無論係禁區內定係非禁區，香港國際機場都有各式美食選擇！以下為大家精選12間人氣餐廳，例如主打台式滷肉飯同埋夜市小食嘅阿元來了、新加坡米芝蓮一星福建菜莆田及筲箕灣人氣長龍港式小食店低調高手大街小食等。分為禁區及非禁區兩大類，無論你係趕飛機定係接機，都可以輕鬆搵到心水餐廳！
圖片來源：Openrice @TUEN TUEN、@Hello Nolo、@ML Law、@lazyszeman、@Maggie and Kitty、@蕙食貓、@食之無味2022318、@apjrxhym8jm7 | 撰文：Ginger
【非禁區餐廳】
機場餐廳推介｜1. Délifrance
法國過江龍開到機場非禁區，早餐時段可以選擇星級全日早餐，配杯泡沫咖啡醒神一流。晏晝想食輕食可以揀煙三文魚白汁碎蛋法國百吉包，三文魚厚切夠新鮮，加埋沙律菜同黑醋汁，健康得嚟唔會寡。
【INFO】
《Délifrance》
地址：赤鱲角香港國際機場一號客運大樓5樓抵港層接機大堂(非禁區)
營業時間: 星期一至日 06:00 - 22:00
機場餐廳推介｜2. 翡翠拉麵小籠包
開放式廚房見到師傅即拉麵條，小籠包即蒸熱辣辣上枱。招牌「翡翠小籠包」皮薄湯多，咬開爆汁，配埋鎮江醋食更提鮮。重口味必試紅油牛肉拉麵，牛𦟌炆到淋滑入味。環境光猛闊落，一家大細食飯都坐得舒服，人均$100左右。
【INFO】
《翡翠拉麵小籠包》
地址：赤鱲角香港國際機場一號客運大樓5樓抵港接機大堂T160號舖(非禁區)
營業時間: 星期一至日 07:00 - 23:00
機場餐廳推介｜3. 何洪記
何洪記係米芝蓮一星老字號，招牌正斗鮮蝦雲吞麵用全鴨蛋竹昇麵，爽口彈牙仲有淡淡蛋香，雲吞包住原隻鮮蝦，咬落爽脆。柱侯牛筋腩炆到淋滑入味，撈埋辣椒油食更加惹味。此外，餐廳亦有點心選擇如流汁叉燒包、蟹子棉花雞等。
【INFO】
《何洪記》
地址：赤鱲角香港國際機場一號客運大樓5樓抵港層接機大堂5T161號舖(非禁區)
營業時間: 星期一至日 07:00 - 23:00
機場餐廳推介｜4. 滿姐餃子
滿姐主打手工餃子，每日新鮮包製，皮薄餡多仲可以揀湯或煎兩種食法。想食得邪惡啲，餐廳亦有提供脆炸小食如香辣鹽酥脆雞配香脆薯條、台式香腸及炸魚柳等。此外，亦有飯類選擇如蕃茄蛋飯、麻婆豆腐、糖醋豬扒飯等。
【INFO】
《滿姐餃子》
地址：赤鱲角香港國際機場一號客運大樓5樓抵港層接機大堂(非禁區)
機場餐廳推介｜5. Tonkotsu 8 by 三田製麵所
機場都有得食拉麵！呢度嘅豬骨湯底用8種秘方熬足十幾個鐘，非常濃稠，掛湯力強。招牌「特製豚骨拉麵」有兩大塊叉燒，半肥瘦入口即化，溏心蛋流心效果啱啱好。可以加$34配餃子，煎到金黃脆底，非常香口。
【INFO】
《Tonkotsu 8 by 三田製麵所》
地址：赤鱲角暢達路1號香港國際機場機場一號客運大樓5樓抵港層接機大堂(非禁區)
營業時間: 星期一至日 06:30 - 23:30
機場餐廳推介｜6. 青悅越泰料理
青悅越泰料理主打生牛肉河粉，湯底用牛骨加香料煲製而成，牛肉片用熱湯淋到半生熟，非常嫩滑。另有炭燒類、咖喱、地道小菜及地道飲品選擇，定價大約$100至200。
