銅鑼灣係美食集中地，雖然位於港島區，但一樣可以搵到各類型米芝蓮級平民食店。今次為大家搜羅6大人氣熱店，有咖啡店、過江龍或米芝蓮必比登推介等。性價比高，食物有特色又有心思，視覺享受完再衝擊味覺，滿足你打卡同時食好西兩個願望！立即睇睇以下6間人氣打卡餐廳推介！
圖片來源：官方圖片、Openrice@foodlibrary 、Openrice@pleplev3v ｜撰文：Ginger
| （廣告時間） |
銅鑼灣美食 | 1. Caflex by the coffeeology
早前人氣咖啡店Coffeeology暫時休業，相信一眾咖啡迷都非常失落！不過近日佢哋捲土重來，以新名字「Caflex by the coffeeology」重新出發。選址喺舊舖附近，新店走水泥工業風，空間感更大，採光度更充足，適合同朋友cafe hopping！
新店繼續以Tiramisu及厚切芝士蛋糕打響名堂！款式定期更換，最吸引網民嘅一定係佢嘅抹茶芝士蛋糕，抹茶同芝士味完美平衡，更增加Crunch抹茶脆皮版本！厚實嘅原味芝士蛋糕作頂層，幼滑嘅抹茶芝士蛋糕則為下層，再為半邊蛋糕淋上抹茶醬，抹茶脆脆帶有果仁碎粒，將整體口感昇華！維持到舊舖水準之餘，食物質素更上一層樓，鍾意去Cafe嘅大家記住唔好錯過啦！
【INFO】 《Caflex by the coffeeology》 地址：銅鑼灣勿地臣街15A號地舖 營業時間：星期一至五 08:30 - 19:00／星期六至日 08:30 - 19:00 電話：28988805 官方Facebook：https://bit.ly/45DyQUQ
銅鑼灣美食 | 2. Eggslut
美國洛杉磯過江龍滑蛋三文治店，今年開到嚟香港啦！2011年，美國廚師Alvin Cailan由街頭貨車售賣食物起家，以嫩滑嘅半熟蛋為主角，創作出多款令人喜愛嘅三文治！除咗喺新加坡、日本、南韓及倫敦開設15間分店，今年首間香港分店更選址銅鑼灣！喜歡Grab & Go嘅你，又試咗未呢？
所有食物即叫即整，專心做好6款三文治，包括有招牌炒滑蛋、煙肉蛋芝士、雞肉腸蛋芝士、芝士、蛋沙律及頂級USDA三角脊扒三文治。其中招牌炒滑蛋三文治更採用自家研發嘅鬆軟布里歐麵包作為包身！仲加入放養雞蛋而製嘅炒嫩蛋、焦糖洋葱、車打芝士、沙律醬等餡料，完全係視覺加味覺嘅享受！
【INFO】 《Eggslut》 地址：銅鑼灣記利佐治街11-19號Fashion Walk地下及1樓 營業時間：星期一至日 08:30 - 20:30 官方Instagram：https://bit.ly/47I7jDD
銅鑼灣美食 | 3.好湯好麵
近$100一碗麵，打動食客嘅到底係啲咩呢？呢間由大圍起家嘅米芝連平民美食上年進駐銅鑼灣，由前四季酒店法國三星法國餐廳副主廚Gary及柏檔Irene共同主理，融合西式同中式手法，設計出12款特色湯麵，創新有心思！
簡單嘅一碗陽春麵，湯頭絕為重要！憑藉每日熬足17小時以海鮮和蔬菜為主嘅湯底，成為咗一碗陽春麵嘅靈魂。當中最受歡迎嘅係海龍皇湯底，以藍蟹肉、海蝦尾、北海道魷魚及刺身帶子、廣島蠔等熬製，湯底濃厚之餘，最後更淋上蝦頭油提鮮！法式濃湯嘅做法，令到煙韌彈牙嘅陽春麵更掛湯。用心製作嘅自家製湯麵必令你一試難忘！難怪短短開業幾年，就連續獲《必比登推介2021》及《香港澳門米芝蓮指南 2022》必比登推介！
