巴士迷注意！帝逸酒店聯乘九巴，推出全新巴士主題自助晚餐，有多款巴士造型甜品，打卡一流！除咗巴士主題自助餐，酒店更打造成巴士世界，大堂同露天停車場都可以見到巴士身影！當然唔少得九巴主題房，周圍都充滿巴士元素，即睇內文了解更多啦～
圖片來源：官方圖片｜撰文：Sharon
召喚全港巴士迷！由即日起至8月31日，帝逸酒店聯乘九巴，推出全新「『巴』羅萬有‧港式盛薈自助晚餐」，以九巴作主題，呈獻一系列別具特色嘅造型甜品，當中包括朱古力巴士站牌、黑森林車呔蛋糕、白朱古力錢箱蛋糕同巴士造型拿破崙，非常打卡able！開心果控必試「巴士造型拿破崙」入面仲有滿滿嘅開心果，超邪惡啊！
酒店內外設施都佈滿巴士元素，露天停車場停泊咗單層亞比安維京古董巴士，巴士迷一定要嚟欣賞兼打卡！另外，大堂門口更設置1比1巴士車頭，大家可以走進司機位打卡拍照，一嚐當車長滋味，相信一定可以滿足一班巴士控！
此外，帝逸酒店仲推出九巴主題房，無論係床單、牆壁定枕頭都充滿九巴元素，當然唔少得必影嘅打卡位啦！九巴主題房嘅房間落地窗台更面向九巴沙田車廠，巴士迷可捕捉巴士列陣出車及收車盛況！各位巴士迷千祈唔好錯過啊！
【INFO】 《『巴』羅萬有‧港式盛薈自助晚餐》 地址：Alva House (香港沙田源康街1號帝逸酒店1樓) 供應日期：即日起至8月31日 訂座電話：3653 1168
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
