想知道自己係咪潛在花心漢？或者另一半嘅花心指數？等小編同大家做個心理測驗，測測你嘅花心指數啦！今次嘅問題就係，當你食鯛魚燒嘅時候，你會係圖中嘅邊個部位開始食？揀好就記得碌落下面睇答案喇～
圖片來源：網絡圖片｜撰文：Claudia
Q：今日你買咗個新鮮出爐嘅鯛魚燒，呢個時候你會喺咩位咬第一啖呢？
（A）頭部
（B）背部
（C）肚部
（D）尾巴
————————————————————答案分割線—————————————————————–
（A）頭部嘅花心指數係：
你嘅花心指數有30%
揀喺頭部咬第一啖嘅朋友仔，天生對感情有比較高嘅專注度，所以只要出現有感覺嘅人，或者有正式嘅對象，就會自動對其他異性漸漸失去興趣，眼中只有另一半，不過有可能興趣消失就會有啲絕情！
（B）背部嘅花心指數係：
你嘅花心指數有60%
揀喺背部咬第一啖嘅朋友仔，可能有一種投機心理，覺得會想見識多啲外面嘅世界，而且「只要冇人發現就OK！」，這類型嘅對象要注意啦～
（C）肚部嘅花心指數係：
你嘅花心指數有100%
揀喺肚部咬第一啖嘅朋友仔，恭喜獲選本次測驗嘅花心大蘿蔔寶座！選擇呢個部位嘅朋友仔好睇重自己內心嘅慾望，所以只要有咁嘅諗法，又啱啱好有機會嘅話，毫無意外跟隨自己嘅慾望放飛自我！
（D）尾巴嘅花心指數係：
你嘅花心指數有0%
揀喺尾巴咬第一啖嘅朋友仔喺今次測驗就安全啦！你本身係非常專一嘅人，而且心中認為偷食係唔道德嘅，不過這類嘅朋友仔可能要注意喺感情愈到問題個陣可能會太死板！
大家覺得以上結果你哋又覺得準唔準？
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