【INFO】 《好湯好麵》 地址：銅鑼灣加寧街9-11號名店坊地下B號舖 營業時間：星期一至日 12:00 - 17:00／18:00 - 22:00 電話：23741128 官方Facebook：https://bit.ly/47VV3zA
銅鑼灣美食 | 4. SHARI SHARI Kakigori House 氷屋
相信呢間人氣日式刨冰店大家一啲都唔陌生。由2015年開業至今，無論冬天定夏天，長期都係排隊人龍！難怪由銅鑼灣希雲街搬到加路連山道，上年更衝出港島，開設尖沙咀分店！
主打刨冰，當然注重最原始嘅材料 —「水」。Shari Shari嚴選高質純淨日本水，製作出幼滑軟綿嘅刨冰。同時以10多款創新特色口味及巨型足料嘅日式刨冰一炮而紅，當中最受歡迎嘅口味有抺茶忌廉焦糖、焙茶黃豆粉忌廉、伯爵奶茶配白玉及最IGable嘅草莓味！吸引到一眾少女打卡「呃Like」！甜品控不能錯過，絕對係飯後甜品首選。
【INFO】 《SHARI SHARI Kakigori House 氷屋》 地址：銅鑼灣加路連山道13號地舖 營業時間：星期一至日 13:00 - 21:00 電話：25291223 官方Facebook：https://bit.ly/3PaaTiI
銅鑼灣美食 | 5. Sick! Burger
位於銅鑼灣希雲街新店嘅新派手工漢堡包店，由馬鞍山開到銅鑼灣，由米芝連大廚Chef Lai主理，融合美式及港式，帶畀大家全新體驗！新店加入更多本土特色，創作出更多款港式漢堡包！港式代表有沙嗲牛肉炒芫茜蛋漢堡、素食代表有藜麥脆薯餅素漢堡及經典口味牛肉漢堡！即叫即製，最受歡迎更係經典牛肉漢堡。如果你自認戰鬥力高，更可以揀三層牛肉挑戰！牛肉微焦，充滿肉香，麵包鬆軟同時充滿牛油香，款款滋味滿分！
如果想再食得邪惡啲，一定要嗌埋港式風味奶昔！可以選擇「Oval Sick! 華牛奶Sick!」或「Vita! Sick 香芋維他奶Sick!」。「華牛奶」以阿華田、朱古力雪糕及3.9 牛奶等材料製作，而「香芋維他奶」以香芋雪糕、豆腐花、維他奶、新鮮雲呢拿籽、自家製芋圓及焦糖脆脆製作，味道充滿兒時回憶！
【INFO】 《Sick! Burger》 地址：銅鑼灣希雲街31號地舖 營業時間：星期一至日 12:00 - 21:00 電話：93833401 官方Facebook：https://bit.ly/3qRMwg9
銅鑼灣美食 | 6. Gariguette
日本東京人氣法式千層酥熱店Gariguette首間海外分店將於9月強勢登陸香港，進駐銅鑼灣Fashion Walk！9月9日更大派100份法式千層拿破崙Mille Presse。
還原日本原味道！所有材料同機器都係由日本直送香港，除咗供應8款甜口味同4款鹹口味，仲有香港驚喜限定口味！100%發酵奶油而成嘅酥皮，以熱壓機製作而成，再放入焗爐烤製，令到酥皮薄、脆、香，繼而加入由日本空運新鮮到港嘅濃郁吉士忌廉內餡，必定成功俘擄一眾甜品迷！甜品控唔好錯過啦！
【INFO】 《Gariguette》 地址：香港銅鑼灣Fashion Walk 百德新街42-48 號地下D舖 開幕日期：9月9日 官方Facebook：https://bit.ly/45EsO6h
