韓國菜2026 | 韓國料理唔再淨係得炸雞同部隊鍋！近年嚟，香港嘅韓國餐飲界不斷進化，由米芝蓮星級名廚主理嘅創新韓食到正宗傳統骨湯或韓式燒肉，選擇多到令人驚喜！想喺香港品嘗到最頂級、最正宗，甚至最有創意嘅韓國菜？今次我哋為大家精選咗多間唔同風格嘅韓食熱點，由米芝蓮三星名廚安成宰主理Mosu、人氣極高嘅過江龍SAMSAM三三骨肉；以至韓國直送頂級牛排肉同醬油蟹聞名、名人光顧嘅本家韓國料理，涵蓋多間地道風味及高性價比餐廳，總有一間啱你心水！
圖片來源：Openrice@yumfood_yumeat、 @fionatsee、@insukistum、@Carman_SYN、@Winkieeeeee、@foodi3_yooyoo、@Tammyyycheng | 撰文：Ginger
韓國菜推介 | 1. Mosu
如果你追求嘅係革新韓國料理嘅極致體驗，咁由爆紅 Netflix《黑白大廚》評判安成宰（Sung Anh）主理嘅米芝蓮三星餐廳 Mosu，佢喺香港 M+ 視覺文化博物館嘅分店絕對係頂級之選！Mosu坐擁 M+大樓三樓嘅綠意盎然天台花園，你可以盡覽著名維港天際線，夜晚仲可以欣賞到由數千顆 LED 燈交織而成嘅數碼 M+ 幕牆，單係環境已經值回票價！Mosu由 Sung Anh 行政總廚同主廚 Bruno Jeong 領軍，務求將風靡全球嘅創新韓食帶到香港。佢哋嘅主廚發辦嚐味餐單，會以本地農產供應商最優質嘅時令食材入饌，將傳統韓國風味融入現代烹調技巧，呈現出精緻而充滿驚喜嘅菜式。喺呢度，你唔單止食緊一餐飯，而係享受緊一場結合視覺、味覺同文化嘅沉浸式韓食藝術體驗。
【INFO】
《Mosu》
地址: 西九文化區博物館道38號 M+三樓
營業時間:星期二至三 18:00 - 00:00；星期四至日 12:00 - 15:00, 18:00 - 00:00
韓國菜推介 | 2. SAMSAM三三骨肉
韓國過江龍 SAMSAM三三骨肉主打正宗韓式薯仔脊骨湯同烤肉，自從登陸尖沙咀後旋即成為城中熱話，一位難求，而家喺旺角瓊華中心開設咗新分店，想舒舒服服咁嘆美食就更方便啦！餐廳嘅招牌菜清湯薯仔脊骨湯（$380），將濃郁嘅豬骨湯底、韓式特調辣醬同港式麻辣融合於一鍋，食起嚟陣陣麻香，辣得過癮！另一招牌菜式係結合日本壽喜燒同韓式烤肉嘅烤牛肉蔥絲鍋，份量十足，性價比超高！
【INFO】
《SAMSAM三三骨肉 삼삼뼈국》
地址: 尖沙咀金巴利道55號 / 旺角彌敦道628號瓊華中心7樓
營業時間: 星期一至日 12:00 - 14:30，17:00 - 23:00
韓國菜推介 | 3. 本家韓國料理
位於尖沙咀金馬倫道嘅本家韓國料理，絕對係一間低調而高質嘅預約困難店！呢間餐廳不單止吸引咗唔少明星光顧，更以佢哋韓國直送嘅頂級食材同地道風味聞名。嚟到本家，必食嘅菜式絕對係由韓國直送嘅牛排肉，肉質同鮮味都係一絕！不過，最令人一試難忘嘅，一定係佢哋嘅醬油蟹（HK$520/2隻）！將肥美嘅蟹膏同紫菜飯拌勻，然後再釀入蟹蓋之中，配合醬油蟹腳一齊食，濃郁嘅蟹膏香同鮮味喺口中爆發，絕對係滋味無窮！
【INFO】
《本家韓國料理》
地址: 尖沙咀金馬倫道22-24號東麗中心1樓
營業時間: 星期一至日 12:00 - 16:00，17:00 - 23:00
韓國菜推介 | 4. Mr. Korea BBQ
