港人近年熱衷茶飲，無論係珍珠奶茶定係創新手搖飲品，都好受大家歡迎。好似日本超人氣「甘味處鎌倉」，主打招牌鎌倉蕨餅茶飲，台灣「料杯杯」同「TEATOP 第一味」，仲有嚟自台中嘅「可不可熟成紅茶」，以及香港首間果凍主題茶飲店「壺 Potion House」等，呢啲台灣同日本嘅人氣茶飲店，成為夏日消暑嘅好選擇，大家記得唔好錯過喇！
圖片來源：Openrice @sandradradra、@baebulor_、@yukiwyy、 @daitouball、@a1icew，Facebook @壺 Potion House、@鎌倉甘味處 香港、@春陽茶事、@料杯杯香港、@SOMA 特調飲品｜撰文：Ginger
茶飲店推介 | 1. 龜記茗茶
台灣過江龍手搖茶飲店「龜記茗茶」早前於6月進駐香港，品牌創立於2017年，至今已有超過150間分店。「龜記茗茶」堅持健康天然古早味，選用新鮮材料，令你每一啖都充滿台灣地道風味，深受台灣本地人喜愛！龜記茗茶提供多款口味選擇，包括阿源楊桃綠茶、三十三茶王、碎銀普洱奶茶及桂圓紅萱等，平均價位介乎$20-$40之間，性價比高！
【INFO】
龜記茗茶
地址: 葵芳興芳路223號新都會廣場2樓266號舖
營業時間: 星期一至日 11:30 - 21:30
茶飲店推介 | 2. TEATOP 第一味
台灣過江龍茶飲店「TEATOP 第一味」於今年2月進駐香港，亦係海外第一間分店。TEATOP喺台灣擁有逾150間分店，茶葉嚟自南投茶園，創立於1907年嘅百年老店「長順茶行」。品牌以選用優質台灣茶葉、獨特衝泡方式同傳承百年嘅堅持為特色，於2022年創下台灣月銷量超過340萬杯嘅紀錄！TEATOP香港店保留咗台灣風味，提供超過50款茶飲選擇，其中包括「108茶王」沏泡時間長達108小時，茶香濃郁甘甜、「青茶3Q」選用獨家技術熟成嘅高山青茶、「紅豆粉粿鮮奶」選用優質台灣紅豆，搭配黑糖同埋Q彈嘅粉粿，口感獨特！
【INFO】
TEATOP 第一味
地址: 元朗康樂路8號康樂廣場地下2號舖
營業時間: 星期一至日 11:00-21:30
茶飲店推介 | 3. 壺Potion House
「壺 Potion House」係香港首間果凍主題茶飲店，由在港嘅台灣師傅精心研發。品牌主打自家手工製果凍，口味多元化，好似杏仁凍、豆漿凍、咖啡凍等，都係用台灣直送嘅材料製作。呢度嘅茶飲系列非常豐富，有清新嘅花香茶飲、濃郁嘅奶茶同咖啡、香甜嘅水果茶，仲有芝士控必試嘅芝芝奶蓋，每款都用當地新鮮原材料即場製作，完全唔添加人工調味劑。特別係果凍口感滑溜，茶香四溢。無論你係熱愛果凍定茶飲，呢度都一定滿足到你！
【INFO】
壺Potion House
《灣仔店》
地址: 灣仔大王東街20號地舖
營業時間: 星期一至日 12:00 - 20:00
《尖沙咀店》
地址: 尖沙咀彌敦道36-44號重慶大廈heath慶方地庫S12號舖
營業時間: 星期一 全日休息、星期二至日 11:30 - 20:00
《中環店》
地址: 中環康樂廣場1號怡和大廈LG樓LG7號舖
營業時間: 星期一至四 11:30 - 21:00、星期五至六 12:00 - 22:00、星期日 全日休息
茶飲店推介 | 4. 甘味處鎌倉
甘味處鎌倉係嚟自日本嘅超人氣茶飲店，全日本有51間分店，超高人氣！店內設計充滿日式風情，簡約又有特色。甘味處鎌倉主打招牌鎌倉蕨餅，及多款特色茶飲，如介淺川園抹茶、原創咖啡牛奶，仲有用大量新鮮草莓製成嘅草莓牛奶，少女心爆棚！草莓牛奶蕨餅特飲以粉紅色調為主，草莓清新同牛奶香濃完美融合，配上Q彈嘅蕨餅，入口即化。抹茶蕨餅特飲則俾抹茶控一個驚喜，濃郁嘅抹茶香氣，微苦同甜糯嘅蕨餅味道平衡。價錢$50-60左右，值得一試！
