旗下串流平台HBO MAX播出，相信將會推出共7季嘅劇集，大家可以期待下喇！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
