放題推介2025 | 放題一向係香港人嘅最愛，無論係刺身、燒物定甜品，總有一款啱你心水！一個價錢享用刺身、壽司、燒物等高級料理，部分更包括生蠔或創作菜式，性價比高。今次為大家精選15間高CP值放題，款款都係任食，絕對係食到飽嘅好選擇！
圖片來源：Openrice @apwinnieamwm、@gigi72、@Bella_YoYo、@yt.t、@cyrus1818、@hkplaylist、@跟妮飲食、@sheenalo、@opsssssss、@hondawhite、@Clareylee | 撰文：Ginger
放題推介 | 1. 極尚大喜屋
極尚大喜屋屬大喜屋集團元老級放題，主打豐富日式料理，刺身、壽司、燒物一應俱全，更設日本清酒、燒酒任飲，榴蓮粉絲必試烤金枕頭！午市低至$268起，價錢相宜，銅鑼灣分店方便上班族聚餐，觀塘、元朗及旺角分店亦人氣高企。
【INFO】
《極尚大喜屋》
地址: 旺角彌敦道625 & 639號雅蘭中心4樓
營業時間: 星期一至五 12:00 - 14:30、17:00 - 23:00、星期六至日 12:00 - 15:00 、17:00 - 23:00
價錢: 午市$268/位起，晚市$288/位起
放題推介 | 2. 大本瀛日式放題
大本瀛以日泰混合料理突圍，黃金蝦、辣椒炒青口等鑊氣小炒夠惹味，串燒鐵板燒款式豐富，價位親民，食物款式多元化，刺身、壽司、爐端燒、鐵板燒、炸物、火鍋及甜品等，刺身亦夠新鮮，性價比高，啱晒鍾意多國風味嘅食客！
【INFO】
《大本瀛日式放題》
地址: 旺角西洋菜南街1N號兆萬中心10樓
營業時間: 星期一至日 12:00 - 00:00
價錢: $208-288/位（視時段而定）
放題推介 | 3. 神戶屋日韓放題
神戶屋午市5小時任食日韓百款美食，提供逾200款美食，如雞煲、火鍋、刺身、串燒等選擇十分多，18款刺身如三文魚、赤貝新鮮供應，必試黑松露油甘魚壽司，層次豐富！$289起即可歎足全日，啱晒長時間聚會。
【INFO】
《神戶屋日韓放題》
地址: 旺角西洋菜街1號兆萬中心8樓
營業時間: 星期一至四 16:00 - 02:00，星期五至日 12:00 - 02:00
價錢: $179/位起
放題推介 | 4. 殿 大喜屋
殿大喜屋餐廳環境寬敞舒適，午市$338提供3小時無限量用餐體驗。餐廳結合自助區及QR Code點餐服務，自助區涵蓋飲品（如啤酒、紅白酒）、熟食（如烤榴槤、炸雞）、凍海鮮（如青口、凍蝦）、水果（如蜜瓜、車厘子）、沙律（如煙鴨胸、火腿片）及甜品（如椰汁西米露、Movenpick及Häagen-Dazs雪糕）。QR Code點餐則提供創意菜（如花雕醉鮑魚）、新鮮刺身（如金槍魚腩、北海道帶子）、壽司卷（如海膽拖羅黑松露帶子）。推介菜式包括醉鮑魚、海膽壽司、烤榴槤及串燒牛舌。
【INFO】
《殿 大喜屋》
地址: 旺角太子道西193號帝京酒店2樓
營業時間: 星期一至日 12:00 - 15:00 17:00 - 23:00
價錢: $338/位起
放題推介 | 5. 瀛豐放題料理專門店
瀛豐以平價取勝，供應多款日、泰料理。餐廳提供180款以上嘅菜式如刺身、海膽、帶子、泰式串燒任食、炸物。午市3小時$209起，晚市$259起，性價比高，適合預算有限嘅聚會。
