大閘蟹2024 | 踏入10月至12月，又係品嘗大閘蟹嘅季節喇！ 由於冬天來臨前，大閘蟹都會將自己食飽，準備冬眠，所以蟹膏蟹黃特別多。究竟點樣分辨蟹公蟹乸？而今年又有咩食大閘蟹嘅好去處呢？今次小編就為你介紹香港7間必食大閘蟹餐廳啦！
圖片來源：KKday、Openrice @KaWaiL、Openrice @Marlinne Maylinng、Klook、八十里、紫粵軒、等等Hea | 撰文：Icy
其實食大閘蟹首先就要學識分公乸，蟹乸於農曆九月當造，而蟹公就喺農曆十月當造。蟹乸嘅體型圓轆轆，蟹鉗較細，當中嘅蟹黃口感硬身，帶有顆粒口感。而蟹公體型尖長，蟹鉗較大，當中嘅蟹膏就即係生殖腺分泌物同脂肪，口感比較綿密滑溜。
大閘蟹餐廳推薦 | 1. 原味小聚
原味小聚推出大閘蟹及龍蝦海鮮蒸氣鍋餐，用餐時間為150分鐘，每位只需$278起，即可享用多款佳餚，例如最基本嘅爆膏大閘蟹、厚肉龍蝦、韓國鮮飽魚、新鮮海生蝦及貝殼類、澳洲M5和牛等等，仲有其他精選點心甜品。一個價錢就可以享用多款海鮮，鐘意食海鮮嘅朋友不容錯過！
【INFO】 原味小聚 地址：旺角彌敦道575號LADDER Dundas 6樓/觀塘偉業街93號93WYS 20樓/佐敦文英街31號文景樓地下 營業時間：旺角店 12:00-00:00/觀塘店 12:00-23:30/佐敦店 17:00-23:30 價錢：每位$278起 網上預約：https://bitly.cx/zT4v
大閘蟹餐廳推薦 | 2. 上海新大眾大閘蟹專門店
上海新大眾大閘蟹專門店推出90分鐘任食大閘蟹優惠，價錢由$458至$868不等，視乎所選嘅大閘蟹尺寸。除咗最基本嘅清蒸大閘蟹，仲有其他烹調方法，例如芝士焗蟹、鹽焗蟹、避風塘大閘蟹、荷葉花雕蒸大閘蟹。另外可以追加蟹粉雲吞、蟹黃金燒賣、生滾大閘蟹粥、蟹膏炒臘味糯米飯等菜式，聽落都覺得惹味～鍾意食蟹黃嘅朋友一定要試試招牌江蘇瀑布蟹黃金撈麵，$118大大碗香口新鮮蟹黃，附有涼拌小菜，好抵食！
【INFO】 上海新大眾大閘蟹專門店 地址：黃大仙飛鳳街46號地舖 營業時間：星期一至日 12:00-00:00 價錢：$458至$868不等 訂座方法：95673964 (WhatsApp)
大閘蟹餐廳推薦 | 3. 陶源酒家
陶源酒家推出2小時大閘蟹任食放題，每位只需$498起，就可以無限任食多種煮法嘅大閘蟹，包括清蒸大閘蟹、太雕蒸大閘蟹、油鹽焗大閘蟹等等。如果於KKday訂座，更會額外送花雕熟醉蟹及蟹粉小籠包，口味充滿層次感。另外亦會無限供應特色小食，例如椒鹽海中蝦、避風塘雞中翼、脆鹵豆腐、川味牛柏葉等等，款款香口惹味，包你食到停唔到口～
【INFO】 陶源酒家 地址：灣仔菲林明道 8號大同商場1至2樓/尖沙咀加連威老道98號東海商業中心地庫1樓/旺角豉油街 118號/九龍灣常悅道9號企業廣場1期地下 /九龍觀塘成業街7號東廣場2樓201-204號舖/荃灣沙咀道6號嘉達環球中心地舖/新界將軍澳康城路1號康城第四層418號舖 價錢：每位$498起 網上預約：https://bitly.cx/2lZ3C
大閘蟹餐廳推薦 | 4. 八十里
八十里推出「金秋大閘蟹饗宴」套餐，每位只需$788，就可以品嚐多款以江蘇大閘蟹為主題嘅精緻菜式，包括芙蓉蟹粉蝦球、特製蟹粉小籠包、清蒸江蘇大閘蟹等。美食由專業師傅精心製作，嚴選來自中國江蘇產地嘅六両頂級大閘蟹，每一道菜式都能夠呈現大閘蟹嘅新鮮風味。餐廳另一賣點就係坐擁維多利亞港美景，環境優雅舒適，為食客帶來不一樣嘅體驗！
【INFO】 八十里 地址：九龍尖沙咀海港城海運大廈二階OTE 201號舖 營業時間：星期一至日 11:30-22:30 價錢：每位$788 訂座方法：97058301 (WhatsApp)
大閘蟹餐廳推薦 | 5. 海東軒
海東軒推出無限時大閘蟹放題，每位最低只需$426（四人同行一人免費優惠），即可無限任食多種煮法嘅大閘蟹，包括清蒸大閘蟹、花雕蒸大閘蟹、油鹽焗大閘蟹，仲可以任食片皮鴨～套餐亦包括多款小食同甜品，例如日式酥炸魷魚鬚、花膠小米燴遼參、古法扣原隻鮑魚、生拆蟹粉扒時蔬、臘味糯米飯及薑茶湯丸。
【INFO】 海東軒 地址：香港仔大道152-156號宏興大廈地下C&E號舖及1樓 供應時間：18:00-00:00 價錢：每位$426起（另收原價加一服務費每位$78） 網上預約：https://bitly.cx/a97E
大閘蟹餐廳推薦 | 6. 紫粵軒
位於將軍澳嘅香港九龍東皇冠假日酒店紫粵軒推出「金秋大閘蟹宴」，價錢為每位$748，由專業師傅嚴選江蘇大閘蟹，精心烹調多款茶式，例如賽螃大閘蟹蓋伴黃金蝦多士、清蒸或南薑酒槽蒸大閘蟹、蟹粉蟹肉扒菠菜苗、砂鍋蝦仁蟹粉撈稻庭麵，仲有得飲棗皇薑茶，驅寒解毒～若果於網店訂座，更可享有星期一至四（公眾假期除外）85折優惠，以及星期五至日及公眾假期9折優惠！
【INFO】 紫粵軒 地址：香港將軍澳唐德街3 號香港九龍東皇冠假日酒店2樓 供應時間：18:00-22:00 價錢：每位$748，兩位起，另收茶錢及加一服務費 網上預約：https://bitly.cx/3qWDyS
大閘蟹餐廳推薦 | 7. 等等Hea
位於九龍城嘅台式餐廳「等等Hea」推出88分鐘任食大閘蟹放題，價錢由$478至$838不等，視乎大閘蟹重量及進餐時段。大閘蟹烹調款式包括台式麻辣大閘蟹、玫瑰露花雕醉大閘蟹、秘製鹽焗大閘蟹等。另外可以無限追加蟹粉水餃、生滾大閘蟹粥、蟹油香辣雞煲、蟹汁多春魚、台式腸蟹粉糯米飯等豐富菜式及台式小食，啱晒同三五知己一齊嘆～
【INFO】 等等Hea 地址：九龍城福佬村道41號地下 供應時間：14:30-23:00 價錢：每位$478至$838不等 訂座方法：53988160 / 6442 8328 (WhatsApp)
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
