自從人大左，好多時候同朋友閨蜜聚會都係無酒不歡～ 雖然只係飲下啤酒，但原來單係倒酒就已經大有學問啦！小編最近發現日本綜藝節目曾經請了一位研究啤酒的老師傅──重富寬，聽聞佢鑽研多年的倒啤酒秘技，秘技可以令一罐啤酒「變」出三種味道，令啤酒瞬間好飲10倍添！各位酒迷想知道嘅話即刻繼續睇落去啦～
圖片來源：節目截圖｜撰文：candice
日本啤酒師傅獨創倒酒秘技 一罐啤酒可有三種味道！
無論係香港定日本都有好多人鍾意飲啤酒，日本老師傅重富寬鑽研多年倒啤酒秘技，創作左一招獨特嘅倒啤酒技巧，佢仲因此吸引左唔少日本人都慕名去佢開嘅酒吧，為左飲到由老師傅親手倒嘅啤酒，佢哋竟然願意排1個半小時至2小時嘅隊！到底有咩咁神奇可以令啤酒瞬間變得美味呢？而家即刻聽聽師傅教路啦～
倒酒秘技1. 氣泡和啤酒的比例要是3：7
平時倒啤酒，大家可能會將啤酒杯傾斜45°，以避免啤酒起泡，但重富寬老師傅說，如果要倒出暢快、有碳酸感嘅啤酒，就絕對唔可以拎起酒杯倒！如果想享受暢快口感，師傅教路要先打開啤酒，從稍微高小小嘅位置倒出啤酒，等佢起泡到約3分之1位置。
佢形容呢D酒泡就好似一個「蓋」，可以將碳酸同啤酒嘅香味封存係杯底。完成呢一步之後先等等，然後先再拎起酒杯，傾斜45°將酒慢慢倒入氣泡下面。當倒滿之後，氣泡通啤酒慢慢就會變成3：7比例，可以達到完美平衡嘅暢快口感！
倒酒秘技2. 不擅長喝啤酒必學的「三倒酒」技巧
如果你係唔擅長飲啤酒但又遇上需要應酬嘅場合，呢招就好岩使啦～ 老師傅係節目仲教授左一種名叫「三倒酒」嘅技巧，呢招可以去除啤酒嘅苦澀刺激味，令啤酒飲落變得香甜唔刺激！
首先將啤酒杯放係台，然後從比技巧1高嘅高度倒出啤酒，直至泡沫差唔多充滿成個啤酒杯。要注意如果一開始就從高位倒啤酒，會令啤酒灑出，所以要慢慢由低至高地倒。
當泡沫同啤酒嘅比例變成1：1後，就可以再次從高處分3次倒出啤酒。每當比例再次變成1比1時，就可拿起酒杯，直直倒入啤酒，呢個時候泡沫會升高，即使超出杯嘅範圍都唔會塌。然後大家就可以直接飲用啦～
節目主持試完都覺得用呢個倒法後，啤酒味道感覺更香醇，同普通直接飲罐裝啤酒完全唔同！
另外如果本身就係鍾意啤酒嘅苦味或碳酸感，師傅建議可以直接飲罐裝啤酒。有唔少日本網民都跟住方法試倒，結果發現味道真係會有改變㗎！不過亦有網友指出啤酒本身嘅質素同樣重要，原本就唔好飲嘅啤酒用左以上技巧都係唔會變得好飲。
唔知大家又學識未呢？黎緊同FD約出黎飲野嘅話記得試試啦～
FB – https://www.facebook.com/saucemedia.hk/
IG – https://www.instagram.com/sauce.media.hk/
