每次同一大班親朋好友聚餐都想大快朵頤一餐，選擇都係離唔開打邊爐。作為一個精明食家，小編特意為大家介紹全港6大平價任食火鍋，無論麻辣烤魚、雞煲、海鮮都應有盡有，最抵人均只需$128就可以吃到飽，即睇以下地址同詳情啦！
圖片來源：Openrice @easywin2828、@芝士phd、@JoyfullFoodstagram、@史提芬心、@貓豬豬、@CrystalYiuYiu、@Victoria Y、@最愛麻辣火鍋、@Food_daily2021、@estertingho、@wenn_hk、Facebook @斗滾｜撰文：Icy
| （廣告時間） |
6大高質平價任食火鍋推介｜1. 小漁村烤魚火鍋
位於旺角嘅小漁村烤魚火鍋，主打四川風味料理，當中嘅無限時烤魚放題最抵只需$268一位！首先客人可以享用蒜蓉蒸海鮮拼盤，再品嚐麻辣烤魚，魚皮煎香後口感煙韌，魚肉嫩滑入味，吸收晒麻辣湯嘅精華。
（圖片來源：Openrice @easywin2828）
之後就可以用烤魚湯底打邊爐，自助區嘅配料都係任飲任食，仲有炸饅頭同麻辣鴨血等四川美食，選擇好豐富！
（圖片來源：Openrice @easywin2828、@芝士phd）
【INFO】
地址：旺角彌敦道726號19樓
時間：星期一至日 12:00-15:00，17:30 - 23:45
價錢：晚市無限時放題
星期日至四$268/人
星期五、六及公眾假期$298/人
官方Facebook：https://bit.ly/3L0Jtcm
6大高質平價任食火鍋推介｜2. 斗滾
斗滾喺尖沙咀同西環都設有分店，將無限時火鍋分作四個部份。首先客人可以品嚐新鮮滾熱辣嘅雞煲，雞肉非常嫩滑，加上洋蔥爆香後好惹味，唔夠仲可以添雞！
雞煲有5種辣度可以選擇，小編建議BB辣就已經好足夠好過癮～（圖片來源：Openrice @JoyfullFoodstagram）
之後職員會為大家捧上一大碟時令海鮮拼盤，有蒜蓉蒸帶子、蟶子、海蝦、花蜆、龍躉、鮑魚等等，仲有彈牙讚歧烏冬，好豐富啊！
（圖片來源：Openrice @JoyfullFoodstagram）
食完海鮮拼盤，就可以慢慢嘆椰子烏雞老火湯，用上原隻烏雞，清甜又足料！跟住就可以打邊爐，飲品、牛肉、丸類、蔬菜等餸菜都係任食㗎！最後職員仲會為客人奉上椰汁雪燕糖水消消滯，咁多野食都只係$298一位，包大家食到捧住個肚！
（圖片來源：Facebook @斗滾、Openrice @JoyfullFoodstagram）
【INFO】
地址：尖沙咀山林道38號銀座38 12樓/西環石塘咀山道54-66號適安大廈地下A號舖及1樓AB號舖
時間：星期一至五 16:30-00:30/星期六至日 12:00-01:00（尖沙嘴分店）
星期一至日 17:00-00:00（西環分店）
價錢：星期一至四$268/人
星期五至日及公眾假期$298/人
官方Facebook：https://bit.ly/3PccDrw
6大高質平價任食火鍋推介｜3. 粉嶺新廣發
粉嶺新廣發嘅任飲任食邊爐一向都極受附近街坊歡迎，火鍋種類分別為秘製野味雞煲、卜卜蜆煲、牛雜煲、酸菜魚同四季火鍋，最抵只需$128一個人，可謂平絕全港！
（圖片來源：Openrice @史提芬心）
當中較受歡迎嘅係卜卜蜆煲，以蒜同芫荽製成湯底，蜆肉無沙粒而且鮮甜飽滿。跟住可以加湯打邊爐，配料任食，仲可以任飲啤酒汽水。
（圖片來源：Openrice @貓豬豬、@史提芬心）
另外每檯客人都可獲奉送海鮮拼盤一份，例如花蟹、蠔、青口、大蝦等等，不過每晚數量有限，大家可能要早啲去到喇！
