香港有唔同風格嘅串燒店，有日式、芝加哥風、港式及泰式等，每間餐廳都有自己嘅獨特之處。以下為大家整合10間特色串燒店，例如有泰式串燒Grill ขนทอง、芝加哥串燒酒場則主打芝加哥傳統烤肉風格、集烤魚、串燒同火鍋於一身嘅陀地燒以及首間日本以外嘅分店，主打Kushikatsu嘅Jan Jan 串揚專門店，下次想搵串燒店就知道去邊啦！無論係泰式、芝加哥風定日式，總有一間啱你心水！飲返杯啤酒，真係工作後嘅最佳享受！
圖片來源：Openrice @dineoutla.hkig、@SHARISON_foodie、@Wingyy114、@HKFOODLOGER、@Foodiary.zip、@msmeoww、@CHOCOLEI、@jlc_foodie、 @HoichingChan8642、@sallychan.travel、@Picky Couple、@taltal1386、@foodaholicman、@phonebus、@sammi foodie life、@jcpigpigzhu、@pui82002231｜撰文：Ginger
串燒店推介 | 1. 燒烤堂
「燒烤堂」係一間主打日式串燒嘅餐廳，種類繁多，無論你係鐘意經典串燒定係創意新派串燒，呢度都一定滿足到你！餐廳特色係將港、日、泰、川、台、新疆、西式等各地風味融入串燒，仲有自家研發嘅特色款式，款款新穎有驚喜！價錢方面亦相當親民，平均每串30蚊左右，就算係蠔、元貝、和牛呢啲高級食材，價錢都只係大概50蚊，性價比極高！
【INFO】
燒烤堂
地址: 筲箕灣新成街8號新成中心C座地下F舖
營業時間: 星期一至日 17:00 - 00:00
地址: 旺角通菜街1A-1L號Deli2 3樓 987
營業時間: 星期一至日 18:00 - 00:00
地址: 銅鑼灣登龍街28號3樓
營業時間: 星期一至日 18:00 - 02:30
地址: 尖沙咀諾士佛台1號1樓
營業時間: 星期一至日 18:00 - 02:30
地址: 中環安慶臺1號安慶樓地下上層A舖
營業時間: 星期一至四 17:30 - 00:00，星期五至六 17:30 - 02:00，星期日 17:30 - 00:00
地址: 荃灣川龍街118號百悅坊12樓
營業時間: 星期一至日 18:00 - 00:00
串燒店推介 | 2. 串燒屋
想無限制任食串燒呢度就啱晒你，一個價錢就可以任飲任食！再加上串燒屋有自動轉轉串燒爐，會360度自動轉，咁就唔使燒得咁辛苦～串燒有豬、牛以及羊選擇，同樣亦有蝦、蠔及蜆等海鮮，燒之前仲可以食埋前菜或炸物填肚，$248起就可以同朋友無限時任食超抵！
【INFO】
《串燒屋》
營業時間：17:00至23:30
地址：觀塘通明街54號地下
串燒店推介 | 3. 芝加哥串燒酒場
「芝加哥串燒酒場」喺元朗、大埔、中環都有分店，串燒種類超多，仲有過百款即調製cocktail及其他酒精類飲品。餐廳主打芝加哥傳統烤肉風格嘅串燒，無論係多汁嘅肉類、新鮮海鮮定素食選擇等都包羅萬有！特別推薦餐廳嘅招牌紙鶴雞皮脆、雞肉軟骨棒、極品即燒乳豬亦及招牌雞皮墨魚滑等。記得嚟呢度食串燒，配啤酒，chill返一晚！
【INFO】 芝加哥串燒酒場 地址: 太和大埔太和路15號太和中心地下37號舖 營業時間: 星期一至五 17:00 - 03:00，星期六至日 12:00 - 05:00 地址: 元朗金祥坊2號明雲閣地下A-B號舖 營業時間: 星期一至日 15:00 - 03:00 地址: 中環榮華里12-14號榮華大廈B座地下L及M號舖 營業時間: 星期一至四 15:00 - 03:00，星期五至六 15:00 - 05:00，星期日 15:00 - 03:00
串燒店推介 | 4. Grill ขนทอง
「Grill ขนทอง」係一間泰式小食串燒店，主打即叫即燒嘅肉類、海鮮同蔬菜。餐廳裝修簡約而且好有泰式風情。呢度嘅串燒種類繁多，特別推介燒豬頸肉、牛仔骨、大花蝦、燒菠蘿同泰式魚餅，每款都用火爐燒得好香，加上自家秘製嘅芫茜辣椒醬同青咖喱醬，令味道更添層次，絕對係重口味人士嘅最愛！
【INFO】
Grill ขนทอง
地址: 中環和安里1號地舖
營業時間: 星期一至日 11:00 - 05:30