【INFO】
《瀛豐放題料理專門店》
地址: 銅鑼灣駱克道491-499號京都廣場3樓
營業時間: 星期一至日 12:00 - 15:00， 16:00 - 00:00
價錢: 午市$209/位起，晚市$259/位起
放題推介 | 6. 極上帝王水產
極上帝王水產係一間旺角樓上日式放題餐廳，店內掛滿和風旗幟作裝潢，氣氛輕鬆舒適。食物款式種類多，例如磯燒海鮮、炸物、壽司、日式火鍋、刺身等日式料理。 6小時午市放題$269起，菜式多國風味，刺身豐富，另送生日蛋糕，適合長時間聚會。
【INFO】
《極上帝王水產》
地址: 旺角西洋菜南街1N號兆萬中心9樓
營業時間: 星期一至日 12:00 - 00:00
價錢: 午市6小時$269/位起
放題推介 | 7. 瀧本日式料理
瀧本日式料理以榴蓮天婦羅、每日鮮切刺身及創意甜品聞名，100多款菜式選擇，如刺身、手卷壽司、天婦羅、串燒、鍋物、精緻甜點等。環境以木系裝潢為主，時尚簡約，適合約會或聚會。
【INFO】
《瀧本日式料理》
地址: 銅鑼灣駱克道463-483號銅鑼灣廣場二期8樓
營業時間: 星期一至日 11:30 - 16:00，17:00 - 23:00
價錢: 兩小時任食$198起
放題推介 | 8. 喜多嬉牡蠣屋
喜多嬉主打北木島生蠔，口感爽滑，肉質肥美，配6款醬汁如XO醬，適合愛海鮮嘅食客。另有特色串燒、特色茶漬飯、烏冬、沙律及漬物等日式料理任食。
【INFO】
《喜多嬉牡蠣屋》
地址: 中環些利街2-4號LL Tower3樓
營業時間: 星期一至日 12:00 - 15:30，17:00 - 22:30
價錢: $538/位
放題推介 | 9. 御滿屋日本料理
滿屋2小時任食60款菜式，刺身如油甘魚、創作壽司如香芒燕窩大蝦及炸物，特別提供一般放題少見的朱古力噴泉、爆谷機、棉花糖機及Haagen Dazs雪糕供應，更可任飲清酒、梅酒及啤酒。
【INFO】
《御滿屋日本料理》
地址: 旺角彌敦道655號胡社生行1樓
營業時間: 星期一至日 12:00 - 15:00 17:00 - 23:00
價錢: 午市$358/位起，晚市$378/位起
放題推介 | 10. 緣聚
元朗隱世放題緣聚紮根多年依然人氣高企，仲係全港首間榻榻米日式放題！裝修經典得嚟帶日式風情，卡座同大沙發位坐得舒服，啱晒一家大細或者朋友聚會。食物選擇多，超過100款任點任食，刺身、壽司、火鍋、燒物、韓式料理樣樣齊，加錢升級仲可以任食即開生蠔同松葉蟹腳，海鮮迷必試！刺身絕對係亮點，三文魚、油甘魚、吞拿魚全部厚切鮮嫩，入口即化。熟食推介黑松露炒雜菌，松露味突出，雜菌爽口，仲有鰻魚炒飯同串燒都夠鑊氣。飲品區有清酒、梅酒、汽水，仲貼心提供菊花蜜同花茶。
【INFO】
《緣聚》
地址: 元朗西裕街5-11號金福閣地庫
營業時間: 星期一至日 12:00 - 15:00，17:30 - 23:30
價錢: 午市$248/位起、晚市$
放題推介 | 11. 滿屋日本料理
