一年容易又中秋，話咁快又差唔多到中秋節喇！大家準備好買月餅迎接中秋節未呢？坊間越嚟越多唔同口味同特色嘅月餅，無論係傳統月餅、奶黃月餅，甚至係冰皮月餅都好受大家嘅歡迎！小編為大家整理咗唔同品牌嘅月餅早鳥優惠，想知道有幾多款式可以揀，點買先至抵？一齊碌落內文睇啦！
圖片來源：kkday、KLOOK、A-1 Bakery、奇華餅家、美心、望月、榮華、大班｜撰文：Sharon
月餅早鳥優惠1 –A-1 Bakery Pokémon 奶皇月餅便當
A-1 Bakery今年推出咗以Pokémon為主角嘅奶皇月餅便當，月餅唔單止鬆軟薄皮，仲印有Pokémon造型嘅圖樣，十分趣緻！每盒Pokémon奶皇月餅便當更會額外附贈印有精美Pokémon圖案嘅會員卡一款，以及印上Pokémon圖案嘅購物袋，相信Pokémon嘅粉絲一定會好想擁有！今個中秋有Pokémon嘅陪伴就最Perfect啦！
【INFO】
A-1 Bakery Pokémon 奶皇月餅便當
售價：$223（原價$260）
換領日期：8月1日至9月7日
換領方式：到指定A-1 Bakery分店換領Pokémon奶皇月餅便當乙套
月餅早鳥優惠2 – Green Common 純素奶黃、綠茶月餅（4個裝）
Green Common推出純素奶黃月餅禮盒同純素低糖綠茶月餅禮盒，純素嘅朋友有福啦！百分百香港製造，每一口皆細膩幼滑，味道甜而不膩！比起傳統奶黃月餅，純素月餅嘅卡路里同脂肪含量會較低，含0毫克膽固醇及0克反式脂肪*（每100克計算），就算食多咗都唔驚會肥啦！溫馨提示大家，建議食用前以180度焗5至8分鐘，食落會更加滋味！
另外，經 Klook 訂購後根據以下步驟，更可獲Green Common網店港幣HK$30優惠碼！
步驟1：透過WhatsApp (https://bit.ly/3za77N9) 聯絡Green Common客服
步驟2：輸入”Klook”及上傳Klook購買2022 Green Common月餅收據
【INFO】
Green Common 純素奶黃、綠茶月餅（4個裝）
純素奶黃月餅禮盒售價：$188（原價$238）
純素低糖綠茶月餅禮盒售價：$198（原價$248）
換領日期：8月19日至9月9日
換領方式：憑券親臨指定Green Common及新肉檔分店，即可換取指定月餅乙盒
月餅早鳥優惠3 – KiKi 麵店 「KiKi嘗．月」奶皇月餅禮盒
KiKi 麵店推出嘅月餅禮盒有3款口味可以選擇，包括「鳳梨奶皇月餅」、 「白桃烏龍奶皇月餅」同「茉莉綠茶奶皇月餅」，一盒6件，無論係送禮定同屋企人享受一樣咁正～
「鳳梨奶皇月餅」以當地特產鮮鳳梨巧手製成，口感細膩，酸酸甜甜嘅內餡，唔會有過膩嘅感覺！
「白桃烏龍奶皇月餅」嘅烏龍茶味加桃香味，突顯奶皇月餅嘅醇厚順滑，係必試嘅口味！
「茉莉綠茶奶皇月餅」清新甘甜，平衡奶皇月餅嘅甜膩口感！
【INFO】
「KiKi嘗．月」奶皇月餅禮盒（一盒六件）
售價：$208（原價$298）
換領日期：7月15日至9月7日
換領方式：憑券親臨指定KiKi 麵店分店，即可換取指定月餅乙盒
月餅早鳥優惠4 – 奇華餅家 角落生物小夥伴™ 迷你奶皇月餅禮盒連餐碗碟套裝
身為角落小夥伴嘅Fans一定唔可以錯過呢款月餅禮盒！奇華餅家推出一共4款角落小夥伴造型嘅月餅，包括「企鵝? – 迷你蛋黃奶皇月1個」、「白熊 – 迷你士多啤梨乳酪奶皇月1個」、「炸豬排 – 迷你朱古力奶皇月1個」同「蜥蜴 – 黑芝麻奶皇月餅1個」！另外禮盒仲會附送「 角落小夥伴™微波爐碗」(約 6寸) 1個、「角落小夥伴™ 餐碟 」 4件！只限網店咋！
【INFO】
奇華餅家 角落生物小夥伴™ 迷你奶皇月餅禮盒連餐碗碟套裝
售價：$318（原價$468）
月餅早鳥優惠5 – Häagen-Dazs 姜濤限量版雪糕月餅
Häagen-Dazs™聯乘法國羅浮宮以「The Masterpiece of Masterpieces」作為主題，以羅浮宮著名雕塑作為設計靈感來源，將藝術融入禮盒包裝，打造香港殿堂級藝術聯乘雪糕月餅！另外，當然唔少得限量姜濤特別版雪糕月餅禮盒，分別係「姜濤特別版—藝賞．星辰」以及「姜濤特別版—藝賞．月夜」，每盒含四件獨立包裝嘅雪糕月餅都以唔同顏色同印有姜濤豐富表情嘅鐵盒盛載，一共有14款不同表情，身為姜糖梗係要入手晒咁多款啦！
【INFO】
Häagen-Dazs 姜濤限量版雪糕月餅
售價：$698
購買方式：Häagen-Dazs專門店預購
月餅早鳥優惠6 – 微熱山丘 榴槤系列月餅
鍾意食榴槤嘅朋友一定要試試微熱山丘嘅榴槤月餅！今年推出嘅新口味「D24蘇丹王榴槤月餅」同「貓山王榴槤冰皮月餅」，嚴選嚟自馬來西亞彭亨州嘅頂級貓山王榴槤同D24榴槤製成，以超級水果製成的冰皮表層， 絕對不含人工色素，如果鍾意食冰皮月餅嘅你一定要試！另外，除咗榴槤月餅，微熱山丘仲全新推出「紅玉蘋果月餅」，選用桃山皮豆沙製成月餅餅皮，餡料配上嚟自日本青森縣嘅紅玉蘋果果肉，粒粒果肉充滿口感！同傳統月餅相比，「紅玉蘋果月餅」唔會令人感到膩滯，卡路里都大大減少65%，就算食多咗都唔怕！
【INFO】
微熱山丘月餅
D24 蘇丹王榴槤月餅售價：$605
貓山王榴槤冰皮月餅售價：$605
紅玉蘋果月餅售價：$259（原價$299）
月餅早鳥優惠7 – 香港文華東方酒店月餅禮盒
傳統月餅點可以唔食雙黃白蓮蓉月餅呢！香港文華東方酒店推出一系列傳統和特色月餅，包括白蓮蓉月餅、朱古力流心月餅及陳皮豆沙月餅等，包裝外形用上華麗扇形禮盒，格調華麗，送禮嘅最佳選擇！依家仲有早鳥優惠，只要喺2022年7月4日至8月12日期間購買，購買2盒或以上即可享有85折優惠～
【INFO】
香港文華東方酒店月餅禮盒
雙黃白蓮蓉月餅（四件裝）售價：$424（原價$498）
迷你雜錦月餅（六件裝）售價：$398（原價$468）
換領日期：8月18日至9月10日
換領地址：香港中環干諾道中5號香港文華東方酒店閣樓文華餅店
月餅早鳥優惠8 – 九龍酒店月餅系列
九龍酒店推出2022年月餅系列，包括酥皮奶黃月餅、20年陳皮紅豆蓉月餅同精裝金箔奶黃月餅。「酥皮奶黃月餅」鬆香微脆嘅餅皮再配上軟滑嘅奶黃餡料，外酥內軟，甜而不膩！至於「精裝金箔奶黃月餅」一定係最適宜送禮，你酥皮奶黃月餅綴上金箔，既高貴又奢華！
【INFO】
九龍酒店月餅系列
售價：$278起
換領日期：8月15日至9月10日
換領時間：10:30 – 21:30
兌換地址：尖沙咀彌敦道19-21號九龍酒店購物商場地庫二樓月餅專櫃（港鐵尖沙咀站L4出口）
月餅早鳥優惠9 – 美心流心奶黃及傳統月餅系列
美心首創流心月餅，一盒有8個，濃滑奶黃夾著甘沙鹹蛋黃，唔需要加熱都可以食到流心嘅效果！加上，配有全新設計嘅高貴清雅禮盒，送禮相當得體～
當然唔少得最出名嘅「雙黃白蓮蓉月餅」同「雙黃蓮蓉月餅」，白蓮蓉清香幼滑，配上兩個鹹蛋黃，每啖入口甘香軟滑！依家購買仲送你「美心精美文件夾」一個！
【INFO】
美心月餅系列
售價：$510起
月餅早鳥優惠10 – 望月流心系列
望月嘅流心系列超受歡迎，除此之外更有傳統系列、奶黃系列同抹茶系列等。依家仲有早鳥優惠，最受大家喜愛嘅流心奶黃同流心抹茶月餅（4件裝）原價$218，依家只需要$178就可以入手！足足平咗$30！
【INFO】
望月月餅系列
售價：$178起
月餅早鳥優惠11 – 榮華月餅系列
雖然依家越嚟越多新穎嘅月餅，但傳統月餅依然好多人鍾意食～講起傳統月餅又點可以少咗榮華月餅呢！榮華月選用優質湖南湘蓮，精心製成嘅白蓮蓉，再加埋頂級蛋黃，簡直係絕配啊！依家網店仲推出優惠，原價$378，網店價只需$235就可以入手！足足平咗$143，勁抵買啊！
另外，榮華亦很貼心為健康人士著想，推出低糖雙黃白蓮蓉月餅，以麥芽糖醇代替傳統砂糖，就算食得多都唔怕影響健康啦！原價$398，依家網店價只需$247咋～
【INFO】
榮華月餅系列
售價：$223起
月餅早鳥優惠12 – 大班冰皮月餅
有冇朋友對傳統、流心同奶黃月餅嘅興趣冇咁大，反而鍾情於冰皮月餅？如果你鍾意食冰皮月餅一定要買大班嘅「冰皮尊貴官燕月餅」同「冰皮玲瓏九星月餅」！「冰皮尊貴官燕月餅」每盒內有6個精裝冰皮月餅，包括冰糖官燕綠荳蓉、椰汁官燕綠荳蓉、杏汁官燕荳蓉、香芒官燕綠荳蓉、荔枝官燕荳蓉及日本白桃官燕荳蓉各1個，原價$549，推廣價$369！
至於「冰皮玲瓏九星月餅」每盒內有1個精裝楊枝金露綠荳蓉冰皮月餅及8個迷你冰皮月餅，包括經典綠荳蓉、芒果綠荳蓉、流沙芝麻荳蓉、西尾抹茶紅荳荳蓉、海鹽焦糖爆脆雲呢拿荳蓉、草莓綠荳蓉、榛子朱古力荳蓉、栗子荳蓉各1個，原價$425，推廣價$243！優惠至9月10日咋！
【INFO】
大班冰皮月餅系列
售價：$199起
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
