散水餅推薦2025 | 離職唔代表同事關係劃上句號，因為啱傾嘅之後可以約出嚟玩，唔太熟嘅都可以禮貌道別同送上祝福以示感謝。然而，要表達對上司或同事一直以來嘅幫助，派散水餅係一個好好嘅道別方式。本文整理咗15間特色高質散水餅店，幫你漂漂亮亮地離開舊公司。
圖片來源：官方圖片、IG@kts_factory、farmchap、boldlygift、why_coffee_hk、miraclegifts.hk、intheroom.hk| 撰文：Cynthia
散水餅推薦 | 1. BEANS
BEANS可以話係搞笑散水餅嘅始祖，因為佢嘅設計真係好出色。BEANS聯乘本地插畫家推出「終極暗黑版散水餅」，將離職寓意「破地獄」，附上古靈精怪嘅插牌，真係好過癮。
【INFO】
《BEANS》
網址：連結
散水餅推薦 | 2. Twinkle
Twinkle 有散水餅套餐，包括人氣卡通小燦SHO-CHAN拜拜你條尾散水禮盒，鬼馬表情笑到碌地。另外仲有辭職大晒散水禮盒套餐6件，係菠蘿包麻糬曲奇菠蘿包造型絕對令人驚喜。更加印有搞鬼字句，多謝同事收到一定開心到肚痛。
【INFO】
《Twinkle》
網址：連結
散水餅推薦 | 3. 不想打工
覺得蛋糕唔夠健康？黑糖磚包括桂圓紅棗薑、冬瓜海燕窩、玫瑰四物，仲有其他。每款各有功效例如活氣補血、健脾益胃同清熱解毒等等印上唔同字句，玩味十足。
【INFO】
《不想打工》
網址：連結
散水餅推薦 | 4. KT’s Factory
麻糬毛巾卷超足料，最啱成為下午荼甜點。口味推薦Oreo麥旋風脆脆、Nutella榛子醬朱古力繽紛樂同濃厚香芋芋泥，同同事甜爆講再見。
【INFO】
《KT's Factory》
網址：IG連結
散水餅推薦 | 5. Cookpio
布丁燒結合咗綿密嘅芝士蛋糕、焦糖醬、滑嫩嘅雞蛋布丁，個個都啱食。一共有12款圖案，唔係好熟嘅同事就客套咁送「有緣再會」圖樣，玩得嘅可以送搞笑嘅「走先喇 係咁先喇」，任君選擇。
【INFO】
《Cookpio》
網址：連結
散水餅推薦 | 6. Bubble Bu Cakery
Bubble Bu Cakery散水餅分別有芝士撻、奶蓋巴斯克、瑪德蓮同極邪惡岩燒芝士蜂蜜蛋糕。全部產品都係減糖製作同無添加防腐劑，送俾日日嗌減肥嘅同事就啱。
【INFO】
《Bubble Bu Cakery》
網址：連結
散水餅推薦 | 7. 香港茶鄉
驚蛋糕零食太肥，茶飲就夠晒健康。香港茶鄉散水茶包裝精美，加入好多潮語，設計非常有本地特色。解渴養生之餘而且獨立包裝，同事一定中意。
【INFO】
《香港茶鄉》
網址：連結
散水餅推薦 | 8. 呦呦鹿鳴布丁燒
要食布丁燒，最多人識嘅一定係呦呦鹿鳴布丁燒。咬一啖鬆軟蛋糕，湧現滿滿幸福感。另外，可以定製唔同字句，同事一定覺得你好有心思！
【INFO】
《呦呦鹿鳴布丁燒》
網址：IG連結
散水餅推薦 | 9. 湯譜SOUPDAY
公司冷氣好凍，坐得耐個人變到好寒。呢個時候遞上一碗暖暖嘅散水湯，真係超級窩心。湯譜湯款非常多包括但唔限於花旗參燉雞湯、雪梨海底椰雪耳燉湯、蟲草花枸杞燉烏雞湯及椰子燉雞湯 ，而且可以印上散水字句，係一個唔錯嘅散水禮物。
【INFO】
《湯譜SOUPDAY》
網址：連結
散水餅推薦 |10. Damdambirdnest
想散水餅夠晒特別，同事同老闆食完都記得你，可以試下啖啖燕窩出品嘅散水燉品。燕窩，雪燕，桃膠十分體面，訂30樽以上，仲可以定製個性化貼紙。
【INFO】
《Damdambirdnest》
網址：IG連結
散水餅推薦 |11. Farmchap
迷你冬甩的骰超可愛，色彩斑斕嘅造型非常趣緻。味道款色繁多，包括彩虹忌廉、抹茶芝士、檸檬茶、肉桂糖等等，全部都非常惹味。
【INFO】
《Farmchap》
網址：IG連結
散水餅推薦 |12. boldlygift
百分百純手工製彩虹馬賽克散水薯片，地鐵站牆身配上搞笑字句，收到嘅事一定笑出嚟。後面更附上打工仔營養資料，包括「好同事」、「花紅」同「準時放工」等，真係創意爆燈。
【INFO】
《boldlygift》
網址：IG連結
散水餅推薦 |13. why_coffee_hk
原創插圖配合燙金設計，造型非常啱打卡。呢間有12款茶啡口味，包括Choco Brown Blend、Toasted Nut Blend咖啡掛耳包、雪梨紅棗玫瑰花茶、甜橙金桔菊花茶、蘋果山楂洛神花茶等等。
【INFO】
《why_coffee_hk》
網址：IG連結
散水餅推薦 |14. miraclegifts.hk
香港情懷散水茶設計精美懷舊。當中包括車衣女工嘅「工作順利」、切磋功夫就「江湖再見」、喺冰室「得閒飲茶」 等等，全部散發住香港待色同精神，好適合勉勵同事。
【INFO】
《miraclegifts.hk》
網址：IG連結
散水餅推薦 |15. intheroom.hk
想散水餅送得體面，又唔想荷包大出血，《房間裡的可麗露》都係一個唔錯嘅選擇。包裝誠意十足，收到嘅上司或同事都可以感受到你心意。每粒可麗露都有底托，方便同事拎，貼心到爆呢！
【INFO】
《intheroom.hk》
網址：IG連結
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