地址: 銅鑼灣駱克道487-489號駱克駅地舖
營業時間: 星期一至日 11:00 - 05:30
串燒店推介 | 5. 岳川串揚
「岳川串揚」係一間串揚串燒小店，營業至凌晨12點，晚市9點後堂食仲有半價優惠，好抵食！餐廳主打串揚、串燒、小食、多款麵食及清酒等。環境設計洋溢著日本家庭式小店嘅溫暖氛圍，燈光柔和，好有日本風情！其中必試嘅爆汁雞皮餃子，用黃金彈牙嘅雞皮包住肉汁滿滿嘅內餡，隻隻飽滿。推介菜式重有燒日本蠔、燒牛肉金菇卷、日式汁燒魷魚及大蔥豬頸肉等。
【INFO】
岳川串揚
地址: 銅鑼灣摩理臣山道8號地舖
營業時間: 星期一至二 12:00 - 23:00，星期三至六 12:00 - 01:30，星期日 12:00 - 23:00
串燒店推介 | 6. Jan Jan 串揚專門店
「Jan Jan 串揚專門店」來自大阪，係香港首間日本以外嘅分店！主打秘製串揚同串燒，仲有多款頭盤、飯麵同甜品。呢度嘅串揚喺香港比較少見，將串燒同吉列完美結合，招牌菜包括牛串揚、海老串揚、雞胸肉紫蘇卷串揚，以及香港限定咖喱飯串揚。餐廳更提供多種主食選擇，豬肉、牛肉、雞肉、魚肉、蝦肉、香腸同蔬菜一應俱全。明太子燒蠔、清酒燒蠔、鹽味燒蠔等都係用新鮮材料醃製，味道鮮美。餐廳環境充滿日式風格，彷彿置身於大阪街頭，即刻嚟享受正宗嘅大阪串揚風味啦！
【INFO】
Jan Jan 串揚專門店
地址: 灣仔皇后大道東100-102號鉅芝樓2樓
營業時間: 星期一至五 12:00 - 15:00，18:00 - 22:00，星期六至日 12:00 - 15:30，18:00 - 22:00
串燒店推介 | 7. 火赤
「火赤」係一間以黑色為主調、設計簡約嘅串燒店，由經驗豐富嘅廚師主理，炮製出火候十足嘅串燒。餐廳精選由日本農場直送嘅香草雞肉同本地新鮮食材，主打平時少見嘅雞部位。店內環境舒適，裝潢簡約，設有吧枱、和風卡位，甚至有戶外座位，喺燒鳥店中算係幾少見。調味方面，餐廳提供五種調味粉，包括山椒粉、七味粉、一味粉、山葵鹽同柚子鹽，自由調配自己鍾意嘅味道！
【INFO】
火赤
地址: 尖沙咀寶勒巷29號寶昌商業大廈5樓
營業時間: 星期一至六 18:00 - 00:00
串燒店推介 | 8. 鳥鑫
「鳥鑫」位於尖沙咀，係一間人氣日式串燒餐廳，裝潢上採用簡約樸素嘅木系風格，感覺好舒適！餐廳提供超過20款燒烤美食，融合傳統同創新口味，從和牛、海鮮到各式蔬菜串燒，樣樣香口惹味！餐廳特別主打新鮮雞肉嘅唔同部位，例如新鮮黃油雞腸、雞冠、提燈、雞心元同雞甲狀腺等，真係夠晒特別！餐廳亦提供日本清酒、烈酒、葡萄酒、啤酒同汽水，啱晒搭配串燒！
【INFO】
鳥鑫
地址: 尖沙咀厚福街12-12A號藍馬商業大廈21樓
營業時間: 星期一至日 14:00 - 00:00
串燒店推介 | 9. 川味香
川味香位於紅磡德民街，係宵夜嘅熱門去處！呢間川味串燒店雖然空間細細，但霓虹燈嘅裝修突顯小店風味。餐廳主打串燒、燒海鮮同酸菜魚，呢度絕對係越夜越精彩嘅選擇。店內大約有6-7張枱，燒烤位置以半開放形式設計，選擇豐富，價錢親民，有雞、牛、羊、豬、海鮮等選擇。串燒即點即燒，上枱熱辣辣！推介菜式包括雞腎串、燒雞翼、豬頸肉同安格斯牛仔骨。另外，鍚紙花甲粉亦值得一試，有辣同唔辣選擇。
【INFO】
川味香
地址: 紅磡德民街29號德民大廈地下J1號舖
營業時間: 星期一至日 17:00 - 06:00
串燒店推介 | 10. 喜膳燒
位於尖沙咀寶勒巷嘅「喜膳燒」主打獨特嘅串燒，包括少見嘅燒深海龍躉，仲有深海龍躉黑豚肉捲、燒龍躉京蔥卷等特色菜式。另外，餐廳嘅蒜蓉燒蟶子皇肉質爽口，味道鮮甜、日本霜降和牛串五成熟，入口即化，牛味濃郁！焗墨西哥黑松露芝士薄餅酥脆香口，而燒金菇肥牛卷表面鋪滿海苔粉，味道甜鹹適中，金菇爽脆，肥牛嫩滑，選擇多樣化，啱晒鍾意試新嘢嘅你！
【INFO】
喜膳燒
地址: 尖沙咀寶勒巷10號地舖
營業時間: 星期一至四 16:00 - 02:00，星期五至六 16:00 - 03:00，星期日 16:00 - 02:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
