嚟澳門玩除咗去朝聖打卡，梗係要好似小編咁嘆盡澳門嘅美食喇！今次要同大家介紹嘅係，澳門一間新開嘅古法泰茶專門店「鄭世隆」，用咗古法瓦煲煲茶，當中必試招牌泰奶雲頂冰！即睇內文了解更多！
圖片來源：IG@shilontea.macau｜撰文：Sharon
位於澳門嘅法泰茶專門店「鄭世隆」最近喺網上爆紅！店內採用瓦煲煲茶，加入新鮮牛奶，再配合泰式拉茶技術，每杯泰式奶茶都好似藝術品一樣咁靚！
當中主打招牌泰奶雲頂冰，泰式奶茶刨成冰沙，口感超綿密，入面有Q彈嘅黑糖珍珠，面層仲加上厚厚嘅奶蓋同金箔粉，賣相勁吸引，打卡一流！
除咗泰奶雲頂冰，仲有古法仙草泰奶都係人氣飲品之一，仙草入面加咗香茅，茶底醇厚奶香味重，值得一試！嚟緊去澳門不妨買嚟試下！！
【INFO】 《鄭世隆古法泰茶》 地址：氹仔飛能便度街泉悅花園地下C座 營業時間：星期一至日10:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
