8月自助餐優惠 | 酒店自助餐有唔少美食，包括生蠔、龍蝦同鮑魚等，無論想食中式定西式都可以喺自助餐搵到，滿足唔同人嘅口味！小編為大家搜羅5間酒店自助餐優惠，最平每位只係需要$201，就可以嘆到即開生蠔同多款精選美食，想知邊幾間酒店咁抵食？快啲繼續碌落內文睇更多啦！
圖片來源：KKday｜撰文：Sharon
8月自助餐優惠 1. 【9折優惠】香港九龍東皇冠假日酒店 – The Chef’s Table尚廚
香港九龍東皇冠假日酒店提供自助早、午及晚餐，當中以凍海鮮盤為主打，除咗海鮮仲有中西菜式可以選擇！「蠔得喜」自助午餐連無限暢飲供應時段由下午12時至下午2時半，提供即開生蠔、紐西蘭青口、黃金螺、白蜆、熟蝦；逢星期六、日及公眾假期供應松葉蟹腳、吞拿魚及油甘魚刺身；另外仲有四款刺身、六款壽司、水耕菜沙律吧、八款頭盤、中西餐湯、燒紐西蘭草飼西冷牛扒、燒羊脾、中東旋轉烤肉檔、即煮瑤柱海鮮粥檔、即煮粉麵檔。甜品方面，有10幾款甜品、7款口味嘅Haagen-Dazs雪糕及朱古力噴泉，飲品則可任飲即磨咖啡、紅茶、檸檬水。9折優惠每位只需$348起！
「生蠔.松葉蟹腳.片皮鴨」自助晚餐連無限暢飲9折優惠每位$578起！供應時段由晚上6時半至晚上9時半，提供即開生蠔、松葉蟹腳、青口、黃金螺、白蜆、凍蝦；星期五至日、公眾假期及前夕供應麵包蟹、琵琶蝦、帶子及油甘魚刺身、芝士焗龍蝦；另外仲有片皮鴨、一口牛、羊扒、五款刺身、水耕菜沙律吧、香煎芝麻吞拿魚、牛油果醬大蝦、即煮粉麵檔、鐵板燒檔、燒紐西蘭草飼肉眼牛扒、香草烤黑毛豬腩卷、海南雞、即煮松露磨菇芝士麻花捲麵。自助晚餐嘅甜品選擇更多，包括榴槤芝士撻、榴槤班戟、榴槤泡芙、斑蘭葡撻、斑蘭戚風蛋糕、斑蘭芒果西米糕、荔枝大樹菠蘿撻、香茅啫喱、即焗朱古力心太軟，七款口味嘅Haagen-Dazs雪糕及朱古力噴泉！
鍾意食榴槤嘅你，一定唔可以錯過「泰愛榴櫣」下午茶自助餐連無限暢飲！有泰式紅咖喱雞肉迷你熱狗包、泰式酸辣海鮮沙律、泰式柚子沙律、泰式斑蘭雞、泰式紅咖喱大蝦炒飯、即煮瑤柱海鮮粥檔、即煮粉麵檔、中式點心、沙律、包點；甜品方面，包括榴槤芝士撻、榴槤芒果糯米飯、榴槤椰果千層酥、榴槤班戟、榴槤泡芙、斑蘭椰子慕絲蛋糕、荔枝大樹菠蘿撻、香茅啫喱、即焗朱古力心太軟、七款口味嘅Haagen-Dazs雪糕及朱古力噴泉！9折優惠每位只需$248，不過下午茶自助餐只適用於星期六及日，有興趣嘅朋友需要留意啦！
【INFO】 【9折優惠】香港九龍東皇冠假日酒店 - The Chef’s Table尚廚 「蠔得喜」自助午餐連無限暢飲 優惠價：$348起/位 「生蠔.松葉蟹腳.片皮鴨」自助晚餐連無限暢飲 優惠價：$578起/位 「泰愛榴櫣」下午茶自助餐連無限暢飲 優惠價：$248起/位 地址：香港將軍澳唐德街3號香港九龍東皇冠假日酒店1樓 立即預訂：https://bit.ly/43JTtxi
8月自助餐優惠 2. 香港萬怡酒店(西環) – MoMo Café
香港沙田萬怡酒店嘅MoMo Café，嚟到8月繼續有自助餐優惠！包括自助午餐65折以及自助晚餐8折優惠，最平$201就嘆到，非常抵食啊！自助午餐有即開生蠔、挪威三文魚、日本北寄貝、日本甜蝦等刺身選擇。無限量供應多款冰鎮海鮮，如鮮蝦、青口同鮮蜆，熱食方面包括泰式香葉蒸/燒原條比目魚以及紐西蘭肉眼牛排。甜品則有6款Movenpick雪糕可以食，自助午餐優惠非常抵，依家平日每位只需$201起，周末每位$246起！
任食生蠔海鮮自助晚餐只限星期一至四享用，除咗即開生蠔，仲有阿根廷紅蝦同雪場蟹腳等海鮮。熱食方面，有季節限定香檳忌廉汁煮新鮮紐西蘭青口、即切優質帶骨肉眼牛排、泰式香葉燒原條比目魚及多款東南亞風味菜色，仲有必食嘅招牌特色石烤比薩！甜品方面，有多款蛋糕以及多達12款口味嘅Mövenpick雪糕，另可任飲Stella & Hoegaarden生啤～依家仲有半價優惠，$323即嘆到豐富嘅自助晚餐！
想食得豪啲可以揀「生蠔環球海鮮西班牙風乾火腿晚餐自助餐」，可以任食生蠔、北海道帶子及紅蝦刺身，仲有即片西班牙風乾火腿，鍾意食海鮮嘅朋友一定唔可以錯過！另外，熱食方面，有季節限定香檳忌廉汁煮新鮮紐西蘭青口、即切優質帶骨肉眼牛排、泰式香葉燒原條比目魚及招牌特色石烤比薩。甜品一樣有Mövenpick雪糕及任飲Stella & Hoegaarden生啤。酒店做緊65折優惠，每位只需$426！不過要留意得星期五至日可以預訂咋！
