每日返工返學營營役役，有時真係好想搵個地方靜下來呼吸一口氣。如果你鍾意日本風，小編嚴選以下5間日系咖啡店，有復古昭和風、開揚木系風格、純白風格等，唔止環境，食物都同樣吸引。無論你係「真．文青」定係「偽．文青」， 都可以Bookmark定下次去。
圖片來源：Neko Puff、Openrice@Voracious、Openrice@LillianChung2244、Openrice@viviantanggg、Openrice@rebahgase、IG@ukiyo_hk、IG@choubo_kissaten、IG@relieve.hk、Openricce@Gingerbunny、Openricce@chdapple、Openricce@jcpigpigzhu、IG@cafewanderhk｜撰文：Angela
日系咖啡店推介｜1. Relieve Cafe 稍息
港島西區唔少別具特色的Cafe，位於上環永樂街的「Relieve Cafe稍息」就係當中的人氣之選。店內以昭和風設計，地格同牆上的圖案十分懷舊，仲有榻榻米座位區，超級「打卡able」。各款定食例如香煎三文魚、野菌豚肉卷等都好有日本家常風味，日本迷一定要試試。最近Cafe更推出周年優惠「上環昭和風咖啡店X居酒屋 一周年優惠五重賞」，8月5號當日會送出100杯免費飲品。其他優惠詳情就留意下文啦！
【INFO】 Relieve Cafe 稍息 地址：上環永樂街77號OVEST地下1號 電話：61813216 「上環昭和風咖啡店X居酒屋 一周年優惠五重賞」 優惠期：2023年8月 內容：5/8 當日送100杯消暑飲品（可選芝士奶蓋水蜜桃烏龍茶 & 芝士奶蓋荔枝紅茶先到先得送完即至！另加送$100現金券）
8月份光臨本店慶祝生日 全單即享85折優惠
8月份光臨本店消費滿$850即享85折優惠
8月份所有外賣飲品買一送一 (昭和富士山 及 所有酒精類飲品除外)
8月份晚市時段內 所有堂食客人均有一杯梅酒 (Welcome Drinks)
日系咖啡店推介｜2. NEKO PUFF
「NEKO PUFF」進駐銅鑼灣，選址在智選假日酒店地下，7月21號已經開業。Cafe主打拿破崙蛋糕，人氣口味包括經典伯爵茶無花果、新鮮芒果肉及情迷法式栗子等。飲品方面更吸引，店舖推薦「西村番茶屋抹茶」及「珠屋小林珈琲」。「西村番茶屋本店」連續4年獲得京都「近畿西日本地區最佳煎茶大獎」；而「珠屋小林珈琲」更加係「日本宮内庁御用達」品牌，味道以日本皇室御用品為基礎，大家有冇興趣一試呢？
【INFO】
Neko Puff
地址:
銅鑼灣店：銅鑼灣霎東街33號智選假日酒店地下G04B號舖
電話：2131 8988
屯門店：屯門屯順街1號屯門市廣場1期1樓1268號舖
電話：2333 3980
日系咖啡店推介｜3. Ukiyo
文青熱點K11 MUSEA有好多餐廳，但大家有冇發現6樓有間日式Cafe「Ukiyo」呢？Ukiyo的日本漢字寫法係「浮世」，叫人在無常的世道及時行樂的意思。場內有著大面積落地玻璃，窗外是一片草地，採光十足同時令人朝氣勃勃。想試特別菜式可以揀日式All Day Breakfast，包括一款主菜、幾款漬物及酸種麵包，用上味噌及胡麻醬等調味料，別具日本風情。小編就推介必食的麻薯窩夫，有焙茶、海鹽焦糖、伯爵茶等口味，鬆脆的窩夫上面鋪上大片瀑布麻薯同雪糕，真係超邪惡。
【INFO】 Ukiyo 地址：尖沙咀梳士巴利道18號K11 MUSEA6樓610號 電話：27628822
日系咖啡店推介｜4. 喫茶ちょうぼ
和洋食屋「喫茶ちょうぼ」有3間分店，分別位於大埔、尖沙咀及銅鑼灣。當中大埔和尖沙咀設計以深木色為主調，加上復古的燈具 ，好有日本洋果子店風情。店員亦穿上白色恤衫加馬甲，十足管家一樣。餐廳有各式各樣咖哩飯及蛋包飯，小編最推介就係招牌日式布甸，食落口感濃郁，一試就會上癮。
【INFO】 喫茶ちょうぼ 尖沙咀店 地址：尖沙咀河內道18號K11 Art Mall 1樓117-118號 電話：23102863 銅鑼灣店 地址：銅鑼灣告士打道280號世貿中心4樓8號 電話：26081833 大埔店 地址：大埔安邦路8&10號大埔超級城B區2樓276號 電話：25641888
日系咖啡店推介｜5. 浮生
大角嘴一向多美食，小編推介位於大角嘴同旺角之間的Cafe「浮生」。顧名思義，「浮生」給予客人一種「偷得浮生半日閑」的感覺，白色外牆同店內簡單的裝潢，加上從窗外透射進來的陽光，令人好自然地放鬆。食物亦好有質素，在各款日式定食中，小編最愛安格斯牛小排蓋飯，肉味濃而且肉質唔會過老，加一隻溏心蛋，簡直係完美午餐。
【INFO】 浮生 地址：大角咀晏架街8號地舖 電話：95482798
