榴槤甜品 | 榴槤控必睇！夏天又準備到啦，絕對係食榴槤嘅最佳時機，小編就已經幫大家整合咗6大榴槤甜品，當中除咗有雪糕之外，亦有多款榴槤自助餐畀大家揀，絕對可以滿足大家！
圖片來源：官方圖片、各官方網站 | 撰文：Hedy
榴槤甜品推薦 | 1. IKEA 8大榴槤甜品！
為咗令大家可以一齊喺今個夏天「榴槤」忘返，IKEA再度推出榴槤盛宴，除咗有大受歡迎嘅榴槤新地之外，亦有全新推出嘅焗貓山王榴槤西米布甸！經典港式甜品焗西米布甸再加上貓山王榴槤作為內餡，每一啖都可以食到香濃嘅榴槤味，每個都只係$16，作為下午茶都相當適合！唔夠飽嘅話仲有D24榴槤班蘭蛋卷、炸榴槤球揀、榴槤班蘭糯米滋、榴槤芝士餅以及榴槤批等緊大家！
今年嘅D24榴槤植物素新地配D24榴槤肉，就連素食者都可以一齊享受，超鍾意食榴槤嘅你，更可以一口氣追加最多5份，享受綿密果肉再加上冰凍新地～由於數量有限售完即止，想試嘅大家就一定要快啲去IKEA美食站～
IKEA夏日榴槤仲推出咗新口味，全新榴槤品種榴槤植物素新地配D168紅肉榴槤肉已經登陸IKEA美食站，鮮甜果肉配上香滑新地，口感清甜之外亦帶有回甘味，各位榴槤控絕對要試埋，同樣都係$29！
【INFO】 《IKEA榴槤甜品》 分店地址：https://bit.ly/3Xntkon
榴槤甜品推薦 | 2. 麥當勞D24榴槤新地
上年極速售罄嘅D24榴槤甜品終於有得再食返啦！只要去唔同麥當勞分店，就可以食到由馬來西亞直送嘅D24榴槤，再加落幼滑新地，都只係$26。驚唔夠食仲可以加多$17追加榴槤果肉，產品同樣係期間限定，賣晒就冇㗎喇！
【INFO】 《麥當勞D24榴槤新地》 價錢：$26（追加榴槤果肉$17） 分店位置及存貨量：https://bit.ly/4ebPlMX
榴槤甜品推薦 | 3. 香港嘉里酒店「榴槤盛薈」自助餐
香港嘉里酒店將會喺7月1日推出「榴槤盛薈」自助餐，每逢週末以及公眾假期都會為大家供應以榴槤為主題嘅自助餐，當中包括榴槤葡撻、榴槤冬甩、榴槤芝士蛋糕、榴槤芒果糯米飯等。同時亦有不少精緻鹹點榴槤咖央三文治、特色榴槤薄餅、榴槤斑蘭卷，再配上榴槤奶昔特飲。每位客人更可獲得精選榴槤2件，當中或包括D197貓山皇、D24蘇丹王、D163葫蘆以及D13金包等，只需要$398就可以享受一眾誘人嘅甜品。
【INFO】 《香港嘉里酒店「榴槤盛薈」自助餐》 日期：2024年7月1日至9月15日（只限星期六至日及公眾假期） 時間：下午15:15至17:00 價錢：每位港幣$398（需另收加一服務費） 預約：https://bit.ly/4c4hyUt
榴槤甜品推薦 | 4. 黃竹坑南灣如心酒店 榴槤東南亞美食自助餐
黃竹坑南灣如心酒店推出「榴槤．斑蘭狂熱東南亞美食之旅」自助餐，等顧客品嚐唔同嘅東南亞特色佳餚，同時亦有馬來西亞D24及D197榴槤炮製嘅榴槤芝士蝦、榴槤松子魚塊及榴槤芝士炸豆腐等。當然唔少得香氣四溢嘅榴槤甜品，包括槤炸彈、榴槤竹炭瑞士卷、斑蘭榴槤蛋糕、斑蘭椰汁珍多冰等。
【INFO】
《「榴槤．斑蘭狂熱東南亞美食之旅」自助餐》
日期：即日起至2024年7月1日
價錢：成人港幣$311起 ； 小童港幣$233起；長者港幣$264起
地址：香港仔黃竹坑道55號南灣如心酒店P3樓
預約：https://bit.ly/45IRDj3
榴槤甜品推薦 | 5. 九龍海逸君綽酒店「飄香榴槤」海景下午茶
九龍海逸君綽酒店咖啡閣推出「飄香榴槤」海景下午茶套餐，可以享受多款榴槤美饌，如榴槤千層酥、榴槤椰子戚風蛋糕、榴槤脆皮泡芙、榴槤雪媚娘及榴槤蟹籽蛋沙律手指三文治等。每位都只需港幣$298，就可以邊享受榴槤甜品，邊欣賞維港景色。
【INFO】 《九龍海逸君綽酒店「飄香榴槤」海景下午茶套餐》 日期：即日起至2024年7月31日 時間：15:00至17:00 價錢：優惠價$298 地址：香港九龍紅磡黃埔花園德豐街20號（港鐵黃埔站D2出口） 預約：https://bit.ly/3Rtk12B
榴槤甜品推薦 | 6. Hotel Icon「飄香榴槤」下午茶
各位榴槤控相信一定食過唔少甜品，但唔知大家又有冇試過榴槤老火燉湯呢？唯港薈全新推出的「飄香榴槤」下午茶，更係首次以迷你榴槤融入湯入面，為大家烹調迷你榴槤老火燉湯！大家更可以喺度品嚐到榴槤拼盤，嚴選最新鮮時令馬來西亞榴槤，包括矜貴嘅D-Draja 皇室、D-168公主及D-Putera 普王等，每一款都充滿濃郁果王香，絕對可以令大家「榴槤忘返」！
【INFO】
《Hotel Icon「飄香榴槤」下午茶》
日期：即日起至2024年9月29日
時間：下午15:00至19:00
價錢：港幣$498（另收加一服務費）
地址：尖沙咀科學館道17號
預約：https://bit.ly/3xmPJHT
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