【INFO】 香港萬怡酒店(西環) - MoMo Café 【65折優惠】自助午餐 優惠價：$201起/位 【半價優惠】任食生蠔海鮮自助晚餐(只限星期一至四） 優惠價：$323起/位 【65折優惠】生蠔環球海鮮西班牙風乾火腿晚餐自助餐(只限星期五至日） 優惠價：$426/位 地址：香港西營盤干諾道西167號 立即預訂：https://bit.ly/3KqXIXJ
自助餐優惠 3. 【低至8折】香港柏寧酒店 – PLAYT
香港柏寧酒店 PLAYT提供全日自助餐及單點菜式。提供嘅美食非常豐富有海鮮、日式和牛、中式點心同壽司刺身等。最特別千祈唔可以錯過一定係酒店自家製嘅Gelato！自助午餐包括麵包蟹及凍海鮮、籠仔荷葉蒸原隻鮑魚配時令海鮮、燒西冷扒、燒羊脾。酒店仲有多款泰式美食如泰式生蝦刺身、即製泰式精選沙律及芒果糯米飯！人均$368即可享用，但優惠只適用於星期一至五。
自助晚餐更加豐富，有即開時令生蠔、龍蝦、雪蟹腳、青口、蝦等海鮮以及多款必刺身。嫌唔夠飽肚？仲有西班牙烤脆皮乳豬、法式寶雲酥羊架同和牛壽喜燒、美國燒牛肋骨，啱晒一眾「食肉獸」啊！
酒店仲特別推出魚子醬週末自助早午餐，有唔同種類嘅魚子醬小食及三文魚子前菜無限供應！下午茶自助餐則每位$289，多款港式小食如煎釀三寶、港式碗仔翅、咖喱魚蛋、傳統粥品，另有時令凍海鮮、魚生/壽司同印度咖喱及傳統菜式。
【INFO】 【低至8折】香港柏寧酒店 - PLAYT 自助午餐 優惠價：$368/位 和牛 生蠔 龍蝦 海鮮自助晚餐 優惠價：$667起/位 魚子醬週末自助早午餐 優惠價：$535/位 下午茶自助餐 優惠價：$289/位 地址：香港銅鑼灣告士打道310號 立即預訂：https://bit.ly/3DErKDM
自助餐優惠 4. 香港維港凱悅尚萃酒店 – The Farmhouse
今日夏天，香港維港凱悅尚萃酒店推出海鮮主題自助餐，提供多款中西美食同海鮮畀大家！另外，餐廳更新設Kids Club兒童遊樂區，非常適合帶小朋友嚟食！多款海鮮新菜式包括烤魚柳配橄欖、龍蝦湯、帶子蒸粉絲、炒龍蝦、烤虎蝦配蒜蓉辣椒牛油（週末供應），仲有互動式即點即製區，可以即製叻沙湯麵！中式美食則有海南雞飯、咕嚕肉、燒腩肉、自家製千層麵、香草羊扒、蜜橙烤豬排等。當然唔少得冷盤、壽司同刺身。
【INFO】 香港維港凱悅尚萃酒店 - The Farmhouse 【75折優惠】自助午餐 優惠價：$325起/位 【75折優惠】自助晚餐（只限星期一至四） 優惠價：$592起/位 【8折優惠】自助晚餐（只限星期五至日） 優惠價：$699起/位 地址：香港維港凱悅尚萃酒店，The Farmhouse咖啡廳（西座2樓） 立即預訂：https://bit.ly/3rPjj5M
8月自助餐優惠 5. 港島海逸君綽酒店 – Harbour Grand Café
Harbour Grand Café提供自助午餐及晚餐優惠，環球美食自助午餐包括新鮮即開生蠔、蟹腳、凍蝦、青口、多款刺身及壽司拼盤，仲有超過15款甜品以及12款口味Mövenpick雪糕，另有免費無限量暢飲精選啤酒及汽水。如果鍾意日韓美食，呢個「原條即切黃鰭吞拿魚 x 日韓海鮮自助晚餐」就十分適合你，精選推介包括韓式烤魷魚粉絲沙律、日式鐵板燒肉、韓式芝士炸雞膇、日式天婦羅、韓式人參燉雞湯、海鮮大阪燒及韓式燉排骨等。
日式美食方面，有即開生蠔、黃鰭吞拿魚刺身、帶子刺身、7吋長阿根廷蝦、波士頓龍蝦、蟹腳、燒和牛肉、燒羊架、片皮鴨，令你品嚐最地道嘅日韓風味～甜品除咗12種口味Mövenpick 雪糕、朱古力噴泉，仲有日韓特色甜點如綠茶紅豆卷、日本水信玄餅、柚子士多啤梨杏仁撻、大福、蕨餅及銅鑼燒！真係聽到都流晒口水啊！
【INFO】 港島海逸君綽酒店 - Harbour Grand Café 環球美食(生蠔、蟹腳、刺身)自助午餐 優惠價：$343起/位 原條即切黃鰭吞拿魚 x 日韓海鮮自助晚餐（兩位起） 優惠價：$591起/位 地址：香港北角油街23號港島海逸君綽酒店三樓Harbour Grand Café 立即預訂：https://bit.ly/3qbWx7K
