身邊成日有個心大心細個朋友，次次約出街都選擇困難症唔知食咩菜好？近年fusion菜越黎越流行，小編咁岩就發現左一間位於灣仔嘅超精緻fusion菜cafe！餐廳裝修仲好有特色，全部以黑白2D手繪畫設計，店內色彩豐富嘅精緻菜式同黑白色裝修形成強烈對比，打卡影相效果超絕！而家即刻睇睇裡面嘅環境同野食有幾正啦～
圖片來源：openrice｜撰文：candice
黑白牆身全靠人手繪製 平面插畫效果彷彿置身2D世界
這間ULURU cafe位於灣仔春園街，除了fusion菜外，店內裝修一樣充滿藝術特色！Cafe牆身的黑白色壁畫，全都是由cafe老闆邀請本地美術大學學生親手繪製，以黑白歐陸風作為設計理念，線條超精緻，一踏入餐廳就令人有種置身於二維空間漫畫世界的錯覺，超級獨特，岩曬藝術系文青來打卡拍照！
超精緻Fusion菜！顏色豐富為黑白2D世界增添色彩
與這裏的裝修完全相反，cafe的fusion菜式色彩多樣，配上黑白色插畫做背景後，食客們彷彿都是黑白漫畫中的主角，捧著一盤盤美食，可以輕鬆營造出活潑俏皮的打卡效果！
不止牆身有經過特別設計，桌子上的餐紙也特意用了黑白格紋，線條還帶點不規則的彎曲，簡直就像不小心被困於二維空間，超有特色！
至於食物方面，cafe主打下午茶同fusion菜，呢款金屬鐵架英式下午茶包含有多款鹹甜點，包括2款不同口味的馬卡龍及蛋糕、果撻等！
另外佢哋嘅All Daybreakfast一樣足料，除左benedict egg 同beacon，仲有港式港式經典小食雞蛋仔同炸蝦等，超吸引！
呢度嘅甜品更係可以媲美藝術品，好似以下2款就絕對必叫啦！
唔好以為呢碟甜品係真嘅花啊，其實上面彩色帶透明嘅花盆用拉糖整成，望落鬆軟嘅泥土就以酥皮製成，底層仲有朱古力Brownie同朱古力忌廉，朱古力味勁濃郁！
另外仲有一款味道酸甜嘅檸檬芝士餅值得一試，面頭透明嘅係用食用花製成嘅啫喱，下層係檸檬芝士餅，整體味道超清新，仲有助解膩添！
最後就連特飲色調都咁夢幻，真系款款funsion菜賣相都超級精緻！大家有興趣嘅都快D去打卡啦～
【INFO】
ULURU
地址：灣仔春園街1-11號春暉大廈1樓
電話：2366 6448
營業時間：星期一至日 12nn-11pm
相關文章：
【齊集日本料理+雜貨！尖沙咀昭和風格婆婆珈琲屋 必試超精緻港式奶茶富士山甜品/特色漬物】
