咖啡店｜源自杜拜嘅獲獎精品咖啡名店進駐香港，店入面仲有現場烘焙室，等大家可以近距離見證咖啡豆Bean-to-cup嘅演變過程，即刻入內文睇詳情喇！
圖片來源：官方圖片 | 撰文：Hedy
杜拜獲獎精品咖啡名店 Roasters Specialty Coffee House 進駐中環歷山大廈，以珍稀環球窖藏咖啡與精緻全日餐飲定義都會生活。空間運用定製質感與溫潤嘅氛圍燈光，營造出典雅而不失私隱度嘅空間，店內更設有56個座位，等大家喺中環核心地帶，都可以邊休息邊享受精緻體驗。店鋪更設有現場烘焙室，賓客可近距離見證咖啡豆從「生豆到杯中」（Bean-to-cup）嘅演變過程。「Manual」手沖咖啡菜單猶如一份世界頂級產區地圖，呈獻一系列 V60 濾泡式咖啡（定價由 HK$120 起）。亮點包括極具名氣嘅巴拿馬卡門莊園瑰夏 7 號（HK$200），以及傳奇嘅翡翠莊園（HK$400）。品牌更從24個國家搜羅最優質嘅咖啡豆，包括多款90分以上嘅藝妓及卓越杯（Cup of Excellence）得獎咖啡豆。
咖啡店｜手工烘焙美食
店內亦提供手工烘焙美食，包括香濃酥脆嘅芝士牛角包（HK$40），到豐富嘅早餐選擇，如採用品牌秘製芝士與嫩菠菜烹調嘅蘑菇芝士奄列（HK$140），以及配以水波蛋及費塔芝士嘅經典碎牛油果多士（HK$180）均一應俱全。想追求更極致嘅味蕾享受？菜單亦有鱈場蟹肉布里歐（HK$260），於金黃香脆嘅多士鋪滿鮮甜蟹肉與嫩炒菠菜；以及口感豐腴、拌入濃郁奶油醬汁嘅黑魚子醬長通粉（HK$320）。最後以杜拜本店人氣熱賣嘅聖塞巴斯蒂安芝士蛋糕（HK$95）為饗宴作結，配上一杯烘焙師精心挑選嘅咖啡，細味每一道菜式！
【INFO】
《Roasters Specialty Coffee House》
營業時間：平日07:00至19:00；週末09:00至21:00
地址：香港中環遮打道 18 號歷山大廈地下
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