大埔超級城C區嘅「滿屋日本料理」，晚市放題選擇多，刺身、壽司、炸物樣樣齊，必試A5和牛海膽刺身拼盤，輕輕燒過嘅A5和牛入口即溶，油脂香濃，幸福感爆棚！三文魚子黑松露魚生杯精緻得嚟層次豐富，裝滿三文魚腩、油甘魚腩同魚子，非常鮮甜。回本之選「滿屋海膽杯」，海膽鮮甜滑溜，配埋吞拿魚蓉，鮮味加倍。刺身拼盤有齊鮪拖羅、希靈魚、油甘魚、挪威三文魚、劍魚腩、甜蝦同北海道帶子，款款新鮮，120分鐘任食，絕對係食到飽嘅好選擇！
【INFO】
《滿屋日本料理》
地址: 大埔安邦路8&10號大埔超級城C區地下542-548號舖
營業時間: 星期一至四 12:00 - 22:30，星期五至六 12:00 - 23:00， 星期日 12:00 - 22:30
價錢: 午市$328/位起、晚市$528/位起
放題推介 | 12. 四季‧悅 日本餐廳
四季‧悅日本餐廳除咗有刺身、炸物同燒物，仲有蟹粉菜式任食，蟹粉豆腐滑嫩可口，蟹粉多士配搭出嚟嘅味道充滿新鮮感，蟹粉配鱈魚乾更加係驚喜之作，每道菜都獨具風味，蟹粉迷一定唔可以錯過！
【INFO】
《四季‧悅 日本餐廳》
地址: 金鐘夏慤道16號遠東金融中心UG-A1舖
營業時間: 星期一至日 07:15 - 22:00
價錢: 晚市$248/位
放題推介 | 13. 瀛火日式放題
瀛火日式放題啱晒住喺香港仔或者成日去嗰頭嘅你，可以食到多款日式美食，鐵板燒、天婦羅、爐端燒、刺身、鍋物，而且係兩個鐘任食！特別推介蟹膏珍寶赤蝦壽司同埋三文魚籽軍艦，包你食到停唔到口！環境舒適，服務周到，無論係家庭聚餐定係朋友聚會，都係一個唔錯嘅選擇。
【INFO】
《瀛火日式放題》
地址: 香港仔南寧街14號香港仔中心5期地下4B號舖
營業時間: 星期一至日 12:00 - 00:00
價錢: 午市$268/位起、晚市$308/位起
放題推介 | 14. 浦和日本料理
上環浦和日本料理有多款火鍋及日式放題組合，滿足你唔同嘅食慾！刺身、壽司、炸物，樣樣有齊，仲有冷熱燒酒供應，清酒、梅酒都任飲。餐廳仲有精選放題、極上放題、升級放題等套餐選擇，晚市放題更長達5小時！價錢由$268至$718不等，豐儉由人！
【INFO】
《浦和日本料理》
地址: 上環德輔道中244-252號東協大廈地下及地庫
營業時間: 星期一至日 11:30 - 15:00，18:00 - 23:00
價錢: $268-$718
放題推介 | 15. 大喜屋
沙田大喜屋日式放題提供寬敞舒適嘅用餐環境，晚市放題設有多個時段，提供多樣化嘅餐飲選擇。包括刺身、壽司、炸物、燒物、串燒、一品料理、冷盤及熟食等，並設有自助區，提供冷盤、點心、生果、甜品、湯、糖果等，款式豐富多樣。刺身方面，餐廳提供加拿大雪蟹腳、三文魚、北寄貝、帶子、八爪魚、阿根廷赤蝦、俄羅斯甘蝦等多種選擇，食材新鮮。一品料理推介花雕醉鮑魚，口感爽口彈牙。壽司及手卷推介海膽手卷、黑松露油甘魚、醬燒帝皇蟹棒，各具特色。甜品方面，餐廳提供泡芙、大福、雪糕、雪條、燕窩蛋白燉鮮奶、馬卡龍等多種選擇。飲品方面，餐廳提供生啤任飲，並有清酒、梅酒等多種選擇。
【INFO】
《大喜屋》
地址: 沙田沙田正街21-27號沙田廣場1樓33-35, 44-46號舖
營業時間: 星期一至日 12:00 - 15:00，17:00 - 22:30
價錢: 午市$258/位起、晚市$268/位起
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
