開心果控注意！尖沙咀人氣新派冰室「金二少」推出全新限定開心果系列，以開心果元素重新演繹港式經典，包括流心爆餡開心果醬西多士、阿華田開心果同開心果奶茶紅豆冰，每一款都超吸引！！

圖片來源：官方圖片｜撰文：Sharon

尖沙咀人氣新派冰室「金二少」雖然以新派港式美食為主，但冰室裝潢充滿懷舊氛圍，牆上有舊式劇院掛畫、黑白攝影照片同用嚟放置奶茶汽水嘅舊式雪櫃。

尖沙咀人氣新派冰室「金二少」。（圖片來源：官方圖片）
充滿懷舊氛圍。（圖片來源：官方圖片）
多款新派港式美食。（圖片來源：官方圖片）

今次推出全新限定開心果系列，包括「阿華田開心果」，以Oatly開心果奶配搭童年回憶阿華田，麥芽甜香與堅果濃郁交織，就算連乳糖不耐都可以飲用！黃金比例「開心果西多士」，面層撒上爆量開心果碎，流心內餡用咗特濃開心果醬混合煉奶製作，外脆內軟！而創新傳承「開心果奶茶紅豆冰」，燕麥奶加上港式奶茶及人手熬製紅豆蓉，紅豆綿密、茶香回甘！

開心果西多士。（圖片來源：官方圖片）
開心果奶茶紅豆冰。（圖片來源：官方圖片）
阿華田開心果。（圖片來源：官方圖片）

除咗開心果系列，仲有唔少創意新菜式都值得一試，例如麻雀造型嘅「劉華西多士」、「黯然銷魂叉燒飯」、「懷舊豬扒煎蛋菠蘿包」。另一款熊仔冰奶茶造型夠晒可愛，大家可以倒入奶茶為小熊浸浴，非常打卡able！有興趣嘅朋友記得嚟試下啦～

懷舊豬扒煎蛋菠蘿包。。（圖片來源：官方圖片）
樽仔奶茶系列。（圖片來源：官方圖片）
劉華西多士。（圖片來源：官方圖片）
熊仔冰奶茶。（圖片來源：官方圖片）
【INFO】
《金二少冰室》
地址：尖沙咀柯士甸道 71 號地舖
電話：3709 9612
營業時間：7:00 - 21:30

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk