日本麥當勞 | 唔知大家最近有冇食到McGriddles呢，終於都唔使飛去日本先食到喇，而家喺香港隨時都食到！之後飛去日本除咗人氣McGriddles外，都可以試試呢幾樣食物，大部分都係日本限定！
圖片來源：mcdonaldsjp、X@McDonaldsJapan | 撰文：Hedy
日本麥當勞限定 | 1. 雙重芝士煙肉薯仔批 (最新期間限定!)
各位準備飛日本嘅朋友仔絕對可以試試新出嘅芝士煙肉薯仔批，同過往唔同嘅係，今次更係升級至雙重芝士口味，芝士控絕對會鍾意！一咬落去更有滿滿嘅薯蓉、煙肉同洋蔥，售價約為港幣$10。廣告更搵嚟乃木坂46前成員白石麻衣代言，近排去日本嘅必定要買！
日本麥當勞限定 | 2. 德國薯仔厚切牛肉漢堡 (最新期間限定!)
日本麥當勞聯乘魔女宅急便，推出3款期間限定嘅歐洲漢堡，當中德國薯仔厚切牛肉漢堡有多汁肉排，入面仲有芝士同埋洋蔥，咬落去相當惹味，套餐都只係大概港幣$43！
日本麥當勞限定 | 3.西瓜/黃金菠蘿Frappe (最新期間限定!)
夏天絕對要嚟啲清爽同夠Fresh嘅飲品，而日本麥當奴McCafe最新推出西瓜以及黃金菠蘿Frappe。以西瓜汁同菠蘿為底嘅沙冰，再淋上鮮奶油、奇異果或菠蘿汁以及香蕉醬等，口感超清新！一杯售價大概係港幣$25，幫大家喺夏天消暑！
日本麥當勞限定 | 4. 照燒漢堡（經典套餐）
去日本唔使再食McGriddles！反而大家就可以試試日本經典嘅照燒漢堡，利用特製嘅照燒醬，再加上厚實嘅豬肉同生菜，咬落去每一下都係啖啖肉！加埋醬汁絕對會令大家念念不忘，大家下次去日本一定要試試！
日本麥當勞限定 | 5. 武士漢堡(經典期間限定套餐)
相信大家就算冇食過武士漢堡，都一定有聽過呢個名！武士漢堡喺2022年打著「享受身為大人吧！」嘅口號誕生，特製嘅漢堡麵包入面，加入濃厚嘅醬汁，咬落去可以食到牛肉嘅鮮味，想食嘅朋友絕對要等期間限定嘅時候先好去試！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
