薄荷朱古力 | 召喚各位鍾意薄荷朱古力嘅朋友！香港港麗酒店推出「仲夏薄荷朱古力之夢」下午茶，等大家都可以享受薄荷與絲滑朱古力完美結合嘅一系列精緻甜鹹點，即刻入內文睇詳情啦！
圖片來源：官方圖片 | 撰文：Hedy
香港港麗酒店樂聚廊呈獻全新「仲夏薄荷朱古力之夢」下午茶，將香濃甘醇嘅朱古力同透心涼嘅薄荷完融合，巧製出多款精緻好味嘅薄荷朱古力甜點，例如薄荷朱古力慕絲蛋糕、法式薄荷士多啤梨泡芙、薄荷朱古力脆筒以及薄荷朱古力奶凍！下午茶更有糅合夏季元素嘅鹹點，包括薄荷三文魚醬三文治、薄荷鮮蝦撻配椰子菠蘿莎莎以及忌廉芝士青瓜卷配薄荷茶啫喱。另外亦有經典鬆餅以及飲品，凡惠顧二人下午茶可獲贈薄荷脆脆黑朱古力乙盒。
薄荷朱古力 | 「仲夏薄荷朱古力之夢」下午茶價錢
為慶祝香港港麗酒店35週年，酒店推出限時優惠，由即日起至7月20日，大家都可以用優惠價港幣$350*，享用二人份，逢星期一至五下午3時至5時30分供應！而正價則為：星期一至五（港幣$688*/2位；港幣$358*/位）以及星期六、日及公眾假期（$698*/2位；港幣$368*/位）
【INFO】 《「仲夏薄荷朱古力之夢」下午茶》 價錢：星期一至五（港幣$688*/2位；港幣$358*/位)；星期六、日及公眾假期（$698*/2位；港幣$368*/位） 地址：香港金鐘道 88 號太古廣場 立即預約：https://bit.ly/3ToMrLP *另收加一服務費
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