【INFO】
甘味處鎌倉
《屯門店》
地址: 屯門屯順街1號屯門市廣場1期1樓1268號舖
營業時間: 星期一至日 12:00 - 22:00
《銅鑼灣店》
地址: 銅鑼灣軒尼詩道500號希慎廣場URBANHOOD B1樓B101A號舖
營業時間: 星期一至日 12:00 - 21:00
茶飲店推介 | 5. 春陽茶事
春陽茶事堅持承傳台灣茶藝文化，嚴選高質食材，炮製出地道台式風味，吸引唔少茶飲愛好者，招牌茶飲如蜜香紅茶、檸檬蜜烏龍、烏龍鮮奶及黑糖珍珠鮮奶等，都以台灣頂級茶葉製作，檸檬蜜烏龍仲加咗愛玉，豐富口感！綠茶選自南投名間嘅松柏嶺青茶，而烏龍茶則來自鹿谷，茶香醇厚。蜜桃烏龍茶清香甘醇，配上蜜桃果香，清爽適合夏日！珍珠奶茶奶香濃郁，茶底茶香醇厚，珍珠軟糯彈牙，甜度適中，味道平衡。定價由$20-36不等，性價比高。
【INFO】
春陽茶事
《尖沙咀店》
地址: 尖沙咀樂道32-34號地舖
營業時間: 星期一至日 11:00 - 22:00
《將軍澳店》
地址: 將軍澳康城路1號The LOHAS康城3樓B01號舖
營業時間: 星期一至日 12:00 - 21:00
茶飲店推介 | 6. 料杯杯
另一間台灣過江龍手搖店「料杯杯」，主打咀嚼系飲品，每杯都有三種以上嘅配料，幸福感爆棚！由鮮芋仙團隊創意打造，配料包括台灣直送嘅彩色小芋圓、牛奶麻糬、大理石布丁等，特別推介台灣熱賣嘅雙「沙」系列，「彩小芋紫芋冰沙」及「彩小芋綠豆冰沙」。麻糬控唔可以錯過「紫糬芋泥奶茶」同「黑白綠豆冰」，每啖都有煙韌嘅麻糬，非常滿足。「料杯杯」仲有限定D24榴槤系列，如「泰厚奶冰沙+D24榴槤」同「D24榴槤奶昔」，配料豐富，口感新衝擊，總有一款啱你！
【INFO】
料杯杯
《旺角店》
地址: 旺角亞皆老街8號朗豪坊4樓20號舖
營業時間: 星期一至日 11:00 - 22:00
《沙田店》
地址: 沙田沙田正街18號新城市廣場一期1樓156號舖
營業時間: 星期一至日 11:00 - 22:0
茶飲店推介 | 7. 可不可熟成茶行
「可不可熟成紅茶」嚟自台中，以「世界的茶商洋行」為概念，將老派浪漫、在地文化同復古美學融入店舖設計。店舖主打「熟成紅茶」、「歐蕾」同黑糖珍珠「黑玉」。「茉芽綠茶」以台灣春芽綠茶為基底，增添茉莉花香、「米芳烏龍」則帶有爆米花香氣，茶色清澈，被列為上品茶種。鮮奶茶嘅選擇亦非常豐富，「熟成歐蕾」以斯里蘭卡紅茶同甘醇鮮奶調製，細膩順滑、「黑玉歐蕾」加入Q彈黑糖珍珠，口感豐富！
【INFO】
可不可熟成茶行
地址: 尖沙咀廣東道3-27號海港城海運大廈地下OTG49號舖
營業時間: 星期一至日 11:30 - 21:30
茶飲店推介 | 8. SOMA Tea & Mocktail
香港維港凱悅尚萃酒店聯乘台灣過江龍茶飲店SOMA開設期間限定店，帶嚟台式奶茶嘅體驗！SOMA始於2013年，多年嚟被媒體譽為「無地雷飲品店」，並曾獲「台灣第一奶茶」稱號。即使台灣市場競爭激烈，品牌人氣依然不減，店舖每日大排長龍。今次限定店推出一系列精選奶茶，包括「黑芝麻珍珠茶歐雷」，結合香港特色嘅獨家限定「鴛鴦珍珠茶歐雷」等。即日起至2024年9月18日期間到訪The Farmhouse Deli餅店，就可以品嚐一系列精選限定SOMA招牌奶茶歐雷。奶茶控千萬唔好錯過喇！
【INFO】
SOMA Tea & Mocktail（期間限定店）
日期：即日起至2024年9月18日
時間：11:00-20:00
地址: 北角北角邨里1號香港維港凱悅尚萃酒店西座2樓The Farmhouse Deli餅店
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
