台灣菜推介 | 香港被譽為美食天堂，好多過江龍都會選擇進駐香港，大家就算留喺香港都可以品嚐到正宗多國菜式。今次小編就為大家介紹香港7大正宗台灣菜，唔單止由台灣人親自主理，部份小店更獲得米芝蓮推薦，鍾意食台灣菜嘅朋友就要睇埋落去喇！
圖片來源：Openrice @pforhappyfood、Openrice @phonebus、Openrice @wejustwanttoeat、Openrice @tsangalice、Openrice @為食大隻仔、Openrice @weearefoodies、Openrice @tamchoiyu、Openrice @Betthly、Openrice @foodilicious.hk、Openrice @leetszhin、Openrice @aa100027、Openrice @Apeach_likefood、Openrice @happycat326、Openrice @stilleating、Openrice @Ashleylaulau | 撰文：Icy
台灣菜推介2024 | 1. 丁爸食府
位於牛池灣巷弄中嘅「丁爸食府」由台灣人丁爸主理，唔好睇佢店面細細無咩特別咁，其實小店曾經獲得米芝蓮「必比登推介」，證明小店出品質素高！「丁爸食府」主打古早台式美食，採用台灣直送嘅食材同調味料，確保食物原汁原味。
招牌菜式包括蚵仔煎、手工鍋貼、麵線、滷肉飯、炸排骨、鹽酥雞等等。當中必食嘅蚵仔麵線，湯底以新鮮雞骨熬製，麵條滑溜掛汁，非常惹味！
【INFO】 丁爸食府 地址：彩虹牛池灣貴池徑2號地下C號舖 營業時間：星期一至日 11:00-22:30
台灣菜推介2024 | 2. 那個ㄋㄚˋ ㄍㄜ
「那個」主打古早味台式鐵路便當，食物種類非常多，有10多款選擇，例如秘製嘉義雞肉便當、滷排骨便當、香烤豬扒便當、香酥炸魚便當，肉質鮮嫩juicy，唔會炸到好乾。便當嘅配菜亦好豐富，有粉絲、椰菜、紅燒茄子、粟米、泡菜、玉子等，美味又健康。
【INFO】 那個ㄋㄚˋ ㄍㄜ 地址：觀塘鴻圖道1號地下G07號舖 營業時間：星期一至日 08:00至21:00 地址：北角英皇道483-497號東寶大廈地下C-D號舖 營業時間：星期一至四 11:30-21:30 / 星期五至日 11:30-22:00 地址：大角咀利得街11號利奧坊地下G501-G503號舖 營業時間：星期一至日 11:30-22:00 地址：香港灣仔軒尼詩道179-181號地下A,B號舖 營業時間：星期一至日 11:30-21:00 地址：將軍澳中心地下B03C 號舖 營業時間：星期一至日 11:30-21:00 地址：埔翠和里5號麗和閣地下D1號舖 營業時間：星期一至四 11:30-21:00 / 星期五至日 11:30-21:30 地址：屯門仁愛堂街1-43號麗日閣地下13號舖 營業時間：星期一至日 12:00-21:00
台灣菜推介2024 | 3. 阿元來了
「阿元來了」由台灣人主理，食物材料主要由台灣直送，保留台灣正宗風味，所以連續三年獲得米芝蓮推薦！餐廳主打地道台灣街頭小食，例如魯肉飯、香菇肉羹麵、蛋餅、刈包、蚵仔煎、地瓜球等等。當中招牌魯肉飯充滿油香，肥瘦均勻，非常惹味開胃。
店舖亦供應多款台式飲料及甜品，例如珍珠奶茶、芋圓仙草凍、仲有好特別嘅芋泥蛋黃卷，外脆內軟，香甜可口！
【INFO】 阿元來了 地址：觀塘鴻圖道28號地下後座 營業時間：星期一至日 11:00-21:00 地址：西環堅尼地城北街31號地舖 營業時間：星期一至日 11:00-21:00
台灣菜推介2024 | 4. 巷仔內
觀塘工廈一向臥虎藏龍，而當中嘅「巷仔內」亦都係由台灣人主理，裝潢以清新木系為主。餐廳便當選擇五花八門，例如有協力雞排便當、古早味香腸肉燥便當、阿嬤牌滷肉便當、手工牛肉餅飯等，吸引唔少附近嘅打工仔到此用膳。
店舖亦供應多款台味小食，例如九層塔鹽酥雞可自由選配調味粉，外皮唔會太厚粉，咬落充滿肉汁，包你食過返尋味～
【INFO】 巷仔內 地址：觀塘觀塘道436-446號觀塘工業中心4期1樓C室 營業時間：星期一至日 11:30-21:30
台灣菜推介2024 | 5. 讚好台灣
位於紅磡嘅「讚好台灣」以淺色木系為裝修風格，感覺清新雅緻，令食客坐得舒服。而餐廳嘅下午茶性價比好高，套餐包括三款台式小食，主食可選魯肉飯、麻醬拌麵、擔擔麵或肉燥湯麵，配上飲料，最抵只需$34就可以品嚐到台灣美食！
除咗下午茶，其他主食亦十分足料，例如炸排骨套餐會即叫即整，炸到外皮好酥脆，唔會好乾身，咬落啖啖肉，令人回味無窮～
【INFO】 讚好台灣 地址：紅磡湖光街1-7號聯成大廈鴻運閣地下13及14號舖 營業時間：星期一至日 11:00-22:30
台灣菜推介2024 | 6. 阿木台灣麵
位於旺角及荔枝角嘅「阿木台灣麵」主打秘製紅燒牛肉麵，採用台灣人老闆達60年歷史嘅家傳配方，又平又抵食。牛肉麵湯底以新鮮牛骨燉成，味道天然無味精，清澈不油膩。而牛肉會事先於台灣調味及處理，再直送香港，煮得十分鮮嫩入味，因此好受食客歡迎，店外經常大排長龍～
【INFO】 阿木台灣麵 地址：旺角豉油街60-102號鴻都大廈地下3-4號舖 營業時間：星期一至日 11:00-22:15 地址：荔枝角長順街15號D2 Place TWO 1樓102號舖 營業時間：星期一至日 11:00-22:00
台灣菜推介2024 | 7. 台蔡滷肉飯
位於荃灣嘅「台蔡滷肉飯」由居港台灣人主理，將家鄉傳統味道帶到香港，曾獲得米芝蓮推薦，所以經常大排長龍。餐廳主打招牌滷肉飯，肥瘦均勻而且份量十足，醬汁淋滿成碗飯，每一啖飯都充滿滷肉油香，非常開胃～
除咗滷肉飯，餐廳亦有供應比較養生滋補嘅菜式，例如藥膳排骨湯及花雕麻油雞湯，對補血氣及促進脂肪代謝好有幫助。當中藥膳排骨湯底味道十分濃郁，帶有淡淡回甘，排骨炆到好入味~
【INFO】
台蔡滷肉飯
地址：荃灣海壩街99號地舖
營業時間：星期一至日 12:00-22:00
地址：鑽石山龍蟠街3號荷里活廣場2樓235-236號舖
營業時間：星期一至日 11:30-21:30
地址：大角咀海庭道18號奧海城二期1樓大食代內
營業時間：星期一至四 11:00-21:30 / 星期五至六 11:00-22:00 星期日11:30-21:30
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