（圖片來源：Openrice @史提芬心）
【INFO】
地址：粉嶺和滿街9號聯和墟街市2樓熟食中心CF7號舖
時間：星期一至日 17:30-00:00
價錢：秘製野味雞煲$140/人、卜卜蜆煲$140/人、牛雜煲$158/人、酸菜魚$140/人、四季火鍋$128/人
官方Facebook：https://bit.ly/3ReWK5l
6大高質平價任食火鍋推介｜4. 老三火鍋雞煲海鮮放題
位於旺角嘅老三火鍋雞煲海鮮放題，同樣係無限時，一個價錢擁有多重享受。大家可以先品嚐雞煲，根據個人口味選擇辣度，雞肉吸收晒啲醬汁好入味。
小編推介大家選擇花膠雞煲，含有豐富骨膠原！（圖片來源：Openrice @CrystalYiuYiu、@Victoria Y）
之後就可以自選湯底打邊爐，餐廳會按人頭奉送海鮮拼盤，有鮑魚、花甲、生蠔、海蝦等等，食材非常新鮮。
（圖片來源：Openrice @CrystalYiuYiu）
呢度嘅飲品同配料都係任飲任食，例如安格斯牛肩胛、手打蝦丸、龍躉肉、白鱔片、花雕雞子等等。仲有特別嘅自家製羅漢果茶，等大家打邊爐都冇咁熱氣！
（圖片來源：Openrice @Victoria Y）
【INFO】
地址：旺角旺角道33號凱途商業大廈3樓
時間：星期一至日 18:00-23:30
價錢：$248/人（21:30後入座$208/人）
官方Facebook：https://bit.ly/47JKAal
6大高質平價任食火鍋推介｜5. 牛站（駅）麻辣火鍋放題
牛站台式火鍋有多款打邊爐套餐，大家可按個人喜好選擇唔同嘅高質牛肉火鍋，現時仲推出多款養生湯底，每個火鍋湯底都有唔同嘅益處。一個人價錢大概$300以內，120分鐘可吃到飽，而且酒類都係任飲，鍾意飲酒嘅朋友就啱晒啦！
（圖片來源：Openrice @最愛麻辣火鍋）
大家可到自助區領取喜歡嘅食物，海鮮種類繁多，有蝦、扇貝、青口、象拔蚌、魚肚等等，全部都好新鮮。除咗一般嘅蔬菜同丸類，仲有特色菜式，例如乳鴿同小龍蝦。
（圖片來源：Openrice @最愛麻辣火鍋）
最後就緊係要嘆返個甜品，呢度嘅Häagen-Dazs雪糕都係可以任食，仲有多款日韓雪糕同芋圓糖水，簡直係大滿足呀！
（圖片來源：Openrice @最愛麻辣火鍋）
【INFO】 地址：旺角彌敦道593-601號創興廣場2樓/觀塘觀塘道414號1亞太中心6樓／尖沙咀加連威老道2-6號愛賓商業大廈1樓102號舖 時間：星期一至日 12:00-16:00、17:00-23:00 價錢：按此查看詳情 官方Facebook：https://bit.ly/45D1LZg
6大高質平價任食火鍋推介｜6. 馬辣
馬辣提供高性價比嘅任食台式鴛鴦火鍋，一個人價錢$200有找！火鍋有多款湯底可供選擇，例如健康之選藥膳豬骨湯或者黃豆涼瓜湯。鍾意重口味嘅朋友可以揀胡椒豬肚湯或者泰式冬陰功鍋，配料吸收湯汁，就算唔點醬汁都好入味！
（圖片來源：Openrice @Food_daily2021、@estertingho）
客人可以用手機自助落單，點選肉類同海鮮。而自助區有多款台式小食，例如台灣豆串、爆汁牛筋丸、鴨血等等。飲品方面除咗基本嘅茶同汽水，仲可以任飲啤酒，最適合同一大班朋友嘆住啤酒打邊爐！
（圖片來源：Openrice @wenn_hk）
【INFO】 地址：旺角彌敦道593-601號創興廣場14樓 時間：星期一至日 12:00-23:45 價錢：按此查看詳情 官方Facebook：https://bit.ly/483BHsr