Mr. Korea BBQ以自家醃製嘅海鮮同優質肉類聞名，除咗經典嘅韓式烤肉，仲有多款海鮮同肉類拼盤。招牌菜式有醬油蟹、海鮮煎餅同埋三花肉，全部都係不容錯過嘅人氣之選。特別推薦佢哋嘅醬油海鮮拼盤，包含新鮮嘅鮑魚同蝦，醃製得非常入味，口感鮮美。肉類愛好者就可以選擇特級牛肋肉同醃製豬肋肉等。除咗烤物，佢哋嘅韓式料理同樣出色，好似外脆內軟嘅海鮮薄餅同泡菜薄餅，以及夏日消暑嘅水冷麵。用餐時，不妨先品嚐前菜和湯品，再享用烤肉，搭配各種小菜，如泡菜、醃蘿蔔等，令口感層次更豐富。
【INFO】 《Mr. Korea BBQ》 地址：銅鑼灣駱克道491-499號京都廣場5樓 營業時間: 星期一至六 12:00 - 16:00，17:00 - 00:00，星期日 17:00 - 00:00
韓國菜推介 | 5. bibigo bapsang
如果你對韓國品牌 Bibigo 嘅印象仲停留喺超市嘅急凍食品，咁中環呢間 Bibigo Bapsang 就會徹底顛覆你嘅認知！呢間韓式快餐店主打平價套餐低至HK$49起，但食物水準絕對唔係預製菜品可以相比。Bibigo Bapsang 嘅自選組合菜單（HK$49起）非常吸引，你可以根據自己嘅喜好同食量，自由搭配主食、小食、配菜、甜品同飲品，打造專屬嘅韓式盛宴。最重要嘅係，所有菜式都係即叫即製，由經驗豐富嘅廚師團隊喺開放式廚房中精心烹調，用新鮮食材帶嚟與眾不同嘅韓式風味體驗。佢哋嘅迷你石鍋拌飯配搭有牛肉醬、豚肉醬、泡菜等多種口味，係下午茶嘅超值選擇！喺下午茶優惠期間，點選燉湯鍋類，仲可以免費升級白飯無限續加，份量十足，絕對係「糧尾恩物」！
【INFO
《bibigo bapsang》
地址: 中環閣麟街32至34號美輪樓地下B號舖
營業時間: 星期一至日 11:30 - 22:30
韓國菜推介 | 6. The JEJU
韓國餐廳品牌「Bingo and Cook」推出嘅全新韓式燒肉餐廳 THE JEJU，喺旺角朗豪坊開設咗分店，將獨特嘅濟州島風味帶到香港！THE JEJU 佔地逾2000呎，以濟州島火山地貌為靈感，引進韓國定製嘅火山石烤盤，呢種烤盤嘅天然孔隙可以均勻吸收油脂，烤炙時仲會散發出獨特嘅礦物香氣！佢哋主打獨家168小時低溫熟成黑毛豬同空運濟州直送食材，為你帶嚟舌尖上嘅濟州島之旅！
【INFO】
《THE JEJU》
地址: 旺角亞皆老街8號朗豪坊11樓13號舖
營業時間: 星期一至日 11:30 - 22:00
韓國菜推介 | 7. 豬腳小姐
如果你係豬腳愛好者，咁喺韓國經營超過30年、總店位於明洞嘅人氣餐廳「豬腳小姐」就一定要試！呢間過江龍以其獨特嘅豬腳料理聞名，成功將正宗嘅韓國豬腳風味帶到香港。「豬腳小姐」對食材嘅要求非常嚴格，佢哋選用經過嚴格篩選嘅韓國產豬腳，每日燉煮，確保豬蹄軟嫩、有嚼勁，口感Q彈而唔油膩。除咗招牌嘅原味豬腳（$380起），仲有濃郁嘅蒜香豬腳（$400起）等口味。部分分店仲提供半半豬腳，俾你可以同時品嚐兩種口味！佢哋嘅份量非常充足，非常適合3人以上用餐。
【INFO】
《豬腳小姐》
銅鑼灣店
地址: 銅鑼灣登龍街1-29號金朝陽中心二期 - Midtown地下C號舖
尖沙咀店
地址: 尖沙咀金巴利道77號地舖
營業時間: 星期一至日 12:00 - 15:00，17:00 - 23:00
韓國菜推介 | 8. 醬缸韓國料理
佐敦呢間擁有13年老字號嘅「醬缸韓國料理」提供90分鐘無限任食醬油蟹（HK$468/位），真係醬油蟹控嘅天堂！「醬缸韓國料理」由韓國人老闆主理，佢每日早上6點就開始準備自家醃製醬油蟹，確保質素正宗、味道新鮮！醬油蟹醃製得非常入味，蟹膏肥美，口感鮮甜，每一啖都充滿韓國風味。前菜仲可以無限追加，服務非常貼心。
