如果講到舉辦各種活動例如慶祝派對、家庭聚餐、私人聚會、閏蜜談心嘅好地方，你又會諗到邊度呢？外出食飯，當然希望滿足環境別緻寬敞、打卡任影唔嬲、食物類型多又要氣氛好，等等嘅要求！以下5個地方就滿足哂你所有願望！小至容納6-8人，大至容納80人，係多人聚餐嘅好去處，快啲Bookmark定帶埋你嘅伴侶，親戚朋友試吓啦！
圖片來源：Facebook@Casa Cucina & Bar、@Morokok 、@楚撚記大排檔、@元朗隱世山莊、Kaboom官方圖片｜撰文：Ginger
聚會餐廳推介｜1. Casa Cucina & Bar
由行政總廚兼餐廳老闆Anthony親自主理，佢曾跟星級法國大廚拜師學藝，加入紐約米芝蓮兩星餐廳實習，更在香港置地文華東方酒店擔任過廚師。
店名「Casa」源於意大利文，有「家」嘅意思。呢間充滿藝術感嘅獨立三層意式情調小酒館位於西營盤，地中海意大利式嘅裝潢別緻得體，以柔和珊瑚色拼藕粉色為主調，令你有意大利舒適家居感覺，猶如一間度假式獨立屋，最適合舉行Farewell或大型party！酒吧區位於底層，舒適嘅皮革座椅令你用餐更輕鬆自在！用餐區位於一樓，樓底高，提供更大空間感。走到二樓，係多用途用餐區，有長枱、吊燈、粉藕色梳化等，既溫馨又浪漫，十分有情調，營造咗溫馨自在嘅舒適感，同朋友舉行小型私人聚會亦都非常適合！
佢哋嘅小食文化係以Cicchetti為創作靈感，通常係指麵包上放上海鮮、肉類或者醃製肉品。份量小巧嘅開胃菜率先打開你嘅味蕾，繼而品嚐佢哋嘅自家製意大利麵，用上意大利「00麵粉」、小麥粉及意大利蛋黃，煙靭有嚼勁，配合自家製醬汁，味道正宗，保證令你有驚喜！呢間餐廳無論係裝修定係食物都非常高質，相信會令你更享受當下嘅相聚時光！
INFO
《Casa Cucina & Bar》
地址：西環干諾道西158A號均益大廈3期地下8-9號舖
營業時間：星期一至日 12:00 - 22:00
電話：2887 9666
聚會餐廳推介｜2. Kaboom
位於尖沙咀太子集團中心頂樓，佔地兩層3000呎人氣餐廳酒吧，裝修以峇里海灘為主題，設有大型草傘及舒適藤椅，充滿東南亞渡假風情。無論室內外，座位都非常寬闊，空間感大。室內有L型落地大玻璃，採光度十足，非常寫意。露天花園開揚舒適，遠眺醉人維港景色，任影唔嬲！成間餐廳超有氣氛！
無論環境定用料都非常有心思，必試12款以心情為主題嘅雞尾酒，例如「No More OT Please!」、「Damn Pissed Off!」、「I Need To Keep Fit!」等。不但名字有趣，造型特別，雞尾酒亦調配得非常清新，容易入口！
空中花園更設有Shisha區域，最適合同三五好友聚會Chill返晚！一次過滿足飲酒、玩樂、打卡三個願望！無論係Happy Hour定放工輕鬆一下都合適，絕對係同閏蜜或者男女朋友把酒談心嘅好地方！
INFO
《Kaboom》
地址：尖沙咀北京道12A號太子集團中心20樓
營業時間：星期一至三 12:00 - 00:00；星期四至六 12:00 - 02:00；星期日 12:00 - 00:00
電話：3708 8114
聚會餐廳推介｜3. Morokok
位於旺角家樂坊佔地8000呎嘅摩洛哥風Cafe，空間感十足！6000呎室內空間加2000呎空中花園，座位數量多，場地亦夠大，舉行各大小類型宴會就最適合不過！
