最近人氣大熱嘅法式 車輪牛角酥 ，屬於牛角包嘅變奏，又稱為蝸牛牛角包或圓形牛角包。佢哋嘅賣相適合打卡，食落酥鬆可口。當中有啲店舖更會於 車輪牛角酥 內，加入不同口味的醬，造成爆餡效果，更加吸引！早排唔少人為咗呢個咁特別嘅牛角酥，專程去到澳門品嚐，但依家香港都有啦！今次就為大家搵嚟3間有賣法式車輪牛角酥嘅本地小店，想知喺邊度就要睇埋落去啦！

圖片來源：官方圖片、IG@foodailysy、@fridaylahk、@yencycheung、@siusinn_、@gabthefoodie、@hktablefor2｜撰文：Athena

尖沙咀法式 車輪牛角酥 1. Arte by Padaria

Arte By Padaria由網店做到喺尖沙咀K11 Musea開實體店，可見佢有相當嘅實力。一向賣開蛋糕嘅佢哋，最近推出喺美國紐約掀起熱潮嘅車輪牛角酥。當中有4款口味可供選擇，分別係白朱古力味、黑朱古力味、開心果味，同埋最新推出嘅竹炭焦糖味。每款口味嘅車輪牛角酥內，都有對應嘅甘納許，面頭仲有金寶脆脆。一啖咬落去有多重口感，鍾意食甜點嘅你一定要去試吓！

車輪牛角酥賣相超吸引！（圖片來源：IG@hktablefor2）
（圖片來源：IG@hktablefor2）
黑朱古力味 ($32)（圖片來源：IG@fridaylahk）
包裹著朱古力甘納許（圖片來源：IG@foodailysy）
開心果控必試開心果味 ($32)（圖片來源：IG@fridaylahk）
+7

法式白朱古力車輪牛角酥 ($32) 內裏注入滿滿嘅白朱古力甘納許，表面唧上白朱古力醬及灑滿富有牛油香嘅金寶脆脆，一口咬落去有三重口感，好邪惡呀！

（圖片來源：IG@foodailysy）
白朱古力味 ($32)表面灑滿金寶脆脆（圖片來源：IG@fridaylahk）
內裏注入滿滿嘅白朱古力甘納許（圖片來源：IG@fridaylahk）
（圖片來源：IG@foodailysy）

法式朱古力車輪牛角酥 ($32) 最為經典！鬆脆可口嘅牛角酥內包裹著朱古力甘納許，表面再灑上朱古力金寶及黑朱古力醬，好幸福啊！

黑朱古力味 ($32)（圖片來源：IG@foodailysy）
包裹著朱古力甘納許（圖片來源：IG@foodailysy）
黑朱古力味 ($32)（圖片來源：IG@fridaylahk）

法式開心果車輪牛角酥 ($32) ，酥脆嘅牛角酥內，包裹着清甜幼滑嘅開心果甘納許，頂層灑滿開心果金寶及開心果醬，開心果控千祈唔好錯過！

開心果控必試開心果味 ($32)（圖片來源：IG@fridaylahk）
開心果甘納許清甜幼滑（圖片來源：IG@fridaylahk）

竹炭焦糖車輪牛角酥 ($32) ，以近期大受歡迎嘅Lotus 餅乾為主調。牛角酥包體帶有淡淡嘅竹炭香，入面充滿香甜嘅 Lotus 甘納許，表面仲有帶焦香香氣嘅焦糖醬，再配上全塊 Lotus 乾餅，更添香氣。牛角酥口感酥脆帶點嚼勁，令味道更富層次。

全新口味！竹炭焦糖車輪牛角酥 ($32)（圖片來源：IG@artebypadaria）
（圖片來源：IG@foodailysy）
（圖片來源：IG@foodailysy）
【INFO】
Arte by Padaria 
地址：九龍尖沙咀梳士巴利道 18 號 K11 MUSEA B1 樓 B104 號舖
營業時間： 11am 至 7pm

屯門法式 車輪牛角酥 2. Bougel Cafe

位於屯門嘅Bougel Cafe由藍帶師傅主理，佢哋自家製作多款烘焙食品，包括車輪牛角酥、貝果、鬆餅及司康等，每款都各有特色。店舖亦有供應意粉及咖啡等輕食，歡迎客人於店內堂食。車輪牛角酥一共有4款唔同口味，分別係原味吉士、海鹽焦糖味、小山園宇治抹茶味及開心果味。