【INFO】
《醬缸韓國料理》
地址: 佐敦柯士甸道118號業廣商業大廈1樓
營業時間: 星期一至六 11:30 - 14:30，17:30 - 22:30，星期日 全日休息
韓國菜推介 | 9. Eva Tonkatsu
嚟自韓國釜山嘅人氣過江龍吉列豬扒專門店 EVA tonkatsu，近日正式登陸銅鑼灣登龍街！呢間短短五年喺韓國已經開設超過50間分店嘅品牌，由韓國團隊主理，完美還原咗地道釜山風味，為香港食客帶嚟炸豬扒嘅全新體驗！EVA tonkatsu選用最高級嘅韓國產生裏脊豬肉，呢個部位纖維細緻且不含脂肪，經即叫即炸後，豬扒外層金黃酥脆，內裡卻依然保持多汁不乾柴，肉質緊密有彈性。最令人瘋狂嘅，係佢哋嘅拉絲芝士吉列豬扒！融化嘅芝士直接夾喺炸豬扒內部，每一塊豬扒都帶有濃郁嘅芝士香氣同拉絲嘅口感，絕對係芝士控嘅夢幻之選！Set餐仲包小食、前菜同湯，非常抵食又滿足！
【INFO】
《Eva Tonkatsu》
地址: 銅鑼灣登龍街51號地下A號舖
營業時間: 星期一至日 11:30 - 22:00
韓國菜推介 | 10. 真心一隻雞
喺銅鑼灣嘅真心一隻雞主打韓國好出名嘅雞湯一隻雞，喺韓國旅行時好多人都鍾意食，嚟香港都一樣可以食得到！「真心一隻雞」嘅燉雞湯Set，食得出本身食材嘅味道，雞肉夠嫩滑，份量都幾多，沾上辣甜醬汁食，非常惹味！佢哋嘅雞髀勁滑，雞湯味道清清地，帶有少少蔥香辣椒，鍾意清湯嘅朋友一定會鍾意。如果你唔想單食雞湯，佢哋亦有燒肉餐選擇，最平$498起。
【INFO】
《真心一隻雞》
地址: 銅鑼灣登龍街28號永光中心地舖
營業時間: 星期一至日 11:00 - 23:00
韓國菜推介 | 11. 安金稻朝鮮拌飯
想食正宗嘅朝鮮族石鍋拌飯？由太興集團旗下嘅韓國朝鮮族特色餐廳品牌安金稻朝鮮拌飯，絕對可以滿足你！呢度主打正宗石鍋拌飯同多款地道韓式料理，而且價錢非常親民。「安金稻」嚴選東北地區獨有嘅高品質黃金稻米同配菜，配合秘製拌飯醬汁，喺滾燙石鍋內一拌，完美還原傳統朝鮮族拌飯。石鍋拌飯喺熱石鍋中攪拌後，飯粒吸收醬汁香氣，底部仲會形成香脆嘅鍋巴，口感層次非常豐富。呢種傳統工藝更喺2021年被列入吉林省非物質文化遺產，令食客喺享用美食嘅同時，都能感受到文化嘅傳承與精髓。
【INFO】
《安金稻朝鮮拌飯》
荃灣店
地址: 荃灣楊屋道1號荃新天地地下G78號舖
營業時間: 星期一至日 11:00 - 22:00
啟德店
地址: 九龍城啟德承啟道38-39號啟德體育園啟德零售館1 2樓M1-215號舖
營業時間: 星期一至日 11:00 - 22:00
韓國菜推介 | 12. 首爾製麵所
人氣正宗韓國手工刀削麵店首爾製麵所由韓國匠人主理，所有材料都採用韓國貨以確保最佳風味。大廚每日早上會遵循傳統麵糰製作方法，經過24小時低溫發酵再反覆揉捏，製作出煙韌帶咬勁嘅刀削麵條。推介鮮味十足嘅蜆湯麵，同埋放有半隻雞嘅雞湯麵等。除咗招牌刀削麵系列，店內亦有湯飯系列同小食供應，必試菜包肉同埋自家手工製餃子，好似泡菜餃子咁，真正皮薄餡靚。
【INFO】
《首爾製麵所》
地址: 旺角花園街1號鴻禧大廈地下6號舖
開放時間: 星期一至日 11:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
