沙田友有福喇！Bakehouse最近殺入沙田開設第7間分店，同時係首間全日堂食門市！為慶祝新店開幕，Bakehouse推出全新甜點，包括楊枝甘露菠蘿包及柑桔冬甩，即入內文睇新店地址+全新餐單喇！
圖片來源：官方圖片｜撰文：Sharon
Bakehouse第7間分店選址沙田新城市廣場，於1月18日開幕，係首間提供全日堂食嘅門市，除咗推出全新甜點，更有全新晚市堂食菜單，特設二人「All In!」晚市套餐，挑選8道菜式讓食客感受不一樣嘅用餐體驗！
為慶祝新店開幕，Bakehouse推出2款全新甜點，包括充滿地道風味嘅「楊枝甘露菠蘿包」，菠蘿包外層香脆帶椰香，而內餡則係酸甜可口嘅楊枝甘露椰奶忌廉。另一款係「沙田蜂蜜柑桔冬甩」，包裹着來自沙田永和蜜蜂場嘅蜂蜜，加上意大利芝士雲呢拿忌廉，再搭配味道清新嘅蜜餞柑桔，非常美味！
另外，Bakehouse嘅全日堂食菜單由行政主廚精心打造，必試松露生牛肉他他同黑松露炒蛋多士！仲有醃三文魚蟹肉班尼迪蛋、鄉村酸種麵包配蒜香海藻味噌牛油、龍蝦芝士通心粉同海鮮雜燴配蒜蓉紐結酥等選擇。飲品方面，提供紫霧鮮奶抹茶、接骨木花茉莉茶汽酒。有興趣嘅朋友記得嚟Bakehouse沙田店試下喇～
【INFO】 《Bakehouse沙田店》 地址：沙田新城市廣場 247 號舖 營業時間：星期一至四 8:00 - 21:00；星期五六及公眾假期 8:00 - 21:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