圓碌碌嘅牛角酥層次分明（圖片來源：IG@bougel_0519）
車輪牛角酥一共有4款唔同口味（圖片來源：IG@bougel_0519）

圓碌碌嘅牛角酥層次分明，食落外層酥脆，內層軟熟並有餡料襯托。原味吉士嘅內餡係自家製嘅吉士醬，吉士當中嘅牛奶及香草味香濃，唔會過甜；海鹽焦糖味一咬落去流出滿滿嘅海鹽焦糖醬，而且味道焦香可口；小山園宇治抹茶味有少許回甘；開心果味內的餡料為半溶狀態，有淡淡嘅開心果味，不會過份甜膩。

小店自家製作多款烘焙食品（圖片來源：IG@bougel_0519）
生朱古力脆脆筒（圖片來源：IG@bougel_0519）
糖漬檸檬吉士酥（圖片來源：IG@bougel_0519）
【INFO】
Bougel cafe
地址：屯門華都花園商場地下4 & 19號舖
營業時間：星期一至五 11am-9:30；星期六至日 11am-9:30

西環法式 車輪牛角酥 3. Bougel Cafe

呢間位於堅尼地城嘅café小店，無論係店外定店內都充滿法式風情。店舖提供嘅法式車輪牛角酥同其他小店唔同，反而係以牛角酥配搭其他食材，作為鹹食。佢哋有兩款口味，分別係火腿芝士口味，同埋芝士蛋口味，仲會有少許沙律菜及蕃茄仔，作為伴碟，十足all day breakfast～

好適合週末嚟chill吓！（圖片來源：IG@yencycheung）
配埋咖啡好飽肚（圖片來源：IG@yencycheung）

店舖採用歐陸式建築風格，外牆以奶油色為主調，再配上黑色線條，形成強烈對比。黑色框拱型大玻璃更加顯得出店舖嘅時尚型格，窗外頂部仲有拱型簷篷。客人亦可以選擇喺戶外位置用餐，令成個用餐過程好似置身於法國街頭咁，好chill啊！

客人可選擇戶外位置用餐（圖片來源：IG@siusinn_）
外牆打卡影相都好靚！（圖片來源：IG@siusinn_）
窗外頂部有拱型簷篷（圖片來源：IG@yencycheung）
黑色框拱型大玻璃特顯時尚型格（圖片來源：IG@yencycheung）
（圖片來源：IG@gabthefoodie）
+2

另外仲有週末限定嘅甜味Le Roll，牛角酥內係朱古力香蕉餡，面頭加上蛋白霜及Lotus 餅乾，無論係味道定口感都好滿足！

新口味仲有Lotus 餅乾（圖片來源：IG@legouterhk）
週末限定甜味牛角酥（圖片來源：IG@gabthefoodie）
內面充滿香蕉蓉（圖片來源：IG@gabthefoodie）

Cheese & Egg Roll ($98) 太陽蛋煎到啱啱好，一切開個蛋黃流晒出嚟，用嚟沾牛角酥更滋味。旁邊仲有清新沙律菜同埋烘烤過嘅蕃茄仔，好健康呀！

Cheese & Egg Roll ($98)（圖片來源：IG@yencycheung）

Classic Ham & Cheese Roll ($108) 火腿芝士係無敵嘅組合，中間夾住半溶芝士，配埋法式火腿，好食！

Classic Ham & Cheese Roll ($108)（圖片來源：IG@siusinn_）
中間夾住半溶芝士同法式火腿（圖片來源：IG@siusinn_）

Le Roll Breakfast ($128) 呢一碟十足all day breakfast，配料會比較多，除咗牛角酥，仲有炒滑蛋、蕃茄仔、香腸、火腿、芝士及沙律菜。

Le Roll Breakfast ($128)（圖片來源：IG@gabthefoodie）
Le Roll Breakfast 十足all day breakfast！（圖片來源：IG@legouterhk）
配料好多啊！（圖片來源：IG@yencycheung）
配埋咖啡好飽肚（圖片來源：IG@yencycheung）

大家不妨趁假日嚟食個包，飲返杯咖啡嘆吓啦！

店內裝修都好有特色（圖片來源：IG@siusinn_）
小店充滿法式風情（圖片來源：IG@yencycheung）
【INFO】
Le Goûter
地址：西環堅尼地城吉席街98號地舖
營業時間：星期三至日 10:30-18:30

————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/