【INFO】
《青悅越泰料理》
地址：香港國際機場機場一號客運大樓 (非禁區) 8樓離港層8T011-012號舖
營業時間: 星期一至日 06:00 - 23:45
機場餐廳推介｜7. can‧teen
Can‧teen定價親民，每款食物$50左右有交易。例如有常餐、迷你魚湯粉、特色熱狗、燒味、出前一丁即製西多士等選擇，想上機前食多餐香港嘅地道嘢食，嚟呢度就啱哂啦！
【INFO】
《can‧teen》
地址：赤鱲角香港國際機場一號客運大樓離港層大堂7樓7T090號舖 (非禁區)
營業時間: 星期一至日 06:00 - 22:00
【禁區餐廳】
機場餐廳推介｜8. 阿元來了
阿元來了主打台式滷肉飯同埋夜市小食，招牌滷肉飯肥瘦均勻，值得一試。起司玉米蛋餅拉絲芝士夾住甜粟米，外皮煎到微脆。仲有關東煮同埋芋圓選擇，飲品記得試古早味冬瓜茶，清甜解膩，人均$50−100有交易，性價比高！
【INFO】
《阿元來了》
地址：赤鱲角暢達路1號香港國際機場機場客運大樓 (禁區)近28號閘口
營業時間: 星期一至日 07:00 - 23:00
機場餐廳推介｜9. 霸嗎拉麵
霸嗎拉麵以豬骨湯底聞名，湯底用豬頭骨熬十幾個鐘，非常濃郁。招牌炙燒豚肉拉麵有兩塊非常厚嘅叉燒，表面燒到微焦帶炭香，肉質軟嫩。麵條可以自選軟硬度，掛湯力一流，食到尾都唔會變淋，上機都可以享受一番！
【INFO】
《霸嗎拉麵》
地址：赤鱲角暢達路1號香港國際機場機場一號客運大樓 (禁區)東大堂7樓7E162號舖
營業時間: 星期一至日 08:30 - 21:00
機場餐廳推介｜10. 莆田
新加坡米芝蓮一星福建菜進駐機場！莆田主打地道風味，招牌福建海鮮滷麵用蝦湯做底，加入蠔仔、蜆肉同白菜仔，湯頭鮮甜，麵條吸盡精華超入味。另有提供廈門沙茶麵、興化炒米粉及農家芥菜粥配油條等選擇。
【INFO】
《莆田》
地址：赤鱲角香港國際機場一號客運大樓離港層東大堂7樓7E181號舖
營業時間: 星期一至日 07:00 - 20:00
機場餐廳推介｜11. 低調高手大街小食
掃街癮起機場都有得食，呢間筲箕灣人氣長龍港式小食店將街頭風味帶入機場禁區，雞蛋仔同格仔餅即叫即製，外脆內軟，有原味及黃金雞蛋仔等口味選擇，啱哂鐘意食港式小食嘅你！
Belle.
【INFO】
《低調高手大街小食》
地址：赤鱲角暢達路1號香港國際機場一號客運大樓(禁區)離港層6樓近40-80號登機閘口
營業時間: 星期一至日 12:00 - 21:00
機場餐廳推介｜12. 都爹利會館
呢間中環高級中菜館將藝術館同餐廳合體，而禁區分店繼續保持格調，喺機場都可以體驗貴氣茶記。機場分店提供點心拼盤套餐、素粉果湯麵套餐、點心、燒味及甜品等選擇，種類繁多。
【INFO】
《都爹利會館》
地址：赤鱲角香港國際機場一號客運大樓離港層東大堂7樓7E161號舖
營業時間: 星期一至日 06:00 - 23:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