餐廳以粉紅色為主調，花紋地板，叢林佈置，霓虹燈再加上拱門卡位，係一間充滿少女心嘅泰式Fusion餐廳，充滿異國風情。當你步入餐廳嘅第一刻，就已經到處都係打卡位！餐廳更設有戶外座位，環境舒適寬敞，更提供board game及飛鏢機等遊戲，有得打卡，有得玩又有得食，可以同朋友玩遊戲增進感情！
餐廳由米芝蓮泰國廚師主理，素食、冷盤、炸物、主菜到甜品等應有盡有！泰國菜最適合同朋友分享，當中最受歡迎嘅係珍珠蛋蠔餅、泰式小食拼盤同埋雙色芒果糯米飯。餐廳亦會因應節日而有唔同嘅主題餐單，絕對係慶祝之選。
INFO
《Morokok》
地址： 旺角登打士街56號家樂坊8樓801號舖
營業時間： 星期一至四 12:00 - 23:00；星期五至六 12:00 - 01:00；星期日 12:00 - 23:00
電話： 2363 1882
聚會餐廳推介｜4. 楚撚記大排檔
適逢暑假開學，相信大部份準備上大學或者已經係大學生嘅你可能都有玩過Ocamp，可能會諗「ReU」聚會去邊好？去完party room想出外食個飯，但係要搵到10至20個座位嘅餐廳，都唔係隨便可以搵到㗎！
今次為大家推介港式新派楚撚記大排檔。共有三間分店，總店喺土瓜灣、仲有西環分店及荃灣旗艦店。荃灣店面積約7000呎，最啱就係一大班人「ReU」聚會嘅時候去食！除咗可以舒服咁嘆住冷氣，食物種類亦唔少，如黃金椒鹽粟米、一口脆炸雙重芝士波波、鑊氣豉椒炒蜆等，可以滿足唔同人嘅喜好！而且大排檔性價比高，人均消費百幾蚊，絕對適合大學生去食！
聚會除咗必定撚手小菜同鑊氣小炒，大排檔亦適合食宵夜，直落飲返杯啤酒！買滿六支嘉士伯大支裝啤酒，仲會送限定版飲勝極樂小雙俠遊戲一款，宵夜時段仲有八八折，保證你玩得盡興！一秒提升聚會氣氛。
INFO 《土瓜灣總店》 地址： 九龍土瓜灣馬坑涌道 2C 號寶光大廈地下 C 及 D 舖 營業時間： 星期一至日 17:30 - 02:00 電話：2515 1500 / 2515 1200 / 訂座及外賣WhatsApp專線: 5338 1859 (專線回覆時間為1pm-11pm) 《西環分店》 地址：皇后大道西554-560號日富里地下1號舖 營業時間：星期一至日 17:30 - 02:00 電話：2878 1118 / 訂座及外賣WhatsApp專線: 6680 9197(專線回覆時間為1pm-11pm) 《荃灣旗艦店》 地址：荃灣川龍街118號百悅坊地下及1樓 營業時間：星期一至日 17:30-03:00 電話：39973661 / 外賣電話：54488087 / 訂座及外賣 WhatsApp專線: 5338 1859(專線回覆時間為1pm-11pm) * (營業時間會按營業限制而更改，詳情請致電查詢)
聚會餐廳推介｜5. 元朗隱世山莊
一大班人聚會點少得任飲任食嘅燒烤呢！喺元朗市內嘅呢間隱世山莊多元化燒烤場地，設備完善，環境乾淨企理。
除咗有多類型BBQ食物，例如基本肉類、丸類、串燒、海鮮等，更設有室內派對房間、卡拉ok、麻雀、足球機等，場地可以容納30-80人！非常適合家庭聚會、中小大學聚會包場玩樂，多人一起燒烤，場面必定十分熱鬧！
INFO
《元朗隱世山莊》
地址：元朗鳳麒路大旗嶺村148號
營業時間：星期一至五 18:00 - 01:00，星期六至日 14:00 - 01:00
電話：2477 7317
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